News of Wednesday, 9th April 2025
ભારતનો સૌથી મોંઘો આઈસ્ક્રીમ... કિંમત ૧૨૦૦ રૂપિયા
આઈસ્ક્રીમ કોનમાં ચોકલેટના ટુકડા, પ્રવાહી ચોકલેટ, બદામ અને ચોકલેટઃ ઉપર સોનાનો અર્ક

હૈદરાબાદ તા.૯: આજકાલ સોશિયલ મીડિયા પર ગોલ્ડ પ્લેટેડ આઈસ્ક્રીમની ખૂબ ચર્ચા થઈ રહી છે. તેની શોધ હૈદરાબાદમાં હુબર એન્ડ હોલી નામના રેસ્ટોરન્ટ દ્વારા કરવામાં આવી છે, જેને ઇન્ટરનેટ લોકો ઁઅંબાણી આઈસ્ક્રીમ કહી રહ્યા છે. ખરેખર, આ આઈસ્ક્રીમની કિંમત એટલી વધારે છે કે ઘણા લોકોને તે સાંભળીને જ પરસેવો છૂટી ગયો. એક ફૂડ વ્લોગરે તેનો વીડિયો ઇન્સ્ટાગ્રામ પર શેર કર્યો અને તેને સૌથી મોંઘું આઈસ્ક્રીમ ગણાવ્યું હતું.
ફૂડ વ્લોગરે આઈસ્ક્રીમનો વીડિયો શેર કર્યો અને તેના ફોલોઅર્સને પૂછયું, તો મને કહો કે તમે મને આ મીઠાઈ કયારે ખવડાવવાના છો. તેના કેપ્શનમાં લખ્યું છે કે, ભારતનો સૌથી મોંઘો આઈસ્ક્રીમ, મને કહો કે તમે મને કયારે ખવડાવશો? તેની કિંમત ૧૨૦૦ રૂપિયા છે.
વાયરલ વીડિયોમાં રેસ્ટોરન્ટ સ્ટાફ આઈસ્ક્રીમ કોનમાં ચોકલેટના ટુકડા, પ્રવાહી ચોકલેટ, બદામ અને ચોકલેટ આઈસ્ક્રીમ સ્કૂપ ઉમેરતો જોઈ શકાય છે. પછી તે મીઠાઈ પર ક્રીમનું જાડું પડ લગાવે છે અને પછી તેને સોનાના વર્કથી સજાવે છે. આ પછી તેને અન્ય સ્વાદિષ્ટ ટોપિંગ્સથી સજાવીને સુંદર થાળીમાં પીરસવામાં આવે છે.
૬ માર્ચે ઇન્સ્ટાગ્રામ પર અપલોડ કરાયેલી આ રીલને અત્યાર સુધીમાં ૧ કરોડથી વધુ વખત જોવામાં આવી છે, જ્યારે લગભગ ચાર લાખ લોકોએ તેને લાઈક કરી છે. આ ઉપરાંત સેંકડો યુઝર્સે કોમેન્ટ્સ પણ કરી રહ્યા છે. કેટલાક લોકોએ તેને અંબાણી આઈસ્ક્રીમ કહ્યું, તો કેટલાકે રેસ્ટોરન્ટની કલાકારીની પ્રસંશા કરી હતી.(૩૮.૮)
(10:11 AM IST)









છેલ્લા 8 દિવસમાં સૌથી લોકપ્રિય 
