છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
પીડિતાએ જાણી જોઈને પ્રેમ સંબંધ બાંધ્યોઃ POCSO કેસમાં આરોપીને હાઇકોર્ટે જામીન આપ્યા
પીડિતા તેના કાર્યોના પરિણામોથી સંપૂર્ણપણે વાકેફ હતી અને તેણીએ પોતાની સ્વતંત્ર ઇચ્છાથી સંબંધ બાંધ્યો હતો :પોક્સો કેસમાં ત્રણ વર્ષથી જેલમાં રહેલા આરોપીને બોમ્બે હાઈકોર્ટે જામીન આપ્યા
નવી મુંબઈ તા.૧પઃ નવી મુંબઈમાં એક સગીરા પર જાતીય હુમલો કરનાર, તેને ગર્ભવતી બનાવનાર અને પછી તેની સાથે લગ્ન કરવાનો ઇનકાર કરનાર આરોપીને બોમ્બે હાઈકોર્ટે જામીન આપ્યા છે. હાઈકોર્ટે પણ આ મામલે મહત્વપૂર્ણ ટિપ્પણીઓ કરી હતી. POCSO કેસમાં ત્રણ વર્ષથી જેલમાં રહેલી ૨૨ વર્ષીય આરોપી અંગે કોર્ટે કહ્યું કે પીડિતા તેના કળત્યોના પરિણામોને સમજવા માટે સંપૂર્ણપણે સક્ષમ હતી અને તેણે સ્વેચ્છાએ આરોપી સાથે સંબંધ બાંધ્યો હતો.
આ ઘટના ઓગસ્ટ ૨૦૨૦ની છે. સગીર છોકરી નવી મુંબઈ સ્થિત તેના ઘરેથી ભાગી ગઈ હતી અને દસ મહિના સુધી ઉત્તર પ્રદેશના એક ગામમાં યુવક સાથે રહી હતી. મે ૨૦૨૧ માં, યુવકે તેની સાથે લગ્ન કરવાનો ઇનકાર કર્યા પછી, છોકરીએ તેના પિતાને તેની ગર્ભાવસ્થા વિશે જાણ કરી. પોલીસની મદદથી પિતા છોકરીને પાછી લાવ્યા અને યુવક વિરુદ્ધ કેસ દાખલ કર્યો.
કેસના તથ્યો દર્શાવે છે કે પીડિતા તેના કળત્યોના પરિણામોથી સંપૂર્ણપણે વાકેફ હતી. તેણીએ સ્વેચ્છાએ આરોપી સાથે પ્રેમ સંબંધ બાંધ્યો અને લાંબા સમય સુધી તેની સાથે રહી,ૅ ન્યાયાધીશ મિલિંદ જાધવની બેન્ચે આ કેસમાં અવલોકન કર્યું.
જોકે ૧૮ વર્ષથી ઓછી ઉંમરની છોકરીની સંમતિ POCSO એક્ટ હેઠળ માન્ય નથી, કોર્ટે ખાસ સંજોગોમાં ન્યાયિક વિવેકનો ઉપયોગ કરીને જામીન આપ્યા. કોર્ટે એ પણ નોંધ્યું કે આ કેસ ચાર વર્ષથી પેન્ડિંગ છે અને ટ્રાયલ શરૂ થઈ નથી.
મુખ્ય કેસની સુનાવણી બાકી છે ત્યારે આરોપીને ન્યાયિક કસ્ટડીમાંથી મુક્ત કરવામાં આવ્યો છે. (૩પ.૬)
(9:56 AM IST)
