છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
લખનૌની હોસ્પિટલમાં આગ : ૨૦૦ દર્દીઓનું રેસ્કયુ : ૧નું મોત
રાત્રે હોસ્પિટલમાં આગ લાગી હતી, જેના કારણે અરાજકતા ફેલાઈ ગઈ હતી
લખનૌ, તા.૧૫: લખનૌની લોકબંધુ હોસ્પિટલમાં લાગેલી આગ પર કાબુ મેળવી લેવામાં આવ્યો છે. આગ બાદ ૨૦૦ દર્દીઓને અલગ અલગ હોસ્પિટલોમાં ખસેડવામાં આવ્યા હતા અને આ દરમિયાન ઓક્સિજન સપ્લાય બંધ થવાને કારણે એક વળદ્ધ દર્દીનું મળત્યુ થયું હતું. ગઈકાલે રાત્રે હોસ્પિટલમાં આગ લાગી હતી, જેના કારણે અરાજકતા ફેલાઈ ગઈ હતી; આગ પાછળનું કારણ જાણી શકાયું નથી. ફાયર બ્રિગેડની ઘણી ગાડીઓ ઘટનાસ્થળે પહોંચી ગઈ અને દર્દીઓને વોર્ડમાંથી બહાર કાઢવામાં આવ્યા. આગને કારણે હોસ્પિટલની આખી ગેલેરી ધુમાડાથી ભરાઈ ગઈ હતી. લોકબંધુ હોસ્પિટલના મેડિકલ સુપરિન્ટેન્ડેન્ટ ડૉ. અજય શંકર ત્રિપાઠીએ જણાવ્યું હતું કે સોમવારે રાત્રે લગભગ ૧૦ વાગ્યાની આસપાસ આગ લાગી હતી. અત્યાર સુધીની તપાસમાં આગનું કારણ શોર્ટ સર્કિટ હોવાનું જણાવવામાં આવી રહ્યું છે. પરિસ્થિતિ નિયંત્રણમાં છે.
આ આગની ઘટનામાં ૬૧ વર્ષીય વ્યક્તિનું મોત નીપજ્યું હતું. પરિવારના સભ્યોનો આરોપ છે કે વીજળી ગુલ થયા પછી ઓક્સિજન સપ્લાય બંધ થઈ ગયો હતો, જેના કારણે તેનું મળત્યુ થયું હતું. ગઈકાલે રાત્રે લોકબંધુ હોસ્પિટલના બીજા માળે આગ લાગી હતી. બધા ૨૦૦ દર્દીઓને સમયસર બહાર કાઢવામાં આવ્યા... હોસ્પિટલમાં લાગેલી આગ પર કાબુ મેળવી લેવામાં આવ્યો છે. દર્દીઓને બીજી હોસ્પિટલમાં ખસેડવામાં આવ્યા હતા, જ્યાં તેમની સારવાર ચાલી રહી છે. આગની માહિતી મળતા જ ડેપ્યુટી સીએમ બ્રજેશ પાઠક ઘટનાસ્થળે પહોંચ્યા, મુખ્યમંત્રી યોગીએ અધિકારીઓ પાસેથી ઘટનાની માહિતી લીધી.
ઘટનાની માહિતી મળતા જ નાયબ મુખ્યમંત્રી બ્રજેશ પાઠક ઘટનાસ્થળે પહોંચી ગયા. બ્રજેશ પાઠકે જણાવ્યું હતું કે દર્દીઓને KGMU, બલરામપુર અને સિવિલમાં દાખલ કરવામાં આવ્યા છે, ગંભીર દર્દીઓને KGMUના ત્ઘ્શ્માં દાખલ કરવામાં આવ્યા છે. બાકીના લોકોને સિવિલ અને બલરામપુરમાં દાખલ કરવામાં આવ્યા છે. આગને કારણે વીજળી ગુલ થઈ ગઈ હતી. જનરેટરનો ઉપયોગ કરીને અગ્નિશામક અને લાઇટિંગની વ્યવસ્થા કરવામાં આવી હતી.
ડીસીપી સાઉથ નિપુણ અગ્રવાલે જણાવ્યું હતું કે કળષ્ણા નગર પોલીસ સ્ટેશનને માહિતી મળી હતી કે લોકબંધુ હોસ્પિટલમાં આગ લાગી છે. માહિતી મળતા જ ફાયર બ્રિગેડ અને સિવિલ પોલીસ પૂરતી સંખ્યામાં પહોંચી ગયા. આગ પર કાબુ મેળવી લેવામાં આવ્યો છે. હોસ્પિટલમાં દાખલ લોકોને સુરક્ષિત રીતે બહાર કાઢવામાં આવ્યા છે અને સારવાર માટે હોસ્પિટલોમાં મોકલવામાં આવ્યા છે. આગ લાગવાના કારણની તપાસ કરવામાં આવી રહી છે. હોસ્પિટલના સ્ટાફે સીએમએસ અને અન્ય અધિકારીઓને આગ વિશે જાણ કરી. આ પછી ફાયર બ્રિગેડને બોલાવવામાં આવી. બધે ચીસો અને બૂમો પડી રહી હતી. ડોકટરો, નર્સો, હોસ્પિટલ સ્ટાફ અને એટેન્ડન્ટ્સ પોતાનો જીવ બચાવવા માટે અહીં-ત્યાં દોડવા લાગ્યા.
માહિતી નિયામક શિશિર સિંહે જણાવ્યું હતું કે મુખ્યમંત્રી યોગીએ લોક બંધુ હોસ્પિટલમાં આગ લાગવાની ઘટનાની નોંધ લીધી હતી અને અધિકારીઓ પાસેથી ફોન પર ઘટનાની સંપૂર્ણ માહિતી મેળવી હતી. ઉચ્ચ અધિકારીઓ ઘટનાસ્થળે પહોંચી ગયા.(૨૩.૪)
(9:55 AM IST)
