જમ્મુ-કાશ્મીર સંપૂર્ણ બંધઃ મહેબૂબા મુફતી, જમ્મુ ચેમ્બર ઓફ કોમર્સનું બંધને સમર્થન
પહેલગામ હત્યાકાંડનો માસ્ટરમાઇન્ડ પાકિસ્તાન આર્મીનો અસીમ મુનીરઃ ભારત સરકાર ભુક્કા બોલાવી દે તેવા પગલાં લેવાની તૈયારીમાં: ધ રેઝિસ્ટન્સ ફ્રન્ટ (ટી આર એફ) આતંકી જૂથના નેતા ગુલેને આ હુમલાનું આયોજન કર્યુઃ પાકિસ્તાન આર્મી અને આઈએસઆઈની સંડોવણી
શ્રીનગર,તા.૨૩: જમ્મુ-કાશ્મીરના પહેલગામમાં મંગળવારે થયેલા ભયાનક આતંકી હુમલાને પહેલગામ હત્યાકાંડ તરીકે ઓળખવામાં આવી રહ્યો છે. આ હુમલામાં ૨૮થી વધુ નિર્દોષ પર્યટકો અને સ્થાનિક નાગરિકોનાં મોત થયાં છે, જેમાં ઇઝરાયેલ અને ઇટાલીના વિદેશી નાગરિકોનો પણ સમાવેશ થાય છે. આ હુમલાનો માસ્ટરમાઇન્ડ પાકિસ્તાન આર્મીના ચીફ જનરલ અસીમ મુનીર હોવાનો ગંભીર આક્ષેપ લગાવવામાં આવી રહ્યો છે. ભારત સરકારે આ હુમલાને પાકિસ્તાન આર્મી અને તેની ગુપ્તચર એજન્સી ISIની યોજના ગણાવી, કડક કાર્યવાહીની ચીમકી આપી છે.
પહેલગામના બાઈસરન વેલી (જેન મિની સ્વિટ્ઝર્લેન્ડ તરીકે પણ ઓળખવામાં આવે છે)માં આતંકવાદીઓએ પર્યટકોના જૂથ પર અંધાધૂંધ ગોળીબાર કર્યો. આ હુમલામાં ઓટોમેટિક રાઇફલ્સ અને નાનાં હથિયારોનો ઉપયોગ કરવામાં આવ્યો. સૂત્રો અનુસાર, આતંકવાદીઓએ પર્યટકોને નિશાન બનાવતા પહેલાં તેમની ઓળખ તપાસી અને ખાસ કરીને બિન-મુસ્લિમ પર્યટકોને ટાર્ગેટ કર્યા. આ હુમલામાં ઓડિશા, તમિલનાડુ, ગુજરાત, કર્ણાટક અને મહારાષ્ટ્રના પર્યટકો ઉપરાંત એક નેવી ઓફિસર અને ઇન્ટેલિજન્સ બ્યુરોના અધિકારીનું પણ મૃત્યુ થયું છે.
ભારતીય ગળહ મંત્રાલયના સૂત્રો અનુસાર, આ હુમલો પાકિસ્તાન આર્મી અને આઈએસઆઈની હિન કક્ષાની યોજનાનો ભાગ છે, જેમાં પ્રતિબંધિત આતંકી સંગઠનો લશ્કર-એ-તૈયબા અને જૈશ-એ-મોહમ્મદનો ઉપયોગ કરવામાં આવ્યો. આ હુમલાની જવાબદારી ધ રેઝિસ્ટન્સ ફ્રન્ટ (ટી આર એફ) નામના આતંકી જૂથે લીધી છે, જે લશ્કર-એ-તૈયબાનું જ એક પેટા-જૂથ છે. ટીઆરએફ ના નેતા ગુલને આ હુમલાનું આયોજન કર્યું હોવાનું મનાય છે.
આ હુમલો પાકિસ્તાનના આર્મી ચીફ જનરલ અસીમ મુનીરની તાજેતરની ભડકાઉ ટિપ્પણીઓ અને ટુ-નેશન થિયરીને ફરીથી ઉછાળવાના પ્રયાસો સાથે જોડાયેલો હોવાનું મનાય છે. સોશિયલ મીડિયા પ્લેટફોર્મ પર ઘણા યૂઝર્સે આક્ષેપ કર્યો છે કે મુનીરના ભાષણથી આતંકવાદીઓને ઉશ્કેરવામાં આવ્યા, જેનું પરિણામ પહેલગામ હુમલા તરીકે સામે આવ્યું.
જમ્મુ-કાશ્મીરના મુખ્યમંત્રી ઓમર અબ્દુલ્લાએ આ હુમલાને જાનવર સ્વભાવનું ગણાવીને તેની નિંદા કરી અને કહ્યું કે આ હુમલો તાજેતરના વર્ષોમાં નાગરિકો પર થયેલો સૌથી મોટો હુમલો છે.
પહેલગામ હુમલાના વિરોધમાં આજે જમ્મુ-કાશ્મીરમાં સંપૂર્ણ બંધનું એલાન કરવામાં આવ્યું છે. પીડીપી નેતા મહેબૂબા મુફ્તી, જમ્મુ ચેમ્બર ઓફ કોમર્સ એન્ડ ઇન્ડસ્ટ્રી અને અન્ય સંગઠનોએ આ બંધને સમર્થન આપ્યું છે.
સુરક્ષા નિષ્ણાતોનું માનવું છે કે આ હુમલો પાકિસ્તાનની આંતરિક અને આર્થિક સમસ્યાઓથી ધ્યાન હટાવવા અને કાશ્મીરમાં શાંતિના તાજેતરના તબક્કાને ખલેલ પહોંચાડવાનો પાકિસ્તાનનો પ્રયાસ છે.
સોશિયલ મીડિયા પર લોકો આ હુમલા માટે પાકિસ્તાન આર્મી અને ISIને જવાબદાર ઠેરવી રહ્યા છે અને ભારત સરકાર પાસે કડક કાર્યવાહીની માગ કરી રહ્યા છે. ડોડામાં આ હુમલાના વિરોધમાં પ્રદર્શનો થયા છે.
ભારત સરકારે વચન આપ્યું છે કે આ હુમલાના ગુનેગારોને શોધી કાઢવામાં આવશે અને તેમને સજા કરવામાં આવશે. ભારતીય સેના અને જમ્મુ-કાશ્મીર પોલીસે બૈસરણ વિસ્તારમાં સંયુક્ત શોધ ઓપરેશન શરૂ કર્યું છે.(૪૦.૨૧)
(11:32 AM IST)
છેલ્લા 8 દિવસમાં સૌથી લોકપ્રિય 
