છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
અમેરિકામાં H-1B વિઝા હોલ્ડર્સે ૨૪ કલાક ડોકયુમેન્ટ્સ સાથે રાખવા પડશે
શુક્રવારથી એલિયન રજિસ્ટ્રેશન એક્ટ લાગુ થઈ ગયોઃ ઈમિગ્રન્ટ્સ માટે રજિસ્ટ્રેશન ફરજિયાત કરી દેવાયું : જેથી હવે અધિકારીઓ ગમે તેને ગમે ત્યારે રોકીને ડોકયુમેન્ટ્સ જોવા માગી શકે છે.
વોશીંગ્ટન તા.૧૨: દરેકે ઈમિગ્રન્ટ્સે ફરજિયાત રજિસ્ટ્રેશન કરાવવું પડશે નહીં તો દંડ અને સજા થશેઃ દંડ અને સજા થશે તો ઈમિગ્રન્ટ્સ માટે અમેરિકામાં રહેવું અને બહારથી પાછા આવવું મુશ્કેલ બની જશે
અમેરિકામાં ટ્રમ્પના સત્તામાં આવ્યા બાદ ઈમિગ્રેશન નીતિમાં ઘણા ફેરફારો થઈ ગયા છે. અમેરિકામાં શુક્રવારથી ઈમિગ્રન્ટ્સ માટે રજિસ્ટ્રેશન કરાવવું અને ડોકયુમેન્ટ્સ સાથે રાખવાનું ફરજિયાત થઈ ગયું છે. ત્યારે H-1B વિઝા હોલ્ડર્સે પણ પોતાનો સમય બચાવવા અને હેરાનગતિથી બચવા માટે પોતાના ડોકયુમેન્ટ ૨૪ કલાક સાથે રાખવા પડશે. કેમકે, હવે અધિકારીઓ ગમે ત્યારે અને ગમે ત્યાં ઈમિગ્રન્ટ્સને તેમના ડોકયુમેન્ટ્સ બતાવવા કહી શકે છે. અમેરિકામાં વર્ક વિઝા કે સ્ટડી વિઝા પર કાયદેસર રીતે ગયેલા લોકોને પણ આ પરિસ્થિતિનો સામનો કરવો પડી શકે છે.
યુએસ ડિપાર્ટમેન્ટ ઓફ હોમલેન્ડ સિકયોરિટી (DHS)એ કડક ભાષામાં જણાવ્યું હતું કે, અમેરિકન સિટીઝન ન હોય તેવા ૧૮ કે તેથી વધુ વર્ષના દરેક લોકોએ તેમનું રજિસ્ટ્રેશન -પ્રુફ સાથે રાખવું જરૂરી છે. ટ્રમ્પ એડમિનિસ્ટ્રેશને DHSને નિયમનો અમલ કરવાને પ્રાથમિકતા આપવા નિર્દેશ આપ્યો છે અને તેમાં કોઈ પ્રકારની બાંધછોડ ચલાવી લેવામાં નહીં આવે તેવું પણ જણાવાયું છે.
અમેરિકાની એક ફેડરલ કોર્ટે તાજેતરમાં જ ટ્રમ્પ એડમિનિસ્ટ્રેશનને ઈલીગલ ઈમિગ્રન્ટ્સનું રજિસ્ટ્રેશન ફરજિયાત બનાવતા નિયમ પર આગળ વધવાની મંજૂરી આપી હતી. આ નિયમનો અમલ એપ્રિલ ૧૧થી શરૂ થઈ ગયો છે. અમેરિકન સિટીઝન ન હોય તેવા જે લોકો એપ્રિલ ૧૧ પહેલાના ૩૦ કે તેથી વધુ દિવસથી અમેરિકામાં રહેતા હોય તેમને રજિસ્ટ્રેશન કરાવવું પડશે. એપ્રિલ ૧૧ પછી અમેરિકા આવનારા ઈમિગ્રન્ટ્સે ૩૦ દિવસની અંદર રજિસ્ટ્રેશન કરાવી લેવાનું રહેશે. ૧૪ વર્ષના થયા હોય તેવા બાળકોએ પહેલા રજિસ્ટ્રેશન કરાવ્યું હોય તો પણ તેમના ૧૪મા જન્મદિવસના ૩૦ દિવસની અંદર ફરીથી રજિસ્ટ્રેશન કરાવવું પડશે અને ફિંગરપ્રીન્ટ આપવી પડશે. ૧૪ વર્ષની નાના બાળકો જો ૩૦ દિવસ કે તેથી વધુ સમય અમેરિકામાં રહે તો તેમનું પણ રજિસ્ટ્રેશન કરાવવું પડશે. આવા બાળકોનું રજિસ્ટ્રેશન કરાવવાની જવાબદારી તેમના માતા-પિતા કે વાલીની રહેશે.
ફરજિયાત રજિસ્ટ્રેશનના નિયમની અસર ઈલીગલ અને ડોકયુમેન્ટ વિનાના ઈમિગ્રન્ટ્સ પર પડશે.DHS મુજબ, વર્ષ ૨૦૨૨ સુધીમાં અમેરિકામાં ઈલીગલ રહેતા ઈન્ડિયન્સની સંખ્યા ૨.૨ લાખ હતી. જોકે, પ્યૂ રિસર્ચ સેન્ટરના રિપોર્ટ મુજબ આ આંકડો ૭ લાખ જેટલો હતો. જ્યારે માઈગ્રેશન પોલિસી ઈન્સ્ટિટયૂટનું કહેવું હતું કે, આ સમયગાળા દરમિયાન અમેરિકામાં ઈલીગલી રહેતા ઈન્ડિયન્સની સંખ્યા ૩.૭૫ લાખ હતી. રજિસ્ટ્રેશનના નિયમથી એ લોકો માટે મુશ્કેલી ઊભી થશે.
ઈમિગ્રેશન એટર્નીના જણાવ્યા મુજબ, જે લોકો વર્ક વિઝા, સ્ટડી વિઝા કે ટુરિસ્ટ વિઝા જેવા વેલિડ વિઝા પર અમેરિકા આવ્યા છે અને જેમની પાસે ગ્રીન કાર્ડ, અપ્લોયમેન્ટ ઓથોરાઈઝેશન ડોકયુમેન્ટ (EAD), બોર્ડર ક્રોસિંગ કાર્ડ કે I-૯૪ એડમિશન રેકર્ડ છે તેમનું રજિસ્ટ્રેશન થઈ ગયું હોવાનું જ ગણાશે એટલે તેમને નવા નિયમની ચિંતા કરવાની જરૂર નથી.
આ ઉપરાંત એડ્રેસમાં કોઈ ફેરફાર હોય તો તેની જાણ ૧૦ દિવસની અંદર કરવાની રહેશે. તેમ ન કરવા પર ૫,૦૦૦ ડોલરનો દંડ કે ઓછામાં ઓછી ૩૦ દિવસની જેલની સજા અથવા દંડ અને સજા બંને થઈ શકે છે. જોકે, તે પછી ડિપોર્ટ થવાનો કે બીજા દેશથી અમેરિકામાં પાછા આવો ત્યારે એન્ટ્રી ન મળવાનો ખતરો વધી જશે.(
(3:45 PM IST)
