અમેરિકાએ ઈરાકમાં એક હવાઈ હુમલો કરીને આતંકવાદી સંગઠન ISISના વૈશ્વિક કામગીરીના ચીફ અને બીજા નંબરના નેતા અબ્દુલ્લાહ મક્કી મુસ્લીહ અલ-રિફાઈ, જેને "અબુ ખદીજા" તરીકે પણ ઓળખવામાં આવે છે, તેને ઠાર કર્યો છે. આ હુમલો ગુરુવારે ઈરાકના અલ અનબાર પ્રાંતમાં યુ.એસ. સેન્ટ્રલ કમાન્ડ (CENTCOM) અને ઈરાકી ગુપ્તચર સેવાઓના સંયુક્ત સહયોગથી હાથ ધરવામાં આવ્યો હતો. અબુ ખદીજાને ISISના સૌથી વરિષ્ઠ નિર્ણય લેનાર સભ્યોમાંના એક ગણવામાં આવતા હતા, જે વૈશ્વિક સ્તરે સંગઠનની કામગીરી, લોજિસ્ટિક્સ અને નાણાકીય બાબતોનું સંચાલન કરતા હતા.
આ હવાઈ હુમલા બાદ CENTCOM અને ઈરાકી સેનાએ હુમલાના સ્થળે તપાસ કરી, જ્યાં અબુ ખદીજા અને એક અન્ય ISIS આતંકવાદી મૃત હાલતમાં મળી આવ્યા. બંનેએ ન ફાટેલા સુસાઈડ વેસ્ટ પહેર્યા હતા અને તેમની પાસેથી અનેક હથિયારો મળી આવ્યા. અબુ ખદીજાની ઓળખ DNA પરીક્ષણ દ્વારા નિશ્ચિત કરવામાં આવી, જે અગાઉના એક રેઈડમાંથી એકત્રિત કરેલા નમૂનાઓ સાથે મેળ ખાતી હતી, જ્યાં તે નાસી છૂટ્યો હતો.
નામ: અબ્દુલ્લાહ મક્કી મુસ્લીહ અલ-રિફાઈ (ઉપનામ: અબુ ખદીજા)  
પદ: ISISના વૈશ્વિક કામગીરીના ચીફ અને નંબર-2 નેતા  
જવાબદારી: વૈશ્વિક કામગીરી, લોજિસ્ટિક્સ, યોજના અને નાણાકીય સંચાલન  
મહત્વ: ISISના સૌથી મહત્વના નેતાઓમાંનું એ આતંકવાદ સામે લડત જારી
CENTCOMના કમાન્ડર જનરલ માઈકલ એરિક કુરિલ્લાએ જણાવ્યું, "અબુ ખદીજા ISISના વૈશ્વિક સંગઠનમાં સૌથી મહત્વના નેતાઓ બહેનો એક હતો. અમે આતંકવાદીઓને ખતમ કરવાનું અને તેમના સંગઠનોને નષ્ટ કરવાનું ચાલુ રાખીશું, જેથી અમારા દેશ અને સાથીઓને જોખમ ન રહે." આ હુમલો ISISની નબળી પડેલી સ્થિતિને વધુ નુકસાન પહોંચાડે તેવી શક્યતા છે.
ઈરાકના વડાપ્રધાન મોહમ્મદ શિયા અલ-સુદાનીએ આ કાર્યવાહીને "અંધકાર અને આતંકવાદની શક્તિઓ પર ઈરાકીઓની પ્રભાવશાળી જીત" ગણાવી. તેમણે અબુ ખદીજાને "ઈરાક અને વિશ્વના સૌથી ખતરનાક આતંકવાદીઓમાંનો એક" ગણાવ્યો. આ ઘટના ઈરાક અને સીરિયામાં ISISના પુનરુત્થાનને રોકવાના પ્રયાસોનો ભાગ છે.