નવી દિલ્હી :હવામાન વિભાગે જણાવ્યું હતું કે રાજસ્થાનમાં 18 એપ્રિલ સુધી અને ગુજરાતમાં 17 એપ્રિલ સુધી ગરમીનું મોજું ચાલુ રહેવાની શક્યતા છે. રાજસ્થાનમાં રાત્રે તાપમાન વધુ રહેશે, જેના કારણે ગરમ રાત્રિનું એલર્ટ જારી કરવામાં આવ્યું છે. બિહાર અને ઝારખંડમાં કેટલાક સ્થળોએ વીજળી પડવાની આગાહી છે.

૧૬ થી ૨૦ એપ્રિલ દરમિયાન પશ્ચિમ હિમાલય ક્ષેત્રમાં તીવ્ર પશ્ચિમી વિક્ષેપ રહેવાની શક્યતા છે, જેની મહત્તમ તીવ્રતા ૧૮ અને ૧૯ એપ્રિલે રહેશે. આ દિવસોમાં કેટલાક સ્થળોએ ભારે વરસાદની શક્યતા છે. વધુમાં, ૧૮ થી ૨૦ એપ્રિલ દરમિયાન ઉત્તરપશ્ચિમ ભારતને અડીને આવેલા મેદાની વિસ્તારોમાં વાવાઝોડા, વીજળી અને ભારે પવન સાથે વરસાદની શક્યતા છે.