ઐતિહાસિક શહેર રાજગીર હીરો એશિયા કપ 2025નું આયોજન કરવા માટે તૈયાર છે.  હોકી ઇન્ડિયા અને બિહાર સ્ટેટ સ્પોર્ટ્સ ઓથોરિટી વચ્ચે થયેલા સમજૂતી કરાર (MoU) બાદ આ કાર્યક્રમની સત્તાવાર જાહેરાત કરવામાં આવી હતી. આ ટુર્નામેન્ટ 29 ઓગસ્ટથી 7 સપ્ટેમ્બર દરમિયાન રાજગીર હોકી સ્ટેડિયમ ખાતે યોજાશે. રાજગીર દ્વારા આયોજિત આ બીજી આંતરરાષ્ટ્રીય રમતગમત સ્પર્ધા હશે. અગાઉ, નવેમ્બર 2024 માં મહિલા એશિયન ચેમ્પિયન્સ ટ્રોફીનું સફળતાપૂર્વક આયોજન કરવામાં આવ્યું હતું, જેમાં ભારતે વિજેતાનો ખિતાબ જીત્યો હતો.
દક્ષિણ કોરિયા મેન્સ એશિયા કપના ઇતિહાસમાં સૌથી સફળ ટીમ છે, જેણે પાંચ ટાઇટલ (૧૯૯૪, ૧૯૯૯, ૨૦૦૯, ૨૦૧૩ અને ૨૦૨૨) જીત્યા છે. ત્યારબાદ ભારત (૨૦૦૩, ૨૦૦૭ અને ૨૦૧૭) અને પાકિસ્તાન (૧૯૮૨, ૧૯૮૫ અને ૧૯૮૯) આવે છે, જેમણે આ ટુર્નામેન્ટ ત્રણ-ત્રણ વખત જીતી છે.

દક્ષિણ કોરિયા મેન્સ એશિયા કપના ઇતિહાસમાં સૌથી સફળ ટીમ છે, જેણે પાંચ ટાઇટલ (૧૯૯૪, ૧૯૯૯, ૨૦૦૯, ૨૦૧૩ અને ૨૦૨૨) જીત્યા છે. ત્યારબાદ ભારત (૨૦૦૩, ૨૦૦૭ અને ૨૦૧૭) અને પાકિસ્તાન (૧૯૮૨, ૧૯૮૫ અને ૧૯૮૯) આવે છે, જેમણે આ ટુર્નામેન્ટ ત્રણ-ત્રણ વખત જીતી છે.

હીરો એશિયા કપ રાજગીરનું મહત્વ એ કારણે પણ વધી જાય છે કારણ કે તે બેલ્જિયમ અને નેધરલેન્ડ્સમાં યોજાનાર 2026 FIH મેન્સ હોકી વર્લ્ડ કપ માટે ક્વોલિફાઇંગ ઇવેન્ટ હશે. આ ટુર્નામેન્ટના વિજેતાને વર્લ્ડ કપમાં સીધો પ્રવેશ મળશે, જેનાથી સ્પર્ધા વધુ રોમાંચક બનશે કારણ કે બધી ટીમો ટ્રોફી ઉપાડવા અને પોતાની લાયકાત સુનિશ્ચિત કરવા માટે પોતાનું સર્વસ્વ આપશે.

હોકી ઈન્ડિયાના પ્રમુખ ડૉ. દિલીપ તિર્કીએ જણાવ્યું હતું કે, "રાજગીરમાં હીરો એશિયા કપ રાજગીર બિહાર 2025નું આયોજન ભારતીય હોકી માટે બીજું એક મહત્વપૂર્ણ પગલું છે. સ્ટેડિયમ આંતરરાષ્ટ્રીય ધોરણો મુજબનું છે, અને મને વિશ્વાસ છે કે તે ખેલાડીઓ અને દર્શકોને એક ઉત્તમ અનુભવ પ્રદાન કરશે. એશિયા કપ 2026ના વર્લ્ડ કપ માટે ક્વોલિફાયર તરીકે કામ કરશે, તેથી અમને ઉત્સાહ અને કૌશલ્યથી ભરપૂર ઉચ્ચ-સ્તરીય મેચો જોવા મળશે. હું પ્રદેશમાં હોકીને પ્રોત્સાહન આપવા માટે સતત સમર્થન આપવા બદલ બિહાર સરકારનો આભાર માનું છું."