નવી દિલ્‍હીઃ આજે રામ નવમીનો તહેવાર છે અને અયોધ્યામાં ઉજવણીની તૈયારીઓ દિવ્ય અને ભવ્ય છે. રામનગરી ભગવાન શ્રી રામની જન્મજયંતિના આનંદમાં ડૂબી ગઈ છે. રામ મંદિરની સાથે અયોધ્યાના તમામ મંદિરોને ફૂલોથી શણગારવામાં આવ્યા છે. મોટી સંખ્યામાં શ્રદ્ધાળુઓ અયોધ્યા પહોંચી રહ્યા છે. રામની નગરીની ભવ્યતા અલગ જ દેખાય છે. જન્મદિવસની ઉજવણી સવારે 9.30 કલાકે શરૂ થઈ ગઈ છે. 

રામ મંદિરમાં આ બીજી જન્મજયંતિ છે. સવારે 10.30 વાગ્યાથી એક કલાક માટે ભગવાન રામનો શણગાર કરવામાં આવેલ.  ત્યાર બાદ પ્રસાદ ચઢાવવામાં આવ્‍યો હતો.  રામ લલાનો જન્મ બપોરે 12 વાગ્યે  થયો હતો. મંદિરમાં પૂજા-અર્ચના, આરતી અને સૂર્ય તિલક કરાયા હતા. શનિવારે સૂર્ય તિલકની ટ્રાયલ હાથ ધરવામાં આવી હતી. જન્મજયંતિનું જીવંત પ્રસારણ પણ કરવામાં આવેલ. અયોધ્યાના તમામ પ્રવેશદ્વારથી લઈને રામ મંદિર સહિત સમગ્ર રામજન્મભૂમિ સંકુલ સુધીનો નજારો અલૌકિક લાગે છે. બપોરે 12 વાગ્યે રઘુકુળમાં રામલલાનો જન્મ થતાં જ આનંદ ચરમસીમાએ પહોંચી ગયા હતો.

રાયે કહ્યું કે સૂર્યના કિરણો રામલલાના કપાળ પર લગભગ 4 મિનિટ સુધી ચમકશે. તેનું ટીવી ચેનલ પર જીવંત પ્રસારણ કરવામાં આવેલ. વિશ્વભરના રામ ભક્તો બપોરે 12 વાગ્યે સૂર્ય તિલકના દર્શન કરી ભાવ વિભોર બન્‍યા હતા. આ સમગ્ર પ્રયોગ સંપૂર્ણપણે વૈજ્ઞાનિક છે. ઈસરોના વૈજ્ઞાનિકોએ તેને વિકસાવ્યું છે. તેની શરૂઆત રામજન્મભૂમિ મંદિરમાં 1 લાખ મંત્રોના સંગઠનથી થઈ હતી. અભિનંદન ગીતો પણ વગાડવામાં આવ્‍યા હતા. રામ મંદિરમાં અંગદ ટીલા પરની કથા, શ્રી રામ ચરિત માનસ અને વાલ્મિકી રામાયણની પારાયણ સહિત અન્ય કાર્યક્રમોનું આયોજન કરવામાં  આવ્‍યું છે.

આ પ્રસંગને દિવ્ય બનાવવા માટે 10 વિદ્વાન પંડિતો એક લાખ શ્રી રામ મંત્રનો જાપ કરી રહ્યા છે. આ સાથે દરરોજ ત્રણ કલાક હવન કરવામાં આવી રહ્યો છે જેના કારણે સમગ્ર વાતાવરણ ભક્તિમય અને પવિત્ર બની ગયું છે. આ ઐતિહાસિક ક્ષણ દરેક શ્રદ્ધાળુ સુધી પહોંચે તે માટે અયોધ્યામાં વિવિધ સ્થળોએ એલઈડી સ્ક્રીન લગાવવામાં આવી છે. આ દ્રશ્યનું ખાસ એલઇડી વાન દ્વારા જીવંત પ્રસારણ પણ કરવામાં આવશે, જેથી ભક્તો જ્યાં પણ હોય ત્યાં આ અલૌકિક ક્ષણના સાક્ષી બની શકે.

શ્રી રામ જન્મોત્સવ નિમિત્તે દેશ-વિદેશથી આવતા લાખો શ્રદ્ધાળુઓ પર ડ્રોન દ્વારા સરયુનું પવિત્ર જળ રામપથ પર છાંટવામાં આવ્‍યું  હતું. આ ઉપરાંત રામકથા પાર્કમાં સાંસ્કૃતિક કાર્યક્રમોનું આયોજન કરવામાં આવશે. રામ નવમી પર અયોધ્યા આવતા ભક્તો સરયુ નદીમાં ધાર્મિક સ્નાન પણ કરે છે. બે દિવસ રામ કથા પાર્કમાં એક ખાસ સાંસ્કૃતિક કાર્યક્રમ અને ભજન સાંજનું આયોજન કરાયું