ગોલાઘાટ. કેન્દ્રીય ગૃહમંત્રી અમિતભાઈ  શાહ શનિવારે આસામ પહોંચ્યા હતા. ગૃહમંત્રી અમિત શાહે દેરગાંવમાં લચિત બરફૂકન પોલીસ એકેડમીના ઉદ્ઘાટન સમારોહમાં ભાગ લીધો હતો. આ દરમિયાન તેમણે જનસભાને પણ સંબોધિત કરી હતી.

    તેમના સંબોધન દરમિયાન કેન્દ્રીય ગૃહ પ્રધાન શાહે આસામના ભૂતપૂર્વ મુખ્ય પ્રધાન તરીકેના હિતેશ્વર સૈકિયાના કાર્યકાળ દરમિયાન તેમની અટકાયતને યાદ કરી. તે સમયનો ઉલ્લેખ કરતા અમિતભાઈ  શાહે કહ્યું કે આસામમાં કોંગ્રેસની સરકાર વખતે તેમની સાથે મારપીટ કરવામાં આવી હતી અને તેમણે રાજ્યમાં સાત દિવસ સુધી જેલનું ભોજન ખાધું હતું.

   દેરગાંવમાં લચિત બરફૂકન પોલીસ એકેડમીના ઉદ્ઘાટન સમારોહમાં બોલતા શાહે કોંગ્રેસ પર આકરા પ્રહારો કર્યા હતા અને કહ્યું હતું કે કોંગ્રેસે આસામમાં શાંતિ નથી થવા દીધી. કેન્દ્રીય ગૃહમંત્રી અમિતભાઈ  શાહે કહ્યું કે આસામની કોંગ્રેસ સરકારે મને પણ માર્યો છે. હિતેશ્વર સૈકિયા આસામના મુખ્યમંત્રી હતા અને અમે પૂર્વ પીએમ ઈન્દિરા ગાંધી વિરુદ્ધ સૂત્રોચ્ચાર કરતા હતા કે 'આસામ કી ગલિયાં સુની હૈ, ઈન્દિરા ગાંધી ખૂની છે'. મેં પણ આસામમાં સાત દિવસ જેલનું ભોજન ખાધું હતું અને દેશભરમાંથી લોકો આસામને બચાવવા આવ્યા હતા. આજે આસામ વિકાસના માર્ગ પર આગળ વધી રહ્યું છે.

   હિતેશ્વર સૈકિયા 1983 થી 1985 અને ફરીથી 1991 થી 1996 સુધી બે વખત આસામના મુખ્યમંત્રી રહ્યા હતા. અમિતભાઈ  શાહે કહ્યું કે આસામની લચિત બરફૂકન પોલીસ એકેડમી આગામી 5 વર્ષમાં દેશની ટોચની પોલીસ એકેડમી બની જશે. 
કેન્દ્રીય ગૃહમંત્રી અમિતભાઈ  શાહે વધુમાં જણાવ્યું હતું કે આગામી પાંચ વર્ષમાં પોલીસ એકેડમી સમગ્ર દેશની શ્રેષ્ઠ પોલીસ એકેડમી બની જશે. હું આસામના મુખ્યમંત્રી હિમંતા બિસ્વા સરમાને લચિત બરફૂકન નામ આપવા બદલ આભાર માનું છું. બહાદુર યોદ્ધા લચિત બારફૂકને આસામને મુઘલો સામે વિજયી બનવામાં મદદ કરી. લચિત બરફૂકન માત્ર આસામ રાજ્ય પૂરતું મર્યાદિત હતું, પરંતુ આજે લચિત બરફૂકનનું જીવનચરિત્ર 23 ભાષાઓમાં ભણાવવામાં આવે છે અને વિદ્યાર્થીઓને પ્રેરણા આપે છે.