તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Thursday, 24th April 2025
પહેલગામ હુમલા બાદ ઉધમપુરમાં આતંકવાદીઓ સાથે અથડામણ : એક જવાન શહીદ
જમ્મુ કાશ્મીરમાં છેલ્લા 24 કલાકમાં સુરક્ષા દળો અને આતંકવાદીઓ વચ્ચે ત્રીજી અથડામણ : કુલગામ અને ઉરી સેક્ટરમાં પણ અથડામણો થઈ

શ્રીનગર: પહેલગામમાં થયેલા ભયાનક આતંકવાદી હુમલા બાદ જમ્મુ કાશ્મીરના ઉધમપુર જિલ્લાના ડુડુ બસંતગઢ વિસ્તારમાં આતંકવાદીઓ અને સુરક્ષા દળો વચ્ચે અથડામણ ચાલી રહી છે. આ અથડામણમાં એક જવાન શહીદ થયો હોવાના સમાચાર છે. છેલ્લા 24 કલાકમાં જમ્મુ કાશ્મીરમાં સુરક્ષા દળો અને આતંકવાદીઓ વચ્ચે આ ત્રીજી અથડામણ છે.
સૂત્રોના જણાવ્યા અનુસાર, ઉધમપુરના ડુડુ બસંતગઢમાં સુરક્ષા દળોએ આતંકવાદીઓને ઘેરી લીધા છે. આ પહેલાં, 23 એપ્રિલના રોજ કુલગામના તંગમર્ગ વિસ્તારમાં આતંકવાદીઓ અને સુરક્ષા દળો વચ્ચે અથડામણ થઈ હતી. આ વિસ્તારમાં આતંકવાદીઓ એક ઘરમાં છુપાયેલા હતા. તે જ દિવસે, 23 એપ્રિલની સવારે બારામુલાના ઉરી સેક્ટરમાં LOC નજીક સેનાએ ઘૂસણખોરીનો પ્રયાસ કરી રહેલા 2 આતંકવાદીઓને ઠાર માર્યા હતા.
પહેલગામમાં પ્રવાસીઓ પર થયેલા હુમલા બાદ સુરક્ષા દળો દ્વારા રાજ્યમાં આતંકવાદીઓ સામે કાર્યવાહી વધુ તીવ્ર કરવામાં આવી છે. ઉધમપુરમાં ચાલી રહેલી અથડામણ અંગે વધુ વિગતો હજુ સુધી પ્રાપ્ત થઈ નથી, પરંતુ સુરક્ષા દળોએ વિસ્તારને ઘેરી લીધો છે અને આતંકવાદીઓને પકડવાના પ્રયાસો ચાલુ છે. જમ્મુ કાશ્મીરમાં એક જ દિવસમાં ત્રણ અથડામણો થતાં વિસ્તારમાં તણાવનું વાતાવરણ સર્જાયું છે.
(11:00 AM IST)









છેલ્લા 8 દિવસમાં સૌથી લોકપ્રિય 
