મેડ્રિડ. સોમવારે સવારે સ્પેનના અસ્તુરિયાસ ક્ષેત્રમાં ખાણ વિસ્ફોટમાં પાંચ લોકો માર્યા ગયા અને ઘણા લોકો ઘાયલ થયા.

સ્પેનના વડા પ્રધાન પેડ્રો સાંચેઝે મૃતકો પ્રત્યે સંવેદના વ્યક્ત કરી. સ્પેનિશ સિવિલ ગાર્ડે જણાવ્યું હતું કે આ ઘટના સ્થાનિક સમય મુજબ સવારે 9:40 વાગ્યે બની હતી. દેગાના શહેર નજીક સરેડો ખાણમાં એક મશીનમાં વિસ્ફોટ થયો.

સ્પેનિશ સરકારના પ્રતિનિધિએ જણાવ્યું હતું કે ખાણમાં વિસ્ફોટને કારણે આગ લાગી હતી. ઘાયલોમાંથી ત્રણને લિયોન શહેરની હોસ્પિટલમાં દાખલ કરવામાં આવ્યા હતા. સિવિલ ગાર્ડ અધિકારીઓ, અગ્નિશામકો સહિતની કટોકટી સેવાઓ અને ખાણ બચાવ ટીમને અકસ્માત સ્થળે તૈનાત કરવામાં આવી છે.