તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
કેન્દ્ર સરકારે PLI સ્કીમને આપી મંજૂરી : ૯૧૦૦૦ને મળશે રોજગારી
નોન-સેમિકન્ડક્ટર ઇલેક્ટ્રોનિક્સ કમ્પોનન્ટ્સ સેક્ટર માટે લાવવામાં આવેલી આ પ્રોત્સાહક યોજનાથી લગભગ ૫૯,૩૫૦ કરોડ રૂપિયાનું રોકાણ લાવશે
નવી દિલ્હી, તા.૨૯: કેન્દ્ર સરકારે પેસિવ અથવા નોન-સેમિકન્ડક્ટર ઈલેક્ટ્રોનિક્સ કમ્પોનન્ટ્સ માટે પ્રોડક્શન લિંક્ડ ઈન્સેન્ટિવ (PLI) સ્કીમ શરૂ કરવાની શુક્રવારે મંજૂરી આપી છે. આ મંજૂરી કેન્દ્રીય મંત્રીમંડળની બેઠકમાં આપવામાં આવી છે. કેન્દ્રીય ઈલેક્ટ્રોનિક્સ અને IT મંત્રી અશ્વિની વૈષ્ણવે કેબિનેટની બેઠકમાં લેવામાં આવેલા નિર્ણયોની માહિતી આપી છે. અશ્વિની વૈષ્ણવે કહ્યું કે, નોન-સેમિકન્ડક્ટર ઇલેક્ટ્રોનિક્સ કમ્પોનન્ટ્સ સેક્ટર માટે લાવવામાં આવેલી આ પ્રોત્સાહક યોજના લગભગ ૫૯,૩૫૦ કરોડ રૂપિયાનું રોકાણ લાવશે.
પૈસિવ ઈલેક્ટ્રોનિક કમ્પોનન્ટ્સના મેન્યુફેક્ચરિંગને પ્રોત્સાહન આપવા માટે લાવવામાં આવેલી આ પહેલી યોજના છે. અશ્વિની વૈષ્ણવે કહ્યું કે, આ યોજનાથી ૯૧,૬૦૦ લોકોને સીધી રોજગારી મળશે. સાથે જ લગભગ ૫૯,૩૫૦ કરોડ રૂપિયાનું રોકાણ પણ લાવશે. આ યોજના માટે ૨૨,૯૧૯ કરોડ રૂપિયાનું કુલ પેકેજ ૬ વર્ષ માટે હશે.
અશ્વિની વૈષ્ણવે જણાવ્યું કે, આ સેગમેન્ટ ટેલિકોમ, કન્ઝ્યુમર ઈલેક્ટ્રોનિક્સ, ઓટોમોબાઈલ, મેડિકલ ડિવાઈસ, પાવર સેક્ટર વગેરે સહિતના ઘણા ક્ષેત્રોની જરૂરિયાતો પૂરી કરશે. આ યોજનાથી ૪.૫૬ લાખ કરોડ રૂપિયાની આવક થવાની અપેક્ષા છે. સરકાર વિવિધ ક્ષેત્રો (સેક્ટર્સ)માં લોકલ મેન્યુફેક્ચરિંગને પ્રોત્સાહન આપવા માટે PLI યોજના ચલાવી રહી છે. હવે આમાં નોન-સેમિકન્ડક્ટર ઈલેક્ટ્રોનિક્સ કમ્પોનન્ટ્સ સેક્ટરને પણ સ્થાન મળ્યું છે.
ઈલેક્ટ્રોનિક કમ્પોનન્ટ મેન્યુફેક્ચરિંગ કંપનીઓની સંસ્થા અલ્સિના (ઈલેક્ટ્રોનિક ઈન્ડસ્ટ્રીઝ એસોસિએશન ઓફ ઈન્ડિયા) અનુસાર, ભારતમાં નોન-સેમિકન્ડક્ટર કમ્પોનન્ટનું ઉત્પાદન ૨૦૨૨માં આશરે ૧૩ અરબ અમેરિકી ડોલર હતું. જે ૨૦૨૬ સુધી તેના લગભગ ૨૦.૭ અરબ ડોલર અને ૨૦૩૦ સુધી લગભગ ૩૭ અરબ ડોલર સુધી પહોંચે તેવી અપેક્ષા છે.(૨૩.૫)
(10:30 AM IST)
છેલ્લા 8 દિવસમાં સૌથી લોકપ્રિય 
