મેહુલ ચોકસીને ભારત લાવવા ૬ અધિકારીઓ બેલ્જિયમ જશે
મેહુલ ચોકસીની ધરપકડ બાદ સીબીઆઈ અને ઇડીએ પ્રત્યાર્પણ માટે પ્રયાસો તેજ કર્યા
નવી દિલ્હી તા.૧૫: બેલ્જિયમમાં ભાગેડુ ઉદ્યોગપતિ મેહુલ ચોકસીની ધરપકડ બાદ ભારતીય એજન્સીઓ સક્રિય થઈ ગઈ છે. કોર્ટમાં મેહુલ ચોકસીની સુનાવણી પહેલા ED અને CBI બેલ્જિયમ જવા માટે તૈયાર છે. રિપોર્ટ અનુસાર, CBI અને ED એ બેલ્જિયમ જતા અધિકારીઓની યાદી તૈયાર કરી છે. આ અધિકારીઓ ટૂંક સમયમાં જઈ શકે છે. સીબીઆઈ અને ઈડીના કહેવા પર મેહુલ ચોકસીની બેલ્જિયમમાં ધરપકડ કરવામાં આવી છે. મળતી માહિતી મુજબ, તે સ્વિટ્ઝર્લૅન્ડ ભાગી જવાનો પ્રયાસ કરી રહ્યો હતો.
પ્રત્યાર્પણની વિનંતી બાદ ૧૨ એપ્રિલે ચોક્સીની ધરપકડ કરવામાં આવી હતી. માહિતી અનુસાર, CBI અને EDના ત્રણ-ત્રણ અધિકારીઓને બેલ્જિયમ મોકલવામાં આવશે. તેમની પસંદગી પછી પેપર્સ તૈયાર કરવામાં આવશે. એવી શકયતા છે કે ચોક્સી પોતાના પ્રત્યાર્પણને રોકવા માટે ઉચ્ચ અધિકારીઓનો સંપર્ક પણ કરશે.
સોમવારે જ ચૌરસિયાના વકીલે કહ્યું હતું કે તેઓ બેલ્જિયમમાં તેમની ધરપકડ સામે અરજી દાખલ કરવા જઈ રહ્યા છે. તેમણે કહ્યું હતું કે ચૌરસિયા બ્લડ કેન્સરની સારવાર લઈ રહ્યા હતા. આવી સ્થિતિમાં, તેને તબીબી આધાર પર જામીન મળવા જોઈએ. તેમણે કહ્યું કે આરોપી કેન્સરથી પીડિત છે અને તેની સારવાર ચાલી રહી છે. ૅઅમે બેલ્જિયમમાં તેમની ધરપકડ સામે અપીલ દાખલ કરવાની પ્રક્રિયામાં છીએ. તેમની જામીન પર મુક્તિ માટેની અમારી અપીલ મુખ્યત્વે આ આધાર પર હશે કે તેમની તબીબી સ્થિતિ સ્થિર નથી અને તેઓ કેન્સરની સારવાર લઈ રહ્યા છે,ૅ તેમણે કહ્યું.
તેમણે વધુમાં કહ્યું, અમે એવી પણ દલીલ કરીશું કે હીરાના વેપારીના ભાગી જવાનું કોઈ જોખમ નથી. તેમણે કહ્યું કે કેસની સુનાવણી પાંચ દિવસ પછી જ થઈ શકે છે, ત્યારબાદ તેઓ જામીન માટે અપીલ દાખલ કરશે. ચોક્સી ૨૦૧૮ માં ભારત છોડ્યા પછી એન્ટિગુઆમાં રહેતો હતો અને તેણે ભારતીય નાગરિકતા જાળવી રાખીને કેરેબિયન દેશની નાગરિકતા લીધી હોવાનું કહેવાય છે.
સૂત્રોએ જણાવ્યું હતું કે થોડા સમય પહેલા તેમની સામેની ઇન્ટરપોલ રેડ કોર્નર નોટિસ પાછી ખેંચી લેવામાં આવી હતી અને ત્યારથી ભારતીય એજન્સીઓ તેમને પ્રત્યાર્પણ દ્વારા ભારત લાવવાનો પ્રયાસ કરી રહી છે. ભારત અને બેલ્જિયમ વચ્ચે લાંબા સમયથી પ્રત્યાર્પણ સંધિ છે.(૩૮.૮)
(10:02 AM IST)
છેલ્લા 8 દિવસમાં સૌથી લોકપ્રિય 
