નવી દિલ્‍હી,તા.૧: બજેટમાં, નાણામંત્રી નિર્મલા સીતારમણે મધ્‍યમ વર્ગને મોટી રાહત આપતા આવકવેરા નિયમોમાં ફેરફારની જાહેરાત કરી હતી. તેમણે ૧૨ લાખ રૂપિયા સુધીની વાર્ષિક આવક ધરાવતા કરદાતાઓને આવકવેરા ચુકવણી શ્રેણીમાંથી બાકાત રાખ્‍યા. એટલે કે જો કોઈ વ્‍યક્‍તિ વાર્ષિક ૧૨ લાખ રૂપિયા કમાય છે, તો તેને એક રૂપિયો પણ ટેક્‍સ ચૂકવવો પડશે નહીં. અગાઉ નવી કર વ્‍યવસ્‍થા હેઠળ, આ મર્યાદા ૭ લાખ રૂપિયા હતી.

તે જ સમયે, ૭૫,૦૦૦ રૂપિયાનું સ્‍ટાન્‍ડર્ડ ડિડક્‍શન પણ સામેલ કરવામાં આવ્‍યું છે, જે પગારદાર કર્મચારીઓ પર લાગુ થશે. આનો અર્થ એ થયો કે પગારદાર કર્મચારીઓને ૧૨.૭૫ લાખ રૂપિયાની આવક પર એક પણ રૂપિયો ટેક્‍સ ચૂકવવો પડશે નહીં. આ નિયમ નવા નાણાકીય વર્ષ ૨૦૨૬ એટલે કે આજથી, ૧ એપ્રિલ ૨૦૨૫ થી અમલમાં આવી રહ્યો છે. હવે ચાલો થોડી ગણતરી કરીએ કે જો તમારી આવક દર મહિને ૧ લાખ રૂપિયા કે તેથી વધુ છે, તો કેટલો ટેક્‍સ ચૂકવવો પડશે.

૧ લાખ રૂપિયા માસિક પગાર મેળવનારાઓની વાર્ષિક આવક ૧૨ લાખ રૂપિયા થશે. આવી સ્‍થિતિમાં, તેણે એક રૂપિયો પણ ટેક્‍સ ચૂકવવો પડશે નહીં. બીજી તરફ, જો તમે ૧૨ લાખ ૭૫ હજાર રૂપિયા એટલે કે ૧ લાખ ૬ હજાર ૨૫૦ રૂપિયા માસિક કમાઓ છો અને તમે પગારદાર કર્મચારી છો, તો તમારે ૧ રૂપિયાનો પણ ટેક્‍સ ચૂકવવો પડશે નહીં.

શું તમે જાણો છો કે જો કોઈનો વાર્ષિક પગાર ૧૩ લાખ રૂપિયા હોય, તો તેણે કેટલો ટેક્‍સ ચૂકવવો પડશે? ચાલો આ આખી ગણતરી સમજીએ.

નવી કર વ્‍યવસ્‍થા (૨૦૨૪)-

રૂ.૦-રૂ.૪ લાખઃ શૂન્‍ય - ૦

રૂ.૪-રૂ.૮ લાખઃ ૫%

રૂ.૮-રૂ.૧૨ લાખઃ ૧૦%

રૂ.૧૨-રૂ.૧૬ લાખઃ ૧૫%

રૂ.૧૬-રૂ.૨૦ લાખઃ ૨૦%

રૂ.૨૦-રૂ.૨૪ લાખઃ ૨૫%

૨૪ લાખ રૂપિયાથી વધુની આવક પર ૩૦ ટકા ટેક્‍સ લાગશે.

હવે જો આપણે આ મુજબ ૧૩ લાખ રૂપિયાની આવક પરના ટેક્‍સની ગણતરી કરીએ, તો...

૧૩ માંથી ૭૫,૦૦૦ રૂપિયાના સ્‍ટાન્‍ડર્ડ ડિડક્‍શન બાદ કર્યા પછી, કુલ ટેક્‍સ જવાબદારી ૧૨.૨૫ લાખ રૂપિયા થશે.

૦-૪ ૦% = ૦

૪-૮ ૫% = ૨૦,૦૦૦ રૂપિયા

૮-૧૨ ૧૦% = ૪૦,૦૦૦ રૂપિયા

૧૨-૧૬ ૧૫% = ૩,૭૫૦ રૂપિયા

(નોંધઃ ૧૨ થી ૧૬ લાખના સ્‍લેબમાં, ૧૩ લાખ કમાણી કરનારાઓની આવક ઘટાડીને માત્ર ૨૫ હજાર રૂપિયા કરવામાં આવે છે, જેના પર ૧૫ ટકા આવકવેરો લાગુ પડે છે. તે મુજબ, ૧૩ લાખની આવક પર આવકવેરો ૬૩,૭૫૦ રૂપિયા છે, જેના પર ૪ ટકા સેસની જોગવાઈ છે, જે ૨૨૫૦ રૂપિયા થાય છે. આ રીતે, કુલ આવકવેરો ૬૬,૦૦૦ રૂપિયા થાય છે. પરંતુ સીમાંત રાહતને કારણે, આ પર ફક્‍ત ૨૫ હજાર રૂપિયાનો કર ચૂકવવો પડશે.)

સીમાંત રાહતનો અર્થ- કોઈ પણ કર જવાબદારી કરપાત્ર આવક કરતાં વધુ ન હોવી જોઈએ. જો કર જવાબદારી વધે છે, તો સીમાંત રાહતનો નિયમ લાગુ થશે અને પછી કરપાત્ર આવક જેટલો કર ચૂકવવો પડશે.

નવી કર વ્‍યવસ્‍થા હેઠળ ૧૨ લાખ રૂપિયાની આવકવેરા મુક્‍તિ મર્યાદા કરતાં ૧૫ લાખ રૂપિયા વધુ છે. તેથી, ૧૫ લાખ રૂપિયાની વાર્ષિક આવક પર કર ગણતરી ટેક્‍સ સ્‍લેબ મુજબ કરવામાં આવશે.

સ્‍ટાન્‍ડર્ડ ડિડક્‍શન બાદ કર્યા પછી....

૧૫૦૦૦૦૦ - ૭૫૦૦૦ = ૧૪,૨૫૦૦૦ રૂપિયા

૦-૪ ૦% = ૦

૪-૮ ૫% = ૨૦,૦૦૦ રૂપિયા

૮-૧૨ ૧૦% = ૪૦,૦૦૦ રૂપિયા

૧૨-૧૬ ૧૫% = ૩૩,૭૫૦ રૂપિયા

કુલ કર = રૂ. ૯૩,૭૫૦

ટેક્‍સ પર ૪% સેસ = રૂ. ૩,૭૫૦

ચોખ્‍ખી કરપાત્ર આવક = રૂ. ૯૭,૫૦૦

આ ગણતરીના આધારે, પગારદાર વ્‍યક્‍તિએ નવી કર વ્‍યવસ્‍થા ૨૦૨૫ હેઠળ ૧૫ લાખ રૂપિયાની વાર્ષિક આવક પર ૯૭,૫૦૦ રૂપિયાનો કર ચૂકવવો પડશે.(૪૦.૨૪)