તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ટ્રમ્પની વારંવાર એક જ ધમકીઃ ટેરીફ જાહેરાત આડે હવે ૪ દિ' બાકીઃન્યુઝ ફસ્ટ
ભારત પણ ઢીલું પડયુઃ બદામ-ક્રેન બેરીની આયાત ટેરીફમાં ઘટાડો કર્યો
વોશિંગટનઃ અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર ભારત પર ઉંચા ટેરિફ (આયાત કર) લગાવવાનો આરોપ મૂક્યો છે. તેમણે ભારતને વિશ્વના સૌથી વધુ ટેરિફ લગાવનારા દેશોમાંનું એક ગણાવ્યું છે. ટ્રમ્પે એક તાજેતરના નિવેદનમાં જણાવ્યું કે, ‘‘ભારત સાથેની બાબતો ટૂંક સમયમાં ઉકેલાઈ જશે.'' આ નિવેદન સાથે તેમણે એમ પણ સંકેત આપ્યો કે પરસ્પર ટેરિફની જાહેરાત હવે માત્ર ૪ દિવસ દૂર છે, એટલે કે ૨ એપ્રિલ, ૨૦૨૫ના રોજ આ અંગે મોટો નિર્ણય જાહેર થઈ શકે છે. તેમ ન્યુઝ ફર્સ્ટ જણાવે છે.
ટ્રમ્પે આ પહેલાં પણ ભારતની ટેરિફ નીતિ પર ટીકા કરી છે. તેમણે ફેબ્રુઆરી ૨૦૨૫માં કહ્યું હતું કે, ‘‘ભારત પરંપરાગત રીતે સૌથી વધુ ટેરિફ લગાવનારો દેશ છે. તેઓ જે ટેરિફ અમારા પર લગાવે છે, તે જ અમે તેમના પર લગાવીશું.'' સામાજિક માધ્યમ પ્લેટફોર્મ એક્સ પરની પોસ્ટ્સ અનુસાર, ટ્રમ્પે એક મુલાકાતમાં ઉદાહરણ આપતાં કહ્યું હતું કે, ‘‘હાર્લે ડેવિડસન જેવી અમેરિકી કંપનીઓ ભારતમાં તેમની મોટરબાઇક વેચી શકતી નથી, કારણ કે ભારત ખૂબ ઊંચા ટેરિફ લગાવે છે.'' આ નિવેદનથી બંને દેશો વચ્ચે વેપારી સંબંધોમાં તણાવ વધ્યો હોવાનું સ્પષ્ટ થાય છે.
ટ્રમ્પે સ્પષ્ટ કર્યું છે કે જો ભારત ટેરિફ દ્યટાડે નહીં, તો અમેરિકા ભારતીય ઉત્પાદનો પર સમાન ટેરિફ લાદશે. એક્સ પરની એક પોસ્ટમાં ટ્રમ્પના હવાલાથી કહેવાયું છે કે, ‘‘૨ એપ્રિલથી અમે ભારતે અમારા પર જેટલા ટેરિફ લગાવ્યા છે, એટલા જ તેમના પર લગાવીશું.'' આ દ્યોષણાને લઈને ભારતીય નિકાસકારો અને ઉદ્યોગકારોમાં ચિંતા વધી છે, કારણ કે અમેરિકા ભારતનું સૌથી મોટું નિકાસ બજાર છે.
આ ટીકા બાદ ભારતે પણ પોતાની સ્થિતિ સ્પષ્ટ કરવાની તૈયારી શરૂ કરી છે. સૂત્રોના જણાવ્યા અનુસાર, ભારતે અમેરિકી ખેત ઉત્પાદનો જેવા કે બદામ અને ક્રેનબેરી પર ટેરિફ દ્યટાડવાની ઓફર કરી છે.
ડીજીટલ મિડીયા પરની ચર્ચાઓમાં એવું પણ સામે આવ્યું છે કે ટ્રમ્પે માર્ચ ૨૦૨૫માં દાવો કર્યો હતો કે, ‘‘ભારતે ટેરિફ ઘણું ઘટાડવાનું સ્વીકાર્યું છે, કારણ કે હવે કોઈ તેમની નીતિઓને ઉજાગર કરી રહ્યું છે.'' જોકે, ભારત તરફથી હજુ સત્તાવાર પુષ્ટિ થઈ નથી. ટ્રમ્પના તાજેતરના નિવેદનમાં ‘‘બાબતો ટૂંક સમયમાં ઉકેલાશે'' એવું કહેવું એ સંકેત આપે છે કે બંને દેશો વચ્ચે વાટાદ્યાટો ચાલી રહી છે.
જો અમેરિકા પરસ્પર ટેરિફ લાદે તો ભારતીય નિકાસ, ખાસ કરીને કાપડ, દવાઓ અને આઈટી સેવાઓ પર અસર પડી શકે છે. બીજી તરફ, ભારતે ટેરિફ દ્યટાડવાનો નિર્ણય લીધો તો અમેરિકી ઉત્પાદનો સસ્તા થઈ શકે છે, જે ભારતીય ગ્રાહકો માટે ફાયદાકારક રહેશે. આગામી ૫ દિવસમાં ટ્રમ્પની જાહેરાત બંને દેશોના આર્થિક સંબંધોની દિશા નક્કી કરશે.
(2:37 PM IST)
છેલ્લા 8 દિવસમાં સૌથી લોકપ્રિય 
