એકમાત્ર અભિનેતા જેમણે સરકાર વિરુદ્ધ કેસ દાખલ કર્યો અને જીતી પણ ગયા
તેમને મનાવવામાં મંત્રાલયને પરસેવો વળી ગયો હતો
મુંબઈ, તા.૪: બોલીવુડ ફિલ્મ અભિનેતા મનોજ કુમારનું આજે નિધન થયું, તેઓ ૮૭ વર્ષના હતા. એક તરફ, મનોજ કુમાર બોલિવૂડ ફિલ્મોમાં દેશભક્તિની ભાવના જાગળત કરવા માટે જાણીતા છે. પરિસ્થિતિ એવી હતી કે આ ફિલ્મોને કારણે તેઓ ભરત કુમારના નામથી પ્રખ્યાત થયા. બીજી બાજુ, તેમણે ભારત સરકારનો સીધો સામનો કરવામાં કોઈ સંકોચ ન કર્યો. તેમના જીવન સાથે જોડાયેલી આ વાર્તા અદ્ભુત છે, જે કહે છે કે એક મહાન અભિનેતા હોવા ઉપરાંત, તેઓ એક બહાદુર અને હિંમતવાન વ્યક્તિ પણ હતા.
મનોજ કુમાર વિશે એવું કહેવામાં આવે છે કે તે એકમાત્ર એવા અભિનેતા છે જેમણે સરકાર વિરુદ્ધ કેસ દાખલ કર્યો અને જીત પણ મેળવી. આ મામલો કટોકટીના સમયનો છે. ૧૯૭૫માં જ્યારે ઇન્દિરા ગાંધીની સરકારે દેશમાં કટોકટી લાદી હતી, ત્યારે મનોજ કુમારે તેનો વિરોધ કર્યો હતો. સરકાર આનાથી ગુસ્સે થઈ ગઈ. પરિસ્થિતિ એવી હતી કે સરકાર કટોકટીનો વિરોધ કરનારા કલાકારોની ફિલ્મો રિલીઝ થતાં જ તેના પર પ્રતિબંધ મૂકી રહી હતી.
આ જ ક્રમમાં, માહિતી અને પ્રસારણ મંત્રાલયે મનોજ કુમારની ફિલ્મ દસ નંબરી પર પ્રતિબંધ મૂકયો. પછી તેણે પોતાની બીજી ફિલ્મ શોર સાથે પણ આવું જ કર્યું. એટલું જ નહીં, શોર રિલીઝ પહેલા જ દૂરદર્શન પર બતાવવામાં આવી હતી, જેના કારણે તે થિયેટરોમાં પહોંચી શકી નહીં અને દિલીપ કુમારને મોટું નુકસાન થયું.
ગુસ્સે ભરાયેલા અભિનેતાએ ઈન્દિરા સરકાર વિરુદ્ધ કેસ દાખલ કર્યો અને આશ્ચર્યજનક વાત એ છે કે તે કેસ જીતી ગયા. આનાથી સરકારને મોટો સંદેશ મળ્યો.
કેસ હાર્યા પછી, માહિતી અને પ્રસારણ મંત્રાલયે તેમને ઇમર્જન્સી પર ફિલ્મ બનાવવાની ઓફર કરી. મંત્રાલયે મનોજ કુમારને મનાવવાનો ખૂબ પ્રયાસ કર્યો પણ મનોજ કુમાર સંમત ન થયા અને ઓફર નકારી કાઢી. એટલું જ નહીં, પ્રખ્યાત લેખિકા અમળતા પ્રીતમને પણ આ ફિલ્મની સ્ક્રિપ્ટ લખવા બદલ ઠપકો આપવામાં આવ્યો હતો. (રર.૫)
(10:56 AM IST)
છેલ્લા 8 દિવસમાં સૌથી લોકપ્રિય 
