ગુરુગ્રામના બસઈ ચોક પાસે વહેલી  સવારે 6 વાગ્યે ઝૂંપડપટ્ટીમાં આગ લાગી હતી. ભારે પવનને કારણે, આગ થોડીવારમાં જ વિકરાળ બની હતી , નજીકની 100 થી વધુ ઝૂંપડીઓ બળીને ખાખ થઈ ગઈ. જ્યારે આગ લાગી ત્યારે ત્યાં રહેતા લોકો બહાર આવી ગયા અને કોઈ જાનહાનિ થઈ ન હતી. 10 થી વધુ ફાયર બ્રિગેડની ટીમોએ ત્રણ કલાકમાં આગ પર કાબુ મેળવ્યો હતો .

આ ઝૂંપડપટ્ટીમાં શનિવાર (29 માર્ચ) વહેલી સવારે ભીષણ આગ લાગી હતી. આ આગની ઘટનામાં ઝૂંપડા બળીને રાખ થઈ ગયા. આ ઘટનામાં હજુ સુધી કોઈ જાનહાનિના અહેવાલ નથી. ગુરુગ્રામ જિલ્લાના બસઈ ચોક પાસે ઝૂંપડીઓમાં લાગેલી આગની ઘટનામાં 100 ઝૂંપડીઓ બળીને રાખ થઈ ગઈ હોવાના અહેવાલ છે. આગ લાગવાનું કારણ હજુ સુધી જાણી શકાયું નથી. 

આ આગની ઘટનામાં ફસાયેલા લોકોને સુરક્ષિત રીતે બહાર કાઢવામાં આવ્યા હતા. આ આગની ઘટના સવારે લગભગ 5.30 વાગ્યે બની હતી. આગની માહિતી મળ્યા બાદ, અડધા ડઝનથી વધુ ફાયર એન્જિન તાત્કાલિક આગ પર કાબુ મેળવવા માટે ઘટનાસ્થળે પહોંચી ગયા હતા. લગભગ દોઢ કલાકની મહેનત બાદ ફાયર બ્રિગેડના જવાનોએ આગ પર કાબુ મેળવ્યો હતો. 

સેક્ટર 37 ફાયર સ્ટેશનના અધિકારીએ જણાવ્યું હતું કે બસઈ ચોકમાં ઝૂંપડીઓમાં આગ લાગી હોવાની માહિતી સવારે 6 વાગ્યે મળી હતી. આના પર, અહીંથી ફાયર બ્રિગેડના વાહનો મોકલવામાં આવ્યા હતા. આગ એટલી ભયાનક હતી કે ભીમ નગર અને ઉદ્યોગ વિહાર ફાયર સ્ટેશનથી ફાયર એન્જિનો બોલાવવા પડ્યા. લગભગ ત્રણ કલાકની જહેમત બાદ, સવારે પોણા 9 વાગ્યે આગ પર કાબુ મેળવાયો. આગને કાબુમાં લેવા માટે ત્રણેય ફાયર સ્ટેશનના 15 થી વધુ વાહનો ઘટનાસ્થળે પહોંચી ગયા હતા. ફાયર સ્ટેશને જણાવ્યું હતું કે આગમાં કોઈ જાનહાનિ થઈ નથી.

બસઈ ચોક સ્થિત ઝૂંપડપટ્ટીમાં આગ કેવી રીતે લાગી તે હજુ સુધી જાણી શકાયું નથી. ગુરુગ્રામ ફાયર વિભાગ અને પોલીસ સ્ટેશન આ મામલાની તપાસ કરી રહ્યા છે.