મુંબઈ, તા.૧૭

ટ્રેડિંગ સપ્તાહના પહેલા દિવસે શેરબજાર ગ્રીન ઝોનમાં વધારા સાથે બંધ થયું. બીએસઈ પર સેન્સેક્સ ૩૪૧ પોઈન્ટના વધારા સાથે ૭૪૧૬૯.૯૫ પર બંધ થયો. તે જ સમયે NSE પર નિફ્ટી ૦.૫૦ ટકાના વધારા સાથે ૨૨,૫૦૮.૭૫ પર બંધ થયો હતો.

આજના ટ્રેડિંગ દરમિયાન, બજાજ ફિનસર્વ, એસબીઆઈ લાઈફ ઈન્સ્યોરન્સ, ડૉ. રેડ્ડીઝ લેબ્સ, ટ્રેન્ટ, એક્સિસ બેંકના શેર નિફ્ટીના ટોપ ગેઈનર્સની યાદીમાં સામેલ હતા. જ્યારે બ્રિટાનિયા, હીરો મોટોકોર્પ, વિપ્રો, બીપીસીએલ, નેસ્લેના શેર ટોચના ઘટાડાવાળા શેરોની યાદીમાં સામેલ હતા. જેમાં ૧૩ મુખ્ય ક્ષેત્રોમાંથી અગિયારમાં વૃદ્ધિ જોવા મળી, જેમાં નાણાકીય ક્ષેત્ર ૦.૫ ટકા વધ્યું, જેનું નેતૃત્વ ખાનગી ધિરાણકર્તાની નાણાકીય સ્થિરતા અંગે રિઝર્વ બેંક ઓફ ઇન્ડિયા દ્વારા ખાતરી આપવામાં આવ્યા પછી ઇન્ડસઇન્ડ બેંકમાં ૩.૫ ટકાનો વધારો દર્શાવે છે. વ્યાપક સ્મોલ-કેપ અને મિડ-કેપ સૂચકાંકો પણ લગભગ ૦.૩ ટકા વધ્યા હતા.

જોકે સપ્તાહના પહેલા દિવસે શેરબજાર ફ્લેટ ખુલ્યું હતું. જેમાં બીએસઈ પર સેન્સેક્સ ૨૭૫ પોઈન્ટના વધારા સાથે ૭૪,૧૦૪.૨૮ પર ખુલ્યો હતો. તે જ સમયે દ્ગજીઈ પર નિફ્ટી ૦.૩૭ ટકાના વધારા સાથે ૨૨,૪૭૯.૨૦ પર ખુલ્યો હતો.