સોમવારે ભારે ઘટાડા બાદ, મંગળવારે ભારતીય શેરબજારે જોરદાર વાપસી કરી. બીએસઈ સેન્સેક્સ ૧,૧૯૩.૧૦ પોઈન્ટના વધારા સાથે ૭૪,૩૩૧.૦૦ પર ખુલ્યો, જ્યારે એનએસઈ નિફ્ટી ૩૮૫.૫૦ પોઈન્ટના ઉછાળા સાથે ૨૨,૫૪૭.૧૦ પર ખુલ્યો. આ અનુક્રમે ૧.૬૩% અને ૧.૭૪% નો વધારો દર્શાવે છે.

બધા ક્ષેત્રીય સૂચકાંકો લીલા રંગમાં ખુલ્યા, જે રોકાણકારોના મજબૂત વલણને પ્રતિબિંબિત કરે છે. NSE પર ટાઇટન કંપની, ટાટા સ્ટીલ, હિન્ડાલ્કો, ટાટા મોટર્સ અને શ્રીરામ ફાઇનાન્સ મુખ્ય વધ્યા હતા. બીએસઈ મિડકેપ અને સ્મોલકેપ સૂચકાંકોમાં પણ લગભગ 2%નો વધારો નોંધાયો હતો.

એક્સિસ સિક્યોરિટીઝના રિસર્ચ હેડ અક્ષય ચિંચલકરના જણાવ્યા અનુસાર, "સોમવારે નિફ્ટીમાં વર્ષનો સૌથી મોટો ઘટાડો જોવા મળ્યો હતો, પરંતુ બંધ સમયે 400 થી વધુ પોઈન્ટની રિકવરીથી તેજીનો સંકેત મળ્યો છે. હવે 22572-22685 ની રેન્જ આગામી પ્રતિકાર ક્ષેત્ર છે, જ્યારે તેનાથી નીચે 22015-22130 નું સ્તર મહત્વપૂર્ણ રહેશે."

અમેરિકાના ટેરિફને કારણે હંગામો મચી ગયો, વૈશ્વિક બજારો પણ હચમચી ગયા હતા

સોમવારે અમેરિકાના રાષ્ટ્રપતિ ડોનાલ્ડ ટ્રમ્પે ભારત અને અન્ય દેશો પર ટેરિફની જાહેરાત કર્યા બાદ બજારમાં ભારે ઘટાડો થયો હતો. આનાથી વૈશ્વિક વેપાર અંગે ચિંતા વધી ગઈ અને રોકાણકારોમાં ગભરાટ જોવા મળ્યો.

દિવસ દરમિયાન સેન્સેક્સ 5% જેટલો ઘટ્યો હતો, પરંતુ થોડી રિકવરી પછી, 3% ના ઘટાડા સાથે બંધ થયો. માત્ર ભારતમાં જ નહીં, પરંતુ અમેરિકા, એશિયા અને યુરોપના બજારોમાં પણ ભારે વેચવાલી જોવા મળી. રોકાણકારોને ડર છે કે ટેરિફ ફુગાવા તરફ દોરી શકે છે અને આર્થિક વિકાસને નુકસાન પહોંચાડી શકે છે. નિષ્ણાતો માને છે કે ભવિષ્યનો ટ્રેન્ડ હવે વૈશ્વિક આર્થિક ડેટા અને કંપનીઓના ત્રિમાસિક પરિણામો પર આધારિત રહેશે.