તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Thursday, 24th April 2025
ભારત બાલાકોટ કરતા પણ વધુ ખતરનાક કાર્યવાહી કરશેઃ પાકિસ્તાની વાયુસેના પણ એલર્ટ પર
સરહદ પારથી આવવા લાગ્યા સંકેતો...ભારત પાકિસ્તાનને જવાબ આપવા મોટી કાર્યવાહી કરશે

નવી દિલ્હી, તા.૨૪: પહેલગામ આતંકવાદી હુમલા બાદ ભારત અને પાકિસ્તાન વચ્ચેના સંબંધો ફરી એકવાર ખૂબ જ ખરાબ થઈ ગયા છે. આ અંગે ભારતે હવે એક કડક નિર્ણય લીધો છે અને અટારી સરહદ બંધ કરી દીધી છે. રાજદ્વારી સંબંધોમાં નોંધપાત્ર ઘટાડો થયો છે. સિંધુ જળ સંધિ સ્થગિત કરવામાં આવી છે. એવું માનવામાં આવે છે કે ભારત પાકિસ્તાનને જવાબ આપવા માટે મોટી કાર્યવાહી કરશે.
પહેલગામમાં થયેલા આતંકી હુમલા બાદ પાકિસ્તાનમાં ભારે બેચેની જોવા મળી રહી છે. તેને ભારત તરફથી વધુ એક એરસ્ટ્રાઈકનો ડર છે. ડરનો માહોલ એટલો બધો છે કે આ વખતે બાલાકોટથી પણ વધુ ખતરનાક કાર્યવાહી કરવામાં આવશે તેવું કહેવામાં આવી રહ્યું છે. ૨૦૧૯ માં પુલવામા આતંકવાદી હુમલા પછી, ભારત સરકારે પાકિસ્તાન પર હવાઈ હુમલો કર્યો અને સરહદ પારના વિસ્તારમાં ઘણી તબાહી મચાવી. હવે ફરી એકવાર પાકિસ્તાનમાં આતંકનો માહોલ છે. ત્યાં પાકિસ્તાની સેના એલર્ટ મોડમાં છે, તેથી વિપક્ષી પક્ષો એકતા બતાવવાનો પ્રયાસ કરી રહ્યા છે.
આતંકવાદી હુમલા બાદ મોદી સરકારે પાકિસ્તાન વિરુદ્ધ કાર્યવાહી કરીને ઘણા મોટા નિર્ણયો લીધા છે. મોદી સરકારે પાકિસ્તાન સાથે મોટા પાયે રાજદ્વારી સંબંધો ઘટાડીને તેને કડક સંદેશ આપ્યો અને સિંધુ જળ સંધિ સ્થગિત કરવાની અને અટારી ચેકપોસ્ટ બંધ કરવાની પણ જાહેરાત કરી.
ભારત સરકારના વલણને જોઈને પડોશી દેશમાં ઘણું દબાણ જોવા મળી રહ્યું છે. પાકિસ્તાનના સંરક્ષણ પ્રધાન ખ્વાજા આસિફ પણ ભારત તરફથી કોઈપણ સંભવિત કાર્યવાહી અંગે સતર્ક છે. તેમનું કહેવું છે કે તેમનો દેશ કોઈપણ હુમલાનો જવાબ આપવા માટે હંમેશા હાઈ એલર્ટ પર છે. હવાઈ હુમલા અંગે તેમણે કહ્યું કે દેશના સશષા દળો ભારત તરફથી કોઈપણ સંભવિત કાર્યવાહી માટે તૈયાર છે. આપણું વાયુસેના પણ એલર્ટ પર છે. અમે બચાવ માટે સંપૂર્ણપણે તૈયાર છીએ.
ખ્વાજા આસિફે ભારત પર આરોપ લગાવતા કહ્યું કે જો ભારત અમારી સામે કોઈ પ્રતિકૂળ કાર્યવાહી કરશે તો પાકિસ્તાન જવાબ આપવામાં અચકાશે નહીં. તેમણે એ પણ સ્પષ્ટતા કરી કે સિંધુ જળ સંધિ, જેમાં વિશ્વ બેંક પણ ગેરંટી આપનાર છે, તે ભારતને એકપક્ષીય નિર્ણયો લેવાની મંજૂરી આપતી નથી.
ભારતના સંભવિત હવાઈ હુમલા અંગે પાકિસ્તાનના સંરક્ષણ પ્રધાન ખ્વાજા આસિફે કહ્યું કે અમે પાડોશી દેશની કોઈપણ કાર્યવાહીનો કડક જવાબ આપવા માટે તૈયાર છીએ. અમે ભારતની હિંમતનો એ જ રીતે જવાબ આપીશું જે રીતે અભિનંદન કેસમાં આપ્યો હતો. જો ભારત આવી કોઈ કાર્યવાહી કરશે તો અમે યોગ્ય જવાબ આપીશું.
બીજી તરફ, પાકિસ્તાનના નાયબ વડા પ્રધાન અને વિદેશ પ્રધાન ઇશાક ડારે ભારત સરકાર દ્વારા લેવામાં આવેલી કાર્યવાહીને અયોગ્ય ગણાવી અને કહ્યું કે અમે તેનો જવાબ આપીશું. ડારે એમ પણ કહ્યું કે આજે ગુરુવારે રાષ્ટ્રીય સુરક્ષા સમિતિની બેઠક બોલાવવામાં આવી છે.
પાકિસ્તાનના ભૂતપૂર્વ રાજદૂત અબ્દુલ બાસિતે પણ ભારત તરફથી હવાઈ હુમલા અંગે ચેતવણી આપી હતી. બાસિતે કહ્યું, આ સમયે હું જોઈ રહ્યો છું કે થોડા દિવસો પછી બાલાકોટ કરતા પણ મોટી એર સ્ટ્રાઈક કરવામાં આવશે, મામલો અહીં અટકશે નહીં, ભારત પાકિસ્તાન વિરૂદ્ધ થોડીક કાર્યવાહી કરશે. હુમલા બાદ કોઈ મોટી કાર્યવાહીને લઈને પાકિસ્તાન પણ બોર્ડર પર એલર્ટ પર છે. સેનાની ૧૦ કોર્પ્સ છે જે સમગ્ર પાકિસ્તાન અધિકળત કાશ્મીર માટે જવાબદાર છે. તેણે ત્યાં પોતાના સૈનિકોની તૈનાતી વધારી દીધી છે. સેનાની હિલચાલ વધી છે.
પહેલગામ આતંકવાદી હુમલા બાદ ભારત સરકારે કરેલી કાર્યવાહી અંગે પાકિસ્તાની લોકોમાં ભયનું વાતાવરણ છે. એક દિવસ પહેલા, ઇમરાન ખાનના પીટીઆઈ નેતા અને ભૂતપૂર્વ મંત્રી ચૌધરી ફવાદ હુસૈને પણ આ અંગે ચિંતા વ્યક્ત કરી હતી.
તેમણે સોશિયલ મીડિયા પ્લેટફોર્મ X પર લખ્યું, પાકિસ્તાનીઓ રાજકીય રીતે વિભાજિત થઈ શકે છે, પરંતુ આપણે એક દેશ તરીકે એક છીએ. જો ભારત તરફથી કોઈ હુમલો કે ખતરો આવશે, તો બધા રાજકીય પક્ષો પોતાના દેશની રક્ષા માટે પાકિસ્તાની ધ્વજ નીચે એક થશે. (રર.૪)
(10:50 AM IST)









છેલ્લા 8 દિવસમાં સૌથી લોકપ્રિય 
