નવી દિલ્હી, 24 માર્ચ 2025 : આઈફોનનો ઉપયોગ કરનારા લાખો લોકો માટે એક સારા સમાચાર છે. તમારો ફોન એવી ઘણી ખાસિયતોથી ભરેલો છે, જેની જાણ તમને નથી! ‘ન્યૂયોર્ક ટાઈમ્સ’ના વાયરકટર સ્ટાફે આઈફોનની 18 એવી સુવિધાઓની યાદી તૈયાર કરી છે, જે રોજિંદા જીવનમાં સમય બચાવવાથી લઈને ગોપનીયતા અને મનોરંજન સુધીની જરૂરિયાતો પૂરી કરે છે. આ સુવિધાઓની મદદથી તમે તમારા આઈફોનને વધુ અસરકારક રીતે ઉપયોગમાં લઈ શકો છો.

આઈફોનની 18 સુવિધાઓની વિગતવાર માહિતી:

1) છોડ અને પ્રાણીઓની ઓળખ: આઈફોનની ફોટો એપમાં કોઈ છોડ, ફૂલ, ઝાડ કે પ્રાણીનો ફોટો લઈને નીચેના ‘ઈન્ફો’ (i) બટન પર ટેપ કરો. જો આઈફોન તેને ઓળખી શકે, તો સ્ટાર્સનું ચિહ્ન દેખાશે. મેટાડેટામાં તેનું નામ, પ્રજાતિ અને ‘લૂક અપ’ ઓપ્શનથી વધુ માહિતી મળશે. આ ખેડૂતો કે નેચર લવર્સ માટે ખૂબ ઉપયોગી છે.

2) પોર્ટેબલ વ્હાઈટ નોઈઝ મશીન: સેટિંગ્સમાં ‘એક્સેસિબિલિટી’ > ‘ઓડિયો એન્ડ વિઝ્યુઅલ’ > ‘બેકગ્રાઉન્ડ સાઉન્ડ્સ’ પર જઈ ‘ઓશન’, ‘રેઈન’ કે ‘સ્ટ્રીમ’ જેવા અવાજો ચાલુ કરો. આ ઊંઘ માટે, ધ્યાન માટે કે બાળકોને શાંત કરવા માટે અસરકારક છે.

3) સિરીથી વેબપેજ વાંચન: સફારી એપમાં કોઈ લેખ ખોલી “સિરી, રીડ ધિસ” કહો અથવા એડ્રેસ બારની ડાબી બાજુના ‘પેજ સેટિંગ્સ’ (Aa) પર ‘લિસન ટુ પેજ’ પસંદ કરો. તમે બોલવાની ઝડપ ઘટાડી-વધારી શકો છો અને પૉઝ પણ કરી શકો છો.

4) મેસેજ શેડ્યૂલિંગ: રાત્રે મેસેજ ન મોકલવો હોય તો ચેટ ખોલો, મેસેજ ટાઈપ કરો, ‘+’ પર ટેપ કરી ‘સેન્ડ લેટર’ પસંદ કરો. તારીખ અને સમય નક્કી કરતાં મેસેજ ઓટોમેટિક મોકલાશે.

5) પ્રાઈવેટ ટેબ્સ પર લોક: સેટિંગ્સ > ‘સફારી’માં ‘રિક્વાયર ફેસ આઈડી ટુ અનલોક પ્રાઈવેટ બ્રાઉઝિંગ’ ચાલુ કરો. 15 મિનિટ બાદ પ્રાઈવેટ ટેબ્સ ફેસ આઈડી વિના ખુલશે નહીં, જે ગોપનીયતા માટે ઉપયોગી છે.

6) વૉઇસ કંટ્રોલ ગેસ્ચર: ‘એક્સેસિબિલિટી’ > ‘વૉઇસ કંટ્રોલ’માં જઈ ‘ક્રિએટ ન્યૂ કમાન્ડ’ પસંદ કરો. એક વાક્ય નક્કી કરો (જેમ કે “સાઈન”), ‘રન કસ્ટમ ગેસ્ચર’ પર ટેપ કરી સ્ક્રીન પર ગેસ્ચર બનાવો. આનાથી સહી દોરવી કે એપમાં રિપિટેટિવ કામ સરળ બને છે.

7) ફોટો બેકગ્રાઉન્ડ દૂર કરો: ફાઈલ્સ એપમાં ફોટોને લાંબું દબાવો, ‘ક્વિક એક્શન્સ’ > ‘રિમૂવ બેકગ્રાઉન્ડ’ પસંદ કરો. આઈફોન બેકગ્રાઉન્ડ વિનાની નવી ઈમેજ બનાવશે, જે એડિટિંગ માટે સરસ છે.

8) બે આંગળીથી સિલેક્ટ ઓલ: મેસેજ, મેઈલ, નોટ્સ કે રિમાઈન્ડર્સમાં બે આંગળીથી નીચે સ્વાઈપ કરો, બધું સિલેક્ટ થઈ જશે. ટેલિગ્રામમાં કામ કરે છે, પણ Gmailમાં નહીં.

9) કેમેરાથી ટેક્સ્ટ કૉપી/ટ્રાન્સલેટ: કેમેરા એપમાં ટેક્સ્ટ પર ફોકસ કરો, નીચે જમણે ચોરસ આઈકન ટેપ કરો. ટે ક્સ્ટ કૉપી, ટ્રાન્સલેટ કે શેર કરવાનો વિકલ્પ મળશે.

10) લોન્ડ્રી લેબલનો અર્થ: કપડાંના લેબલનો ફોટો લઈ ‘ઈન્ફો’ > ‘લૂક અપ લોન્ડ્રી કેર’ પર ટેપ કરો. દરેક ચિહ્નનો અર્થ સમજાશે.

11) એપ્સ પર ફેસ આઈડી લોક: એપને લાંબું દબાવી ‘રિક્વાયર ફેસ આઈડી’ ચાલુ કરો, જેથી બાળકો કે અન્ય લોકો એપ ખોલી ન શકે.

12) ગાઈડેડ એક્સેસ: ‘એક્સેસિબિલિટી’ > ‘ગાઈડેડ એક્સેસ’થી ફોનને એક એપમાં લોક કરો. બાળકોને ફોન આપતી વખતે ઉપયોગી છે.

13) કેમેરા શૉર્ટકટ્સ: લૉક સ્ક્રીન પરથી ડાબે સ્વાઈપ કરી કેમેરા ખોલો. વૉલ્યૂમ બટનથી ફોટો લો, શટર બટન ડાબે સ્વાઈપ કરી બર્સ્ટ મોડ અને લાંબું દબાવી વિડિયો રેકોર્ડ કરો.

14) એપ્સનો સમય મર્યાદિત: ‘સ્ક્રીન ટાઈમ’ > ‘એડ લિમિટ’માં ટિકટોક કે ઈન્સ્ટાગ્રામ જેવી એપ્સ માટે સમય નક્કી કરો. ‘કસ્ટમાઈઝ ડેઝ’થી સપ્તાહાંતે વધુ સમય રાખી શકાય.

15) એપ્સનું ગ્રુપ ખસેડો: ‘એડિટ હોમ સ્ક્રીન’માં એક એપ પકડો, બીજી એપ્સ પર ટેપ કરી ગ્રુપમાં ખસેડો.

16) વાઈ-ફાઈ પાસવર્ડ QR કોડ: ‘પાસવર્ડ્સ’ એપમાં ‘શો નેટવર્ક QR કોડ’થી પાસવર્ડ શેર કરો. એન્ડ્રોઈડ યુઝર્સ માટે પણ ઉપયોગી.

17) કોલ રેકોર્ડિંગ: ફોન એપમાં કોલ દરમિયાન ટોચે ડાબે ‘સ્ટાર્ટ કોલ રેકોર્ડિંગ’ (લંબગોળ રેખાઓ) ટેપ કરો. રેકોર્ડિંગની જાહેરાત થશે, સ્ટોપ બટનથી બંધ કરો.

18) વૉઇસ રેકોર્ડિંગ ટ્રાન્સક્રિપ્શન: નોટ્સ એપમાં ‘કોલ રેકોર્ડિંગ્સ’ ફોલ્ડરમાં રેકોર્ડિંગનું ટેક્સ્ટ વર્ઝન મળશે. વૉઇસ મેમો અને નોટ્સમાં પણ આ સુવિધા છે.

આ સુવિધાઓનું મહત્વ:
આ ટિપ્સ વાયરકટર સ્ટાફે પોતાના અનુભવો દ્વારા પરખી છે. ઉદાહરણ તરીકે, ‘બેકગ્રાઉન્ડ સાઉન્ડ્સ’ બાળકોને શાંત કરવામાં મદદરૂપ થયા, જ્યારે ‘કોલ રેકોર્ડિંગ’થી એપ ડાઉનલોડની જરૂર નથી. ‘વૉઇસ કંટ્રોલ’ જેવી સુવિધાઓ ખાસ કરીને શારીરિક મર્યાદાઓ ધરાવતા લોકો માટે ઉપયોગી છે, પરંતુ તે બધા માટે ખુલ્લી હોવાથી સાવચેતી રાખવી જરૂરી છે.

વાયરકટરે આઈફોન યુઝર્સને પોતાની આ ટિપ્સ બધા સાથે શેર કરવા જણાવ્યું છે. આ સુવિધાઓ iOSના લેટેસ્ટ વર્ઝનમાં ઉપલબ્ધ છે, તેથી તમારો ફોન અપડેટેડ હોવો જરૂરી છે.