સાસુ ઘરેલુ હિંસાના કાયદા હેઠળ તેની પુત્રવધુ વિરૂધ્ધ ફરિયાદ નોંધાવી શકે
અલ્હાબાદ હાઇકોર્ટનો મહત્વનો ચુકાદો સ્મૃતિ ગરિમા અને અન્ય વિરૂધ્ધ ઉત્તરપ્રદેશ રાજયના નામે આ કેસ દાખલ કરાયો હતો : પુત્રવધુએ નીચલી અદાલતના સમન્સને પડકાર્યો હતો
નવી દિલ્હી, તા.૧૭: તમે ઘણીવાર વર્ષના ત્રાસ વિશે વાતો સાંભળી અને જોઈ હશે. પરંતુ તાજેતરમાં અલ્હાબાદ હાઈકોર્ટમાં એક કેસ નોંધવામાં આવ્યો હતો જેમાં એક સાસુએ તેની પુત્રવધૂ સામે ઘરેલુ હિંસાની ફરિયાદ કરી છે. આ કેસમાં સુનાવણી યોજાઈ હતી. સુનાવણી દરમિયાન એ પ્રશ્ન પણ ઉઠ્યો કે શું સાસુ પોતાની પુત્રવધૂ વિરુદ્ધ આવો કેસ દાખલ કરી શકે છે? આ મામલાની સુનાવણી કરતી વખતે કોર્ટે તેને મંજૂરી આપી.
એક મહત્વપૂર્ણ નિર્ણયમાં, હાઈકોર્ટે કહ્યું છે કે સાસુ પણ ઘરેલુ હિંસા અધિનિયમ, ૨૦૦૫ હેઠળ તેની પુત્રવધૂ વિરુદ્ધ ફરિયાદ નોંધાવી શકે છે. ન્યાયાધીશ આલોક માથુરે આ ચુકાદો આપ્યો હતો, જેમણે પુત્રવધૂ અને તેના પરિવાર વિરુદ્ધ લખનૌની નીચલી અદાલત દ્વારા જારી કરાયેલા સમન્સને સમર્થન આપ્યું હતું.
આ કેસ ‘સ્મળતિ ગરિમા અને અન્ય વિરુદ્ધ ઉત્તર પ્રદેશ રાજ્ય'ના નામે દાખલ કરવામાં આવ્યો હતો, જેમાં પુત્રવધૂ અને તેના પરિવારે નીચલી અદાલત દ્વારા જારી કરાયેલા સમન્સને પડકાર્યો હતો.
અલ્હાબાદ હાઈકોર્ટે જણાવ્યું હતું કે કાયદાની કલમ ૧૨ હેઠળ રાહત માટે અરજી કોઈપણ મહિલા દ્વારા દાખલ કરી શકાય છે જે ઘરેલુ સંબંધમાં સહિયારા ઘરમાં રહેતી હોય અને પીડિત હોય. કોર્ટે કહ્યું, જો સાસુને તેની પુત્રવધૂ અથવા પરિવારના અન્ય કોઈ સભ્ય દ્વારા માનસિક અથવા શારીરિક ત્રાસ આપવામાં આવે છે, તો તે પણ પીડિત મહિલાની વ્યાખ્યામાં આવશે અને તેને કાયદાની કલમ ૧૨ હેઠળ અરજી દાખલ કરવાનો અધિકાર છે.
મૂળ ફરિયાદમાં, સાસુએ આરોપ લગાવ્યો હતો કે પુત્રવધૂ તેના પતિ (ફરિયાદીના પુત્ર) પર તેના માતાપિતાના ઘરે રહેવા માટે દબાણ કરી રહી હતી. આ ઉપરાંત, પુત્રવધૂ પર તેના સાસરિયાઓ સાથે ગેરવર્તન કરવાનો અને તેમને ખોટા કેસમાં ફસાવવાની ધમકી આપવાનો પણ આરોપ હતો. તે જ સમયે, પુત્રવધૂના વકીલે કોર્ટમાં દલીલ કરી હતી કે પુત્રવધૂ દ્વારા દાખલ કરાયેલા દહેજ ઉત્પીડન અને ઘરેલુ હિંસાના કેસના જવાબમાં બદલો લેવા માટે આ ફરિયાદ કરવામાં આવી છે.
કોર્ટે કહ્યું, બંને પક્ષોની દલીલો સાંભળ્યા પછી, કોર્ટે કહ્યું કે સાસુ દ્વારા દાખલ કરવામાં આવેલી ફરિયાદમાં ઘરેલુ હિંસા કાયદાની કલમ ૧૨ હેઠળ પ્રથમ દ્રષ્ટિએ કેસ બને છે અને તેથી ટ્રાયલ કોર્ટ દ્વારા જારી કરાયેલ સમન્સ માન્ય છે. કલમ ૨(f), ૨(s) અને કલમ ૧૨ એકસાથે વાંચવાથી સ્પષ્ટ થાય છે કે કોઈપણ મહિલા જે પ્રતિવાદી સાથે ઘરેલુ સંબંધમાં સહિયારા ઘરમાં રહેતી હોય તેને પીડિત મહિલા તરીકે ગણવામાં આવશે
(3:10 PM IST)
છેલ્લા 8 દિવસમાં સૌથી લોકપ્રિય 
