મુંબઈ : અનિલ અંબાણીની માલિકીની કંપની રિલાયન્સ પાવરના શેરમાં જબરદસ્ત ઉછાળો જોવા મળ્યો છે. મંગળવારે BSE પર પાવર કંપનીના શેર 6 ટકાથી વધુ વધીને રૂપિયા 42.60 પર પહોંચી ગયા. રિલાયન્સ પાવરનું માર્કેટ કેપ પણ 17,000 કરોડ રૂપિયાને વટાવી ગયું છે. છેલ્લા પાંચ વર્ષમાં, રિલાયન્સ પાવરના શેરમાં 2275 ટકાથી વધુનો વધારો જોવા મળ્યો છે. કંપની ગયા વર્ષે સ્વતંત્ર ધોરણે દેવામુક્ત બની હતી.

અનિલ અંબાણીની કંપની રિલાયન્સ પાવરના શેર 17 એપ્રિલ, 2020 ના રોજ 1.79 રૂપિયા પર હતા. 15 એપ્રિલ, 2025 ના રોજ કંપનીના શેર 42.60 રૂપિયા પર પહોંચી ગયા છે. છેલ્લા પાંચ વર્ષમાં કંપનીના શેર 2275 ટકાથી વધુ વધ્યા છે. જો કોઈ વ્યક્તિએ 17 એપ્રિલ, 2020 ના રોજ રિલાયન્સ પાવરના શેરમાં 1 લાખ રૂપિયાનું રોકાણ કર્યું હોત અને પોતાનું રોકાણ જાળવી રાખ્યું હોત, તો હાલમાં 1 લાખ રૂપિયામાં ખરીદેલા શેરનું મૂલ્ય 23.79 લાખ રૂપિયા હોત.

છેલ્લા બે વર્ષમાં રિલાયન્સ પાવરના શેરમાં 235%નો વધારો થયો છે. 13 એપ્રિલ, 2023 ના રોજ વીજ કંપનીના શેર રૂપિયા 12.79 પર હતા. 15 એપ્રિલ, 2025 ના રોજ કંપનીના શેર રૂપિયા 42.60 પર પહોંચી ગયા. છેલ્લા એક વર્ષમાં કંપનીના શેરમાં 63 ટકાથી વધુનો વધારો થયો છે. આ સમયગાળા દરમિયાન કંપનીના શેર રૂપિયા 26 થી વધીને રૂપિયા 42 થયા છે. છેલ્લા એક મહિનામાં કંપનીના શેરમાં લગભગ 29 ટકાનો ઉછાળો આવ્યો છે. રિલાયન્સ પાવરના શેરનો ભાવ ૫ર અઠવાડિયાનો ઉચ્ચતમ ભાવ 54.25 રૂપિયા છે. કંપનીના શેરનું 52-અઠવાડિયાનું નીચું સ્તર 23.26 રૂપિયા છે.