જસ્ટિસ ડિલિવરી સિસ્ટમમાં ગુજરાત માત્ર ત્રણ વર્ષમાં ચોથાથી ૧૧મા ક્રમે ધકેલાયું...!
પોલીસ, ન્યાયતંત્ર, જેલ અને કાનૂની સહાય જેવા ચાર મુદ્દે રિસર્ચ બાદ ઇન્ડિયા જસ્ટિસ રિપોર્ટના ચોંકાવનારા તારણો
નવી દિલ્હી,તા.૧૬: ઇન્ડિયા જસ્ટિસ રિપોર્ટ -૨૦૨૫ ના તાજેતરના અહેવાલના તારણો જાહેર કરવામાં આવ્યા છે. જેમાં સૌથી ચોંકાવનારું તારણ એ સામે આવ્યું છે કે ‘જસ્ટિસ ડિલિવરી સિસ્ટમ'માં ગુજરાત વર્ષ ૨૦૨૨માં ચોથા ક્રમે હતું, જે માત્ર ત્રણ વર્ષના ગાળામાં સાત ક્રમ પાછળ ધકેલાઇને છેક ૧૧મા ક્રમે પહોંચી ગયું છે....! અત્યંત ચિંતાજનક ડેટા સાથેનો વિસ્તળત અહેવાલ ઇન્ડિયા જસ્ટિસ રિપોર્ટમાં સામે આવ્યો છે. જેમાં ગુજરાત સંદર્ભે એવું પણ તારણ રજૂ કરાયું છે કે સમગ્ર દેશમાં ગુજરાતમાં હાઇકોર્ટના જજો અને સ્ટાફની દૃષ્ટિએ સૌથી વધુ જગ્યાઓ ખાલી છે. ન્યાયતંત્રમાં ગુજરાત ૧૪મા અને કાનૂની સહાયમાં ૧૩મા ક્રમે આવ્યું છે, જ્યારે કે ઓવરઓલ રેન્કિંગમાં ચોથા ક્રમથી છેક ૧૧મા ક્રમે ધકેલાઇ ગયું હોવાનું ચિંતાજનક ઘટસ્ફોટ આ રિપોર્ટમાં થયો છે.
ટાટા ટ્રસ્ટ દ્વારા ઇન્ડિયા જસ્ટિસ રિપોર્ટ (IJR) શરૂ કરવામાં આવ્યો હતો અને એનો સૌથી પહેલો રાજ્યોને રેન્કિંગ આપતો અહેવાલ ૨૦૧૯માં -સિદ્ધ થયો હતો. ૨૦૨૫માં તેનું ચોથું એડિશન સામે આવ્યું છે. જસ્ટિસ સિસ્ટમના ચાર મહત્ત્વના સ્તંભો પોલીસ, ન્યાયતંત્ર, જેલ અને કાનૂની સહાયના આધારે આ અહેવાલ તૈયાર કરવામાં આવ્યો છે. આ ત્રણેય સ્તંભોનું મૂલ્યાંકન બજેટ, માનવ સંસાધન, વર્કલોડ, વૈવિધ્યતા, માળખાગત સુવિધા વગેરેના આધારે કરવામાં આવ્યું છે.
આ ચારેય સ્તંભોનું મૂલ્યાંકન ગુજરાત રાજ્યના પરિપ્રેક્ષ્યમાં કરવામાં આવતાં એવા તારણો રજૂ કરવામાં આ?વ્યા છે કે પોલીસના મામલે ગુજરાત આઠમાથી નવમા ક્રમે આવ્યું છે. જેલના સંદર્ભે છઠ્ઠા ક્રમેથી પાછળ ધકેલાઇને નવમા ક્રમે આવી ગયું છે. ન્યાયતંત્રની દૃષ્ટિએ નવમાથી ૧૪મા અને કાનૂની સહાયમાં ખરાબ રીતે પાછળ ધકેલાઇને ત્રીજાથી છેક ૧૩મા ક્રમે પહોંચી ગયું છે...!
સુપોલીસ, ન્યાયતંત્ર, જેલ અને કાનૂની સહાય જેવા ચાર મુદ્દે રિસર્ચ બાદ ઇન્ડિયા જસ્ટિસ રિપોર્ટના ચોંકાવનારા તારણો
જસ્ટિસ ડિલિવરી સિસ્ટમમાં ગુજરાત માત્ર ત્રણ વર્ષમાં ચોથાથી ૧૧મા ક્રમે ધકેલાયું...સુપ્રીમ કોર્ટના નિવળત્ત જસ્ટિસ મદન લોકુરે અહેવાલ પર ચર્ચા કરતાં કહ્યું છે કે,‘ન્યાય મેળવવાની પ્રક્રિયામાં સજા આપવાની બાબત સાથે વ્યક્તિનો ન્યાય વ્યવસ્થા સાથેનો પહેલો સામનો થાય છે. પોલીસ સ્ટેશનો, પેરા લિગલ સ્વયંસેવકો અને જિલ્લા અદાલતો સહિત કાનૂની સહાયક કાર્યકરોને યોગ્ય રીતે સજ્જ અને તાલીમ આપવામાં આપણી નિષ્ફળતાને કારણે આપણે જાહેર વિશ્વાસ કેળવવામાં ઊણા ઉતરીએ છીએ. ઇન્ડિયા જસ્ટિસ રિપોર્ટની આ ચોથી આવળત્તિ એવું સૂચવે છે કે સંસાધનો પર પૂરતું ધ્યાન ન અપાતા જરૂરી સુધારાઓ સીમિત અને દૂર રહે છે. એટલું જ નહીં રાજ્યો ન્યાય ન આપી શકતા, ન્યાય મેળવવાનો બોજો ન્યાય શોધી રહેલી વ્યક્તિ પર આવી જાય છે.' ઇન્ડિયા જસ્ટિસ રિપોર્ટના ચીફ એડિટર માજા દારૂવાલાએ જણાવ્યું છે કે,‘ન્યાય વ્યવસ્થામાં અપેક્ષિત છે અને આ સુધારો વૈકલ્પિક નથી. સારી સંશોધનાત્મક અને પ્રતિભાવશીલ ન્યાય વ્યવસ્થા એ બંધારણીય આવશ્યકતા છે, જેનો અનુભવ દરેક નાગરિકને ખરા અર્થમાં થવો જોઈએ.'
જસ્ટિસ ડિલિવરી સિસ્ટમની દૃષ્ટિએ ટોપ-૧૦ રાજ્ય
ક્રમ(૨૦૨૫) રાજ્ય કર્ણાટક, આંધ્રપ્રદેશ, તેલંગાણા, કેરળ, તામિલનાડુ, છત્તીસગઢ, મધ્યપ્રદેશ, ઓડિશા, પંજાબ, મહારાષ્ટ્ર(૪૦.૩)
(10:22 AM IST)
છેલ્લા 8 દિવસમાં સૌથી લોકપ્રિય 
