છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
બધા શેર-શેર બૂમો પાડતા રહ્યાઃ ખરૂ વળતર સોનાએ આપ્યું: ૨૫ વર્ષનું ગોલ્ડનું પ્રદર્શન ખુંટા હલાવી દેશે
છેલ્લા ૨૫ વર્ષમાં સોનાએ ઇક્વિટી (શેરબજાર) કરતાં વધુ સારું પ્રદર્શન કર્યું: ૨૦૦૦ થી, સોનાએ ૨,૦૨૭% વળતર આપ્યું છે, નિફ્ટીએ ૧,૪૭૦% વળતર આપ્યું છે
નવી દિલ્હી તા.૭: રોકાણકારો માટે સોનાને સલામત વિકલ્પ માનવામાં આવે છે. આનાથી તેમને ખાતરી મળે છે કે તેમના પૈસા કોઈ વિશ્વસનીય વસ્તુમાં રોકાણ કરવામાં આવ્યા છે. છેલ્લા બે વર્ષમાં અને છેલ્લા ૨૫ વર્ષમાં પણ સોનાએ ઇક્વિટી (શેરબજાર) કરતાં વધુ સારુું પ્રદર્શન કર્યું છે. ઝેરોધાના સીઈઓ નીતિન કામથ સોના અને નિફ્ટી ૫૦ ના પ્રદર્શનની તુલના કરે છે. તેમને જાણવા મળ્યું કે ૨૦૦૦ થી, સોનાએ ૨,૦૨૭% વળતર આપ્યું છે. તે જ સમયે, નેશનલ સ્ટોક એક્સચેન્જના બેન્ચમાર્ક ઇન્ડેક્સે ૧,૪૭૦% વળતર આપ્યું. આ દર્શાવે છે કે સોનું મુશ્કેલ સમયમાં પણ સારું પ્રદર્શન કરે છે. ૨૦૦૮ ની આર્થિક મંદી અને કોરોના રોગચાળા દરમિયાન પણ સોનાએ સારુું પ્રદર્શન કર્યું. કામથ કહે છે કે ભારતીય રોકાણકારો માટે સોનું એક સારો વિકલ્પ છે. આનાથી તેમને તેમના રોકાણોને વિવિધ બાબતોમાં વહેંચવામાં મદદ મળે છે. સોવરિન ગોલ્ડ બોન્ડ્સ (SGB) હવે ઉપલબ્ધ નથી. તેથી, ગોલ્ડ ETF સોનામાં રોકાણ કરવાનો શ્રેષ્ઠ માર્ગ હોઈ શકે છે.
કામથે સોના અને નિફ્ટીના પ્રદર્શનની તુલના કરતો ચાર્ટ પણ બતાવ્યો. ચાર્ટ દર્શાવે છે કે આર્થિક મંદી દરમિયાન નિફ્ટીમાં ઘટાડો થયો હતો, પરંતુ સોનું સ્થિર રહ્યું હતું. તેમણે કહ્યું, ઁસોનાના ભાવ કેમ વધે છે તે કોઈ સમજાવી શકતું નથી, પણ તે કામ કરે છે.
૨૦૨૫ માં સોનાના ભાવમાં ૧૮%નો વધારો થયો
તાજેતરના વર્ષોમાં ગોલ્ડે પણ સારું પ્રદર્શન કર્યું છે. ૨૦૨૫માં સોનાના ભાવમાં ૧૮%નો વધારો થયો હતો, જ્યારે નિફ્ટી લાર્જ મિડકેપ ૨૫૦માં ૬%નો ઘટાડો થયો હતો. ૨૦૨૪માં સોનાએ ૨૫% વળતર આપ્યું હતું, જ્યારે નિફ્ટી લાર્જકેપ ૨૫૦ એ ૧૯% વળતર આપ્યું હતું. આ દર્શાવે છે કે બજારની અસ્થિરતાના સમયમાં પણ સોનું સારુું પ્રદર્શન કરે છે.
૨૦૦૫ થી, સોનાએ દર વર્ષે સરેરાશ ૨૦%વળતર આપ્યું છે. આવું ફક્ત ત્રણ વખત બન્યું છે જ્યારે સોના પર વળતર નકારાત્મક રહ્યું હોય. તે ૨૦૨૩ માં ઘટીને ૧૮% , ૨૦૧૫ માં ૮% અને ૨૦૨૧ માં ૨% થઈ ગયું. કામથે કહ્યું કે સોનાએ ઇક્વિટી કરતા વધુ સારું વળતર આપ્યું છે. તેમણે કહ્યું, હું તારીખોમાં થોડો ફેરફાર કરી રહ્યો છું, પરંતુ એ સાચું છે કે ૨૦૦૦ થી સોનાએ નિફ્ટી કરતાં વધુ વળતર આપ્યું છે.
સોનામાં રોકાણ કરવાની શ્રેષ્ઠ રીત
કામથ સૂચવે છે કે ભારતીય રોકાણકારો માટે સોનામાં રોકાણ કરવાનો શ્રેષ્ઠ માર્ગ ગોલ્ડ ETF છે. ખાસ કરીને હવે જ્યારે SGB ઉપલબ્ધ નથી. તેમણે ઝેરોધા એએમસીના ગોલ્ડ ઇટીએફ ગોલ્ડકેસના લોન્ચ વિશે પણ વાત કરી. તેમણે કહ્યું કે સોનાના ભાવ વધી રહ્યા છે અને SGB જારી કરવાનું બંધ થઈ ગયું છે, તેથી તેને યોગ્ય સમયે લોન્ચ કરવામાં આવ્યું છે.
મોટાભાગના રોકાણકારો સોનાને સલામત રોકાણ માને છે. તેમને લાગે છે કે સોનું એક એવી સંપત્તિ છે જેના પર તેઓ વિશ્વાસ કરી શકે છે. છેલ્લા કેટલાક વર્ષોમાં સોનાએ શેરબજાર કરતાં વધુ સારુું પ્રદર્શન કર્યું છે.
(4:05 PM IST)
