છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
૨૦૦થી વધુ ગેરકાયદે ઈમિગ્રન્ટ્સને અલ સાલ્વાડોરની જેલમાં મોકલી દીધા
ટ્રમ્પ વહીવટીતંત્રે સદીઓ જૂના યુદ્ધ સમયના કાયદાનો ઉપયોગ કરીને એક મોટી કાર્યવાહી હાથ ધરી
વોશીંગ્ટન, તા.૧૭: અમેરિકાએ કથિત વેનેઝુએલાના ગેંગ સભ્યોને અલ સાલ્વાડોરની જેલમાં મોકલી દીધા છે. યુએસ રાષ્ટ્રપતિ ડોનાલ્ડ ટ્રમ્પ વહીવટીતંત્રે સદીઓ જૂના યુદ્ધ સમયના કાયદાનો ઉપયોગ કરીને આ કાર્યવાહી કરી છે. જોકે એક યુએસ જજે તેમના દેશનિકાલના આદેશ પર સ્ટે મૂકયો હતો, પરંતુ તેમના આદેશ પહેલાં જ વિમાનો અલ સાલ્વાડોર માટે રવાના થઈ ગયા હતા. વેનેઝુએલાએ આ પગલાની નિંદા કરી છે અને તેને અમેરિકા અને આંતરરાષ્ટ્રીય કાયદાઓનું ઉલ્લંઘન ગણાવ્યું છે. અલ સાલ્વાડોરના રાષ્ટ્રપતિ નાયબ બુકેલેએ યુએસથી ૨૦૦ થી વધુ લોકોના આગમનની પુષ્ટિ કરી છે. કેદીઓને કાઉન્ટર ટેરરિઝમ કન્ફાઇનમેન્ટ સેન્ટરમાં રાખવામાં આવ્યા છે. જે એક ઉચ્ચ સુરક્ષાવાળી જેલ છે.
ડોનાલ્ડ ટ્રમ્પે ૧૭૯૮ના એલિયન એનિમીઝ એક્ટનો ઉપયોગ કર્યો છે. આ કાયદો રાષ્ટ્રપતિને દુશ્મન દેશના નાગરિકોને અટકાયતમાં રાખવા અથવા દેશનિકાલ કરવાની સત્તા આપે છે. આ કાયદાનો ઉપયોગ મોટા આંતરરાષ્ટ્રીય સંઘર્ષો દરમિયાન ફક્ત ત્રણ વખત જ થયો છે. હાલમાં અમેરિકા અને વેનેઝુએલા વચ્ચે કોઈ યુદ્ધ ચાલી રહ્યું નથી. આવી સ્થિતિમાં આ કાયદાના ઉપયોગે વિશ્વનું ધ્યાન ખેંચ્યું છે અને તે વિવાદનું કારણ બન્યું છે. વેનેઝુએલાની સરકારે કહ્યું છે કે ડોનાલ્ડ ટ્રમ્પના પગલાથી વેનેઝુએલાના ઇમિગ્રન્ટ્સ ગુનાહિત બન્યા છે.
નાયબ બુકેલે કહ્યું છે કે ૨૩૮ કથિત ગેંગ સભ્યોને અલ સાલ્વાડોર લાવવામાં આવ્યા છે. બુકેલે X પર એક વીડિયો પણ શેર કર્યો. તેમાં ભારે સુરક્ષાવાળા કાફલામાં લોકોને હાથકડી અને બેડીઓથી બાંધીને વિમાનમાંથી લઈ જવામાં આવતા દર્શાવવામાં આવ્યા હતા. કેદીઓના માથા મુંડન કરવામાં આવી રહ્યા છે અને તેમના હાથ તેમની પીઠ પાછળ બાંધવામાં આવી રહ્યા છે. આ કથિત ગેંગ સભ્યોને રાજધાની સાન સાલ્વાડોરથી ૭૫ કિમી દૂર જંગલમાં બનેલી CECOT જેલમાં રાખવામાં આવશે.
ગયા મહિને યુએસ સેક્રેટરી ઓફ સ્ટેટ માર્કો રુબિયો સાથેની મુલાકાત દરમિયાન બુકેલેએ તેમના દેશમાં અમેરિકન કેદીઓને રાખવાની ઓફર કરી હતી. આમાં ટ્રેન ડી અરાગુઆ અને અલ સાલ્વાડોરની MS-૧૩ ગેંગના સભ્યોનો સમાવેશ થાય છે. બુકેલ તેમના દેશમાં હિંસક ગેંગો પર કાર્યવાહી કરવા માટે પણ જાણીતા છે. જોકે વિદેશી કેદીઓને રાખવાના નિર્ણય અંગે અલ સાલ્વાડોરમાં મતભેદો છે.
(4:26 PM IST)
