છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
પીએમ ૧૯ એપ્રિલે ઉધમપુરમાં વિશ્વના સૌથી ઊંચા રેલ્વે પુલનું ઉદઘાટન કરશે
વંદે ભારત એક્સપ્રેસને લીલીઝંડી આપશેઃ કાશ્મીરને ટ્રેન રૂટ દ્વારા જોડવામાં આવી રહયું છે
જમ્મુ અને કાશ્મીરના લેફ્ટનન્ટ ગવર્નર મનોજ સિંહા, જમ્મુ અને કાશ્મીરના મુખ્યમંત્રી ઓમર અબ્દુલ્લા, રેલ્વે મંત્રી અશ્વિની વૈષ્ણવ, કેન્દ્રીય મંત્રી ડો. જીતેન્દ્ર સિંહ અને અન્ય અધિકારીઓ હાજર રહેશે
નવી દિલ્હી, તા.૩૧: કાશ્મીરને પહેલી વંદે ભારત ટ્રેન મળવા જઈ રહી છે. કેન્દ્રીય મંત્રી જિતેન્દ્ર સિંહે જણાવ્યું હતું કે વડા પ્રધાન નરેન્દ્ર મોદી ૧૯ એપ્રિલે કટરાથી વંદે ભારત ટ્રેનને લીલી ઝંડી આપશે. આ ઉપરાંત, પીએમ મોદી ઉધમપુરમાં વિશ્વના સૌથી ઊંચા રેલ્વે પુલનું ઉદઘાટન પણ કરશે. આ ટ્રેનના ઉદ્ધાટન પછી, કાશ્મીર ભારતના કોઈપણ ભાગ સાથે સીધા રેલ જોડાણ સાથે જોડાયેલું હશે. આ વિસ્તારમાં રેલ કનેક્ટિવિટીની માંગ ઘણા સમયથી હતી.
પ્રધાનમંત્રી નરેન્દ્ર મોદી ૧૯ એપ્રિલે ઉધમપુરમાં વિશ્વના સૌથી ઊંચા રેલ્વે પુલનું ઉદઘાટન કરશે. આ પછી, તેઓ કટરા પહોંચશે અને વંદે ભારત ટ્રેનને શ્રીનગર રવાના કરશે. જમ્મુ-શ્રીનગર વંદે ભારત ટ્રેન હાલમાં થોડા મહિનાઓ માટે કટરાથી દોડશે કારણ કે જમ્મુ રેલ્વે સ્ટેશનનું નવીનીકરણ ચાલી રહયું છે. કાશ્મીર ખીણને રેલ દ્વારા બાકીના વિશ્વ સાથે જોડવાનો આ એક ઐતિહાસિક ક્ષણ હશે.
કેન્દ્રીય મંત્રી જિતેન્દ્ર સિંહે મીડિયા સાથેની વાતચીતમાં કહયું, ‘સુરક્ષાના મુદ્દા પર ગૃહ મંત્રાલયમાં વારંવાર બેઠકો થઈ રહી છે, અને જાહેરમાં આ વિષયો પર વધુ પડતી ચર્ચા કરવી યોગ્ય નથી.' જોકે, છેલ્લા કેટલાક મહિનામાં, આ વિષય પર વધુ ધ્યાન આપવામાં આવ્યું છે, ખાસ કરીને આતંકવાદીઓ અને તેમના સમર્થકો અંગે. આ મામલે, શક્ય હોય ત્યાં સુધી સેના અને અર્ધલશ્કરી દળો દ્વારા યોગ્ય કાર્યવાહી કરવામાં આવી રહી છે. જોકે, તેનો વધુ જાહેરમાં ઉલ્લેખ કરવો શક્ય નથી.
પ્રધાનમંત્રી મોદીની કાશ્મીર મુલાકાત અંગે માહિતી શેર કરતા કેન્દ્રીય મંત્રી જિતેન્દ્ર સિંહે કહયું, પ્રધાનમંત્રી નરેન્દ્ર મોદી ૧૯ એપ્રિલે જમ્મુ અને કાશ્મીર આવી રહ્યા છે. તેમનું ઉતરાણ ઉધમપુરમાં થશે. આ પછી તેઓ વિશ્વના સૌથી ઊંચા રેલ્વે પુલનું નિરીક્ષણ કરશે અને તેનું ઉદઘાટન કરશે. આ પછી, તેઓ કટરા પહોંચશે અને વંદે ભારત એક્સપ્રેસને લીલી ઝંડી આપશે.
તેમણે આગળ કહયું, કેટલાક લોકો સવાલ ઉઠાવી રહયા છે કે વંદે ભારત ટ્રેન કટરાથી શ્રીનગર કેમ જઈ રહી છે? પરંતુ સત્ય એ છે કે આ ટ્રેન જમ્મુ-શ્રીનગર વંદે ભારત એક્સપ્રેસ છે. હાલમાં, જમ્મુ રેલ્વે સ્ટેશનના નવીનીકરણનું કામ ચાલી રહ્યું હોવાથી, તે થોડા મહિનાઓથી કટરાથી ચલાવવામાં આવી રહયું છે. જેમ તમે નોંધ્યું હશે, ઘણી અન્ય ટ્રેનોને પણ અસ્થાયી રૂપે રોકવામાં આવી છે. જ્યારે આ કામ ઓગસ્ટની આસપાસ પૂર્ણ થશે, ત્યારે આ ટ્રેન જમ્મુથી નિયમિતપણે દોડશે.
ઉદઘાટન સમયે જમ્મુ અને કાશ્મીરના લેફ્ટનન્ટ ગવર્નર મનોજ સિંહા, જમ્મુ અને કાશ્મીરના મુખ્યમંત્રી ઓમર અબ્દુલ્લા, રેલ્વે મંત્રી અશ્વિની વૈષ્ણવ, કેન્દ્રીય મંત્રી ડૉ. જીતેન્દ્ર સિંહ અને અન્ય અધિકારીઓ હાજર રહેશે.
(11:08 AM IST)
