બેંગ્કોકમાં પીએમ મોદી મળ્યા બાંગ્લાદેશનાં મોહમ્મદ યુનુસને હિન્દુઓની સુરક્ષાનો મામલો ઉઠાવ્યો
બાંગ્લાદેશ સરકાર પોતાની જવાબદારી યોગ્ય રીતે નિભાવશે : મોદીએ આશા વ્યકત કરી
બેંગકોક, તા.૪: બેંગકોકમાં વડાપ્રધાન નરેન્દ્ર મોદી અને બાંગ્લાદેશના મુખ્ય સલાહકાર મુહમ્મદ યુનુસ વચ્ચે મુલાકાત થઈ. આ બેઠક BIMSTEC ગ્રુપ સમિટની બાજુમાં થઈ હતી. આ સમયગાળા દરમિયાન, વિદેશ મંત્રી એસ. જયશંકર અને રાષ્ટ્રીય સુરક્ષા સલાહકાર અજિત ડોભાલ પણ હાજર હતા. ગયા વર્ષે ઓગસ્ટમાં શેખ હસીનાની હકાલપટ્ટી પછી બંને નેતાઓ વચ્ચે આ પહેલી મુલાકાત હતી. તેથી, બંને દેશોની નજર આ બેઠક પર હતી. આ દરમિયાન બાંગ્લાદેશે શેખ હસીનાના પ્રત્યાર્પણનો મુદ્દો પણ ઉઠાવ્યો છે. જોકે, અહીં ભારતીય સંસદમાં બાંગ્લાદેશ પર પણ કેટલાક પ્રશ્નો અને જવાબો થયા.
બાંગ્લાદેશ અને ભારત વચ્ચે ચાલી રહેલા તણાવપૂર્ણ સંબંધો વચ્ચે આ બેઠક ખૂબ જ મહત્વપૂર્ણ છે. બાંગ્લાદેશમાં આંદોલન બાદ શેખ હસીનાની સરકારના પતન પછી, ત્યાં હિન્દુઓ અને મંદિરો પર અત્યાચારની ઘણી ઘટનાઓ બની. આ પછી બંને દેશો વચ્ચેના સંબંધો બગડયા.આવા સમયે પીએમ મોદી અને મોહમ્મદ યુનુસ વચ્ચેની મુલાકાતે ખળભળાટ મચાવી દીધો છે.પીએમ મોદી અને મોહમ્મદ યુનુસ વચ્ચેની મુલાકાતને લઈને બાંગ્લાદેશ ખૂબ જ ઉત્સાહિત હતું. તેમણે ભારતને દ્વિપક્ષીય બેઠક માટે અપીલ કરી હતી.
વાસ્તવમાં બાંગ્લાદેશ BIMSTEC જૂથનું આગામી અધ્યક્ષ છે. બાંગ્લાદેશ છેલ્લા કેટલાક સમયથી રાજકીય અસ્થિરતાનો સામનો કરી રહયું છે. શેખ હસીનાએ પોતાના પદ પરથી રાજીનામું આપીને દેશ છોડયા પછી, ભારત-બાંગ્લાદેશ સંબંધોમાં પણ તણાવ જોવા મળ્યો. દરમિયાન, તાજેતરની ચીન મુલાકાત દરમિયાન, યુનુસે બેઇજિંગને બાંગ્લાદેશમાં પોતાનો આર્થિક પ્રભાવ વધારવાનો પણ આગ્રહ કર્યો. તેમણે દરિયાઈ માર્ગોના અભાવને કારણે ભારતના ઉત્તરપૂર્વીય રાજ્યોને તક તરીકે વર્ણવ્યા હતા અને ચીનને આમાં શક્યતાઓ શોધવા કહયું હતું.
યુનુસના આ નિવેદન પર ભારત તરફથી ભારે વાંધો ઉઠાવવામાં આવ્યો હતો. જે બાદ બાંગ્લાદેશી અધિકારીઓએ સ્પષ્ટતા આપવી પડી. હવે બેંગકોકમાં યોજાયેલી આ બેઠકને ભારત અને બાંગ્લાદેશ વચ્ચેના સંબંધોને સામાન્ય બનાવવા તરફ એક પગલું માનવામાં આવી રહ્યું છે. બંને દેશો વચ્ચે વ્યૂહાત્મક અને આર્થિક સહયોગ વધારવા પર પણ ચર્ચા થઈ. જોકે હાલમાં તેની વિગતો જાહેર કરવામાં આવી નથી, પરંતુ એવું કહેવામાં આવી રહ્યું છે કે શેખ હસીનાના પ્રત્યાર્પણની માંગ બાંગ્લાદેશ દ્વારા કરવામાં આવી છે.
અગાઉ, ભારત દ્વારા સ્પષ્ટપણે કહેવામાં આવ્યું હતું કે બાંગ્લાદેશને બાંગ્લાદેશની અંદર લઘુમતીઓ વિરુદ્ધ બની રહેલી ઘટનાઓ વિશે જાણ કરવામાં આવી છે. રાજ્યસભામાં ઍક પ્રશ્નના લેખિત જવાબમાં વિદેશ રાજ્યમંત્રી કીર્તિ વર્ધન સિંહે આ માહિતી આપી. વિદેશ મંત્રાલયને પૂછવામાં આવ્યું હતું કે શું ભારત સરકારે બાંગ્લાદેશમાં હિન્દુઓના માનવાધિકાર ઉલ્લંઘનની નોîધ લીધી છે. તેમણે કહ્યું કે ભારત સરકારે બાંગ્લાદેશમાં હિન્દુઓ અને અન્ય લઘુમતીઓના માનવાધિકાર ઉલ્લંઘનની ઘટનાઓની નોîધ લીધી છે અને વિવિધ પ્રસંગોઍ બાંગ્લાદેશ સરકાર સમક્ષ આ મુદ્દો ઉઠાવ્યો છે.
(3:16 PM IST)
છેલ્લા 8 દિવસમાં સૌથી લોકપ્રિય 
