જબલપુર: મધ્યપ્રદેશના જબલપુરમાં અસામાજિક તત્વોએ જગતગુરુ સુખાનંદ દ્વારાચાર્ય રાઘવ દેવાચાર્યનું માથું કાપી નાખવાની ધમકી આપી છે. તાજેતરમાં, તેમણે હિન્દુ દેવી-દેવતાઓ પર અપમાનજનક ટિપ્પણી કરનારાઓ સામે વિરોધ દર્શાવ્યો હતો. આ કેસમાં પોલીસે FIR નોંધીને તપાસ શરૂ કરી છે.

પોલીસના જણાવ્યા અનુસાર, 8 એપ્રિલના રોજ, શહેરના ગોહલપુરના રહેવાસી અબ્દુલ મજીદ નામના વ્યક્તિએ સોશિયલ મીડિયા પર ભગવાન શ્રી રામ અને મા બુધી ખેરામાઈ માટે અપશબ્દોનો ઉપયોગ કર્યો હતો. સંતે આનો સખત વિરોધ કર્યો હતો અને કાર્યવાહીની માંગ કરી હતી. હિન્દુ સમુદાયના લોકોએ માજિદની ધરપકડની માંગણી સાથે પ્રદર્શન પણ કર્યા હતા

 આ કેસમાં પોલીસે તેની ધરપકડ કરી હતી. ત્યારથી જગદગુરુ સુખાનંદ દ્વારાચાર્ય રાઘવ દેવાચાર્યને તેમના ભાષણના અંશો સોશિયલ મીડિયા પર ફરતી કરીને ધમકી આપવામાં આવી રહી છે. ભૂતકાળમાં પણ સંત પર હુમલો કરવાના પ્રયાસો થયા છે. તેમના નિવાસસ્થાન પર પેટ્રોલ બોમ્બ ફેંકવામાં આવ્યો છે.

 સંત વતી પોલીસને આપવામાં આવેલી ફરિયાદમાં સોશિયલ મીડિયા પર ફરતી ધમકીઓના સ્ક્રીનશોટ આપવામાં આવ્યા છે. ઇન્ટરનેટ પર ફરતી કેટલીક ધમકીઓમાં યુઝરના નામ દેખાય છે, પરંતુ પોલીસે અજાણ્યા વ્યક્તિઓ સામે ધમકીઓનો કેસ નોંધ્યો છે. પોલીસની કામગીરી અંગે અનુયાયીઓમાં અસંતોષ છે.