તજાકિસ્તાન : શનિવારે તાજિકિસ્તાનમાં ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી (NCS) અનુસાર, ભૂકંપની તીવ્રતા રિક્ટર સ્કેલ પર 4.2 નોંધાઈ હતી. આ ભૂકંપનું કેન્દ્ર જમીનની અંદર ૧૧૦ કિમીની ઊંડાઈએ હતું.

NCS અનુસાર, આ ભૂકંપ શનિવારે (૧૨ એપ્રિલ) બપોરે ૧૨:૨૪:૦૯ વાગ્યે આવ્યો હતો. આ ભૂકંપનું કેન્દ્રબિંદુ તાજિકિસ્તાનમાં જ હતું. ભૂકંપના કારણે લોકો પોતાના ઘરની બહાર નીકળી ગયા હતા. જોકે, આ ભૂકંપને કારણે કોઈ જાનમાલના નુકસાન અંગે હજુ સુધી કોઈ માહિતી પ્રાપ્ત થઈ નથી.

તાજિકિસ્તાન સિવાય, અન્ય કયા દેશોમાં ભૂકંપના આંચકા અનુભવાયા તેની માહિતી હજુ સુધી ઉપલબ્ધ નથી. તાજેતરમાં જ મ્યાનમારમાં આવેલા ભૂકંપે ભારે વિનાશ સર્જ્યો હતો. આ કુદરતી આફતમાં લગભગ ત્રણ હજાર લોકો મૃત્યુ પામ્યા હતા, જ્યારે સેંકડો ગુમ અને ઘાયલ થયા હતા. ભારત સહિત વિશ્વના ઘણા દેશોએ મ્યાનમારમાં રાહત અને બચાવ કાર્ય માટે મદદ મોકલી હતી.

પૃથ્વીની સપાટી નીચે અથવા પૃથ્વીની અંદર હંમેશા ઉથલપાથલ રહે છે. પૃથ્વીની અંદરની પ્લેટો સતત એકબીજા સાથે અથડાઈ રહી છે અથવા અલગ થઈ રહી છે. આ કારણે દર વર્ષે ભૂકંપ આવતા રહે છે. ભૂકંપને સમજતા પહેલા, આપણે પૃથ્વીની નીચેની પ્લેટોની રચનાને સમજવી જોઈએ. એક નિષ્ણાતે કહ્યું કે પૃથ્વી પર 12 ટેક્ટોનિક પ્લેટો છે. આ પ્લેટો એકબીજા સાથે અથડાય ત્યારે જે ઉર્જા મુક્ત થાય છે તેને ભૂકંપ કહેવામાં આવે છે. ઉચ્ચ તીવ્રતાના ભૂકંપ વિનાશનું કારણ બને છે, જોકે ઓછી તીવ્રતાના ભૂકંપની બહુ અસર થતી નથી.