છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ગઈકાલે સાંજે દિલ્હીમાં આવેલા ધૂળના તોફાન પછી દિલ્હી એરપોર્ટની હાલત ખરાબ હતી
દિલ્હી એરપોર્ટના ટર્મિનલ-૩ પર ભાગદોડ જેવી સ્થિતિ : ધૂળના તોફાનને કારણે ૫૦ ફ્લાઇટ્સ મોડી પડી : મુસાફરો ૧૨ કલાકથી એરપોર્ટ પર ફસાયેલા...
નવી દિલ્હી,તા.૧૨ : ગઈકાલે સાંજે દિલ્હીમાં આવેલા ધૂળના તોફાન બાદ દિલ્હી એરપોર્ટની હાલત ખરાબ છે. અહીં ૫૦ ફ્લાઇટ્સ મોડી પડી, ત્યારબાદ ટર્મિનલ-૩ પર નાસભાગ જેવી સ્થિતિ સર્જાઈ. ઘણા મુસાફરોએ ફરિયાદ કરી હતી કે તેમને એરપોર્ટ પર ૧૨ કલાક રાહ જોવી પડી હતી. એવું કહેવામાં આવી રહ્યું છે કે ગઈકાલે આવેલા તોફાનને કારણે, ઈન્દિરા ગાંધી આંતરરાષ્ટ્રીય (IGI) એરપોર્ટ પર ફ્લાઇટ કામગીરી લગભગ બંધ થઈ ગઈ છે. સેંકડો મુસાફરો કલાકો સુધી એરપોર્ટ પર ફસાયેલા રહ્યા. મુસાફરોએ આ અંધાધૂંધી માટે એરલાઇનના ગેરવહીવટને જવાબદાર ઠેરવ્યા.
એરપોર્ટ સૂત્રોએ જણાવ્યું હતું કે શનિવાર સવાર સુધી, ઇન્દિરા ગાંધી આંતરરાષ્ટ્રીય એરપોર્ટથી ચાલતી ૫૦ થી વધુ સ્થાનિક ફ્લાઇટ્સ મોડી પડી હતી. આ સમયગાળા દરમિયાન, લગભગ ૨૫ વિમાનોના રૂટ ડાયવર્ટ કરવા પડ્યા. તે જ સમયે, ધૂળના તોફાનને કારણે સાત ફ્લાઇટ્સ રદ કરવામાં આવી હતી. એરપોર્ટ પર અંધાધૂંધીને કારણે મુસાફરોએ સોશિયલ મીડિયા પર પોતાનો ગુસ્સો વ્યક્ત કર્યો. ઘણા લોકોએ તેમના એકાઉન્ટ્સમાંથી ર્બોડિંગ ગેટ પર ભીડના ફોટા શેર કર્યા. ખરાબ સંચાલન અને ખોટી માહિતી સાથે વિશ્વ કક્ષાનું આંતરરાષ્ટ્રીય એરપોર્ટ,ૅ એક યુઝરે નાગરિક ઉડ્ડયન મંત્રાલય અને એર ઇન્ડિયાને ટેગ કર્યા. બસ સ્ટેન્ડ કરતાં પણ ખરાબ. આના પર એર ઇન્ડિયાએ જવાબ આપ્યો કે કંપની મુસાફરોની સમસ્યા સમજે છે, પરંતુ ખરાબ હવામાનની પ્રતિકૂળ અસરને કારણે ફ્લાઇટ્સ પ્રભાવિત થઈ છે. સ્ટાફ બધા મુસાફરોને મદદ કરવા માટે શ્રેષ્ઠ પ્રયાસો કરી રહ્યો છે. બીજા એક મુસાફરે એક વીડિયો શેર કર્યો અને લખ્યું - મુસાફરો સાથે પ્રાણીઓ કરતા પણ ખરાબ વર્તન કરવામાં આવી રહ્યું છે.
(2:30 PM IST)
