<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Sunday, 13th April 2025

૨૬/૧૧ના મુંબઈ આતંકવાદી હુમલાના મુખ્ય કાવતરાખોર તહવ્વુર રાણાની તપાસ હવે દેશના બે તેજસ્વી IPS અધિકારીઓ જયા રોય અને આશિષ બત્રાની એન્‍ટ્રી

ડૉ. જયા રોય ઝારખંડ કેડરના 2011 બેચના IPS અધિકારી છે તેઓ હાલમાં રાષ્ટ્રીય તપાસ એજન્સી (NIA) માં ડેપ્યુટી ઇન્સ્પેક્ટર જનરલ (DIG) તરીકે પોસ્ટેડ છે

મુંબઇઃ  મુંબઈ આતંકવાદી હુમલો: ૨૬/૧૧ના મુંબઈ આતંકવાદી હુમલાના મુખ્ય કાવતરાખોર તહવ્વુર રાણાની તપાસ હવે દેશના બે તેજસ્વી IPS અધિકારીઓ - જયા રોય અને આશિષ બત્રાના હાથમાં છે. તહવ્વુર રાણાને તાજેતરમાં જ અમેરિકાથી ભારત પ્રત્યાર્પણ કરવામાં આવ્યો હતો અને હવે તે NIA (રાષ્ટ્રીય તપાસ એજન્સી) ની કસ્ટડીમાં છે.
ડૉ. જયા રોય ઝારખંડ કેડરના 2011 બેચના IPS અધિકારી છે. ૨૨ એપ્રિલ, ૧૯૭૯ ના રોજ પશ્ચિમ બંગાળમાં જન્મેલા જયા રોયે સિવિલ સર્વિસીસ પરીક્ષા પાસ કરીને એમબીબીએસની ડિગ્રી પૂર્ણ કર્યા પછી પોલીસ સેવા પસંદ કરી. તેઓ હાલમાં રાષ્ટ્રીય તપાસ એજન્સી (NIA) માં ડેપ્યુટી ઇન્સ્પેક્ટર જનરલ (DIG) તરીકે પોસ્ટેડ છે.
જયા રોયે ઝારખંડમાં પોતાની સેવા શરૂ કરી, જ્યાં તેમણે કુખ્યાત સાયબર ક્રાઇમ હોટસ્પોટ જામતારામાં ગુનેગારો પર કાર્યવાહી કરવામાં મોટી સફળતા મેળવી. તેમના નેતૃત્વ હેઠળ લેવાયેલી કાર્યવાહીથી માત્ર ગુનાખોરી પર બ્રેક લાગી નહીં, પરંતુ નેટફ્લિક્સની હિટ વેબ સિરીઝ "જામતારા" પણ તે કેસથી પ્રેરિત હતી. 

(2:44 PM IST)