ટ્રમ્પે પગ ઉપર કુહાડો માર્યોઃ અમેરિકાને જ ભયાનક નુકશાન
ટ્રમ્પ ટેરિફથી ખુદ અમેરિકી ફેડરલ રિઝર્વ હેરાન-પરેશાનઃ મોંઘવારી ફુંફાડા મારશેઃઈકોનોમીની ઘોર ખોદી નાખશેઃ રોજગારી ઉપર સંકટના વાદળો ઘેરાશે : ટેરિફ આ રીતે ઝીંકાશે તેની કલ્પના પણ ન્હોતીઃ ફેડરલ રિઝર્વના પ્રમુખે આર્થિક સંકટ મોઢું ફાડશે તેવી આશંકા દર્શાવી
વોશીંગ્ટન,તા.૧૭: અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પ ફરી એકવાર સમાચારમાં છે. ટ્રમ્પે પહેલાથી જ ટેરિફથી આખી દુનિયાને હચમચાવી દીધી છે. તેમણે ચીન પર ૨૪૫ ટકા ટેરિફ લાદ્યો. હવે ટ્રમ્પ દાવો કરે છે કે ટેરિફ (આયાત ડ્યુટી) થી એટલા પૈસા એકઠા થવાની શકયતા છે કે દેશ આવકવેરા વિના પણ ચલાવી શકાય. તે કહે છે કે આ ૧૮૦૦ ના દાયકામાં બન્યું હતું. બીજી તરફ ચીને અમેરિકા સાથે વેપાર યુદ્ધ પર વાટાઘાટો કરવાનું કહ્યું છે, પરંતુ સન્માનની શરત મૂકી છે. ચીને કહ્યું છે કે જો રાષ્ટ્રપતિ ટ્રમ્પ આદર બતાવે તો તે વાતચીત કરવા તૈયાર છે. ઉપરાંત, ચીન પર ૨૪૫ ટકા ટેરિફ પર, તેમણે કહ્યું કે અમેરિકાએ બ્લેકમેઇલિંગ બંધ કરવું જોઈએ. તે જ સમયે, JPMorgan ના CEO જેમી ડિમોને ટ્રમ્પની ટેરિફ નીતિને અમેરિકાની વૈશ્વિક વિશ્વસનીયતા માટે ખતરનાક ગણાવી છે. આગામી દિવસોમાં અમેરિકાની આર્થિક દિશા શું હશે? આ પ્રશ્ન હવે વિશ્વભરના નેતાઓ અને બજારોના મનમાં છે.યુએસ ફેડરલ રિઝર્વના ચેરમેન જેરોમ પોવેલે ચેતવણી આપી છે કે રાષ્ટ્રપતિ ડોનાલ્ડ ટ્રમ્પના નવા ટેરિફથી યુએસ અર્થતંત્રને ભારે નુકસાન થશે અને સામાન્ય લોકોને માલના વધતા ભાવનો ભોગ બનવું પડશે. બીબીસીના અહેવાલ મુજબ, પોવેલે કહ્યું કે આયાત કર (ટેરિફ) ફેડરલ રિઝર્વના અંદાજ કરતા ઘણા વધારે છે, જે અર્થતંત્રને વધુ ઊંડા સંકટમાં ધકેલી શકે છે. અમેરિકા અને ચીન વચ્ચે વધતા વેપાર યુદ્ધ અને ટેરિફ અનિﾍતિતાએ વૈશ્વિક બજારોમાં ગભરાટ ફેલાવ્યો છે. પોવેલે શિકાગો ઇકોનોમિક ક્લબમાં કહ્યું, આ નીતિઓ એટલી મોટી છે કે તેમની અસરનો અંદાજ લગાવવો મુશ્કેલ છે. સર્વેમાં પણ લોકો અને ઉદ્યોગપતિઓ અર્થતંત્રના સ્વાસ્થ્ય અંગે ડરેલા છે. સીએનએન અનુસાર, પોવેલે ચેતવણી આપી હતી કે, ટેરિફ ફુગાવો વધારશે અને આર્થિક વિકાસને અવરોધશે.
અમેરિકાના રાષ્ટ્રપતિ ડોનાલ્ડ ટ્રમ્પ ઝડપથી ટેરિફ લાદી રહ્યા છે. અગાઉ જે ચિપ અને ફાર્માસ્યુટિકલ ક્ષેત્રોને આમાંથી બાકાત રાખવામાં આવ્યા હતા, તેમની પણ તપાસ શરૂ થઈ ગઈ છે. તે જ સમયે, ચીન પર ટેરિફ વધીને ૨૪૫% થઈ ગયો છે. ટ્રમ્પના આ પગલાથી વિશ્વભરના દેશો જ તણાવમાં નથી, પરંતુ યુએસ ફેડરલ રિઝર્વના વડા પોતે પણ ચિંતિત છે.
સેન્ટ્રલ બેંકના ચેરમેન જેરોમ પોવેલે બુધવારે જણાવ્યું હતું કે જાહેર કરાયેલ ટેરિફનું સ્તર અપેક્ષિત નહોતું. તેમનું કહેવું છે કે ટેરિફને કારણે વધતી અનિﾍતિતા વધુ ઊંડા આર્થિક સંકટ તરફ દોરી શકે છે. જેરોમે તો એમ પણ કહ્યું કે ટ્રમ્પ નીતિઓમાં જે ફેરફારો લાવી રહ્યા છે તે આધુનિક ઇતિહાસમાં કયારેય જોવા મળ્યા નથી.
જેરોમ કહે છે કે કેન્દ્રીય બેંક ફુગાવાના દરને કેવી રીતે નિયંત્રિત કરવો અને આર્થિક વિકાસને કેવી રીતે ટેકો આપવો તે અંગે મૂંઝવણમાં છે. તેમને ડર હતો કે ટેરિફને કારણે, બેંકને તેના લક્ષ્યો પ્રાપ્ત કરવામાં વધુ સમય લાગી શકે છે.
જોકે, સેન્ટ્રલ બેંક હાલમાં દર ઘટાડામાં ઉતાવળ કરવાના મૂડમાં નથી. પોવેલ કહે છે કે હાલ પૂરતું, આપણે ટેરિફની અસર સમજવા માટે થોડો સમય રાહ જોવી જોઈએ અને ત્યારબાદ નીતિગત ફેરફારો અંગે નિર્ણય લેવામાં આવશે.
પોવેલ કહે છે કે ટેરિફથી ફુગાવામાં વધારો થઈ શકે છે, ભલે તે થોડા સમય માટે જ હોય. આ અસરો લાંબા સમય સુધી પણ ચાલુ રહી શકે છે.
સીએનએનના એક અહેવાલમાં નિષ્ણાત અર્થશાષાીઓને ટાંકીને કહેવામાં આવ્યું છે કે ટ્રમ્પના ટેરિફ માત્ર ફુગાવો જ નહીં પરંતુ બેરોજગારી પણ વધારી શકે છે, જ્યારે આર્થિક વિકાસને નુકસાન પહોંચાડી શકે છે. ખાસ કરીને પ્રતિશોધાત્મક ટેરિફ લાદવાથી દેશના અર્થતંત્રને ભારે નુકસાન થઈ શકે છે.
પોતાના પડોશી દેશો મેક્સિકો અને કેનેડા પર ૨૫% ટેરિફ લાદવાની શરૂઆત કરીને, ટ્રમ્પે સૌપ્રથમ ભારત સહિત વિશ્વભરના ૬૦ દેશો પર અલગ અલગ દરે ટેરિફ લાદ્યા અને ખાસ કરીને ચીન પર બદલો લેવાના ટેરિફના હુમલાને વધુ તીવ્ર બનાવ્યો. હાલમાં પણ ચીનથી થતી આયાત પર ૨૪૫% ટેરિફની જાહેરાત કરવામાં આવી છે.
અમેરિકાની કાર્યવાહીના જવાબમાં, ચીને ૬ પ્રકારની ભારે દુર્લભ પળથ્વી ધાતુઓ અને દુર્લભ પળથ્વી ચુંબકઁની નિકાસ પર પ્રતિબંધ મૂકયો છે. આનાથી વૈશ્વિક સપ્લાય ચેઇન પર અસર પડી શકે છે. આ અંગે અમેરિકાએ ચીન પર આરોપ લગાવ્યો છે કે તે સૈન્ય, અવકાશ અને સેમિકન્ડક્ટર ઉદ્યોગો માટે ખૂબ જ મહત્વપૂર્ણ કેટલીક આવશ્યક હાઇ-ટેક સામગ્રીના પુરવઠાને જાણી જોઈને મર્યાદિત કરી રહ્યું છે.(૪૦.૧૬)
(10:50 AM IST)
છેલ્લા 8 દિવસમાં સૌથી લોકપ્રિય 
