મુંબઈ, તા.૨: મહારાષ્‍ટ્રના બુલઢાણા જિલ્લાના શેગાંવ ખામગાંવ હાઈવે પર  ભયંકર ટ્રિપલ અકસ્‍માત સર્જાયો છે. આ દુર્ઘટનામાં ઘટનાસ્‍થળે જ  ૫ જેટલાં લોકોને કાળ ભરખી ગયો હતો. આજે એક ખાનગી બસ, એક એસ.ટી. બસ અને બોલેરો વચ્‍ચે આ ભીષણ અકસ્‍માત સર્જાયો હતો. વહેલી સવારે પૂરપાટ ગતિએ દોડતી બોલેરો કાર એસ.ટી.બસ સાથે અથડાઈ હતી. જેના લીધે પાછળ આવતી ખાનગી બસ પણ અકસ્‍માતનો ભોગ બની હતી. ભયાનક અકસ્‍માતમાં ૫ લોકો ઘટનાસ્‍થળે જ મોતને ભેટયા હતા. આ દુર્ઘટનામાં  ૨૪ લોકો ઈજાગ્રસ્‍ત થયા છે.