<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Thursday, 24th April 2025

પાણી રોકશો તો લોહી વ્‍હેશેઃ હરામખોર હાફિઝ દરમાંથી બહાર આવ્‍યોઃ કરી મૂકી કાગારોળ

ભારતે સિંધુ જળ સંધિ તોડતા પેટમાં દુઃખાવો ઉપડયો

ઈસ્‍લામાબાદ,તા.૨૪: ભારતે સિંધુ જળ સંધિ સ્‍થગિત કરવાની વાત કરતા જ પાકિસ્‍તાનીઓ ગભરાઈ ગયા. પાકિસ્‍તાનીઓ ભારતને ધમકી આપવા માટે એક જૂના વીડિયોનો ઉપયોગ કરી રહ્યા છે, જેનાથી તેમનો પર્દાફાશ થયો છે. કુખ્‍યાત આતંકવાદી નેતા હાફિઝ સઈદનો એક જૂનો વીડિયો વાયરલ થઈ રહ્યો છે. હાફિઝના વીડિયોનો હથિયાર તરીકે ઉપયોગ કરીને, પાકિસ્‍તાની ગુપ્તચર એજન્‍સી ત્‍લ્‍ત્‍ ખુલ્લેઆમ ભારતને ધમકી આપી રહી છે. વીડિયોમાં હાફિઝ સઈદ વડા-ધાન નરેન્‍દ્ર મોદીના નામે ઝેર ઓકતો જોવા મળી રહ્યો છે. આમાં તેઓ કહે છે કે જો ભારત પાણી રોકે છે, તો નદીઓમાં લોહી વહેશે. આ ધમકી એવા સમયે આવી છે જ્‍યારે પહેલગામમાં થયેલા આતંકવાદી હુમલા બાદ ભારતે પાકિસ્‍તાન પર કડક પ્રતિબંધો લાદ્યા હતા, જેમાં સિંધુ જળ સંધિ પર પ્રતિબંધ પણ શામેલ છે.

પાકિસ્‍તાની ગુપ્તચર એજન્‍સીએ સોશિયલ મીડિયા પર હાફિઝ સઈદનો એક જૂનો વીડિયો વાયરલ કર્યો છે, જેમાં તે ભારત વિરુદ્ધ ઝેર ઓકતો જોવા મળી રહ્યો છે. વીડિયોમાં હાફિઝ સઈદ કહે છે, તમે કહો છો કે તમે પાકિસ્‍તાનનું પાણી રોકી દેશો, કાશ્‍મીરમાં બંધ બનાવીને પાણી રોકી દેશો, તમે પાકિસ્‍તાનનો નાશ કરવા માંગો છો, તમે CPEC ની યોજનાઓને નિષ્‍ફળ બનાવવા માંગો છો. જો તમે પાણી બંધ કરશો, તો અમે તમારા શ્વાસ કાપી નાખીશું. આ નદીઓમાં ફરી લોહી વહેશે. તે એમ પણ કહે છે કે પીએમ મોદી ઢાકામાં ઉભા રહીને કહી રહ્યા છે કે તેમણે બાંગ્‍લાદેશ બનાવવા માટે લોહી વહેવડાવ્‍યું હતું અને હાફિઝ સઈદને ચૂપ રાખવા માટે ઇસ્‍લામાબાદ પર દબાણ લાવી રહ્યા છે.

જૂનો વીડિયો વાયરલ

થઈ રહ્યો છે

આ વીડિયો જૂનો હોવા છતાં, વર્તમાન પરિસ્‍થિતિમાં તેને વાયરલ કરવો એ પાકિસ્‍તાનના નવા ષડયંત્રનો ભાગ માનવામાં આવી રહ્યો છે. આ વીડિયો દ્વારા પાકિસ્‍તાન ભારતને ઉશ્‍કેરવાનો અને જમ્‍મુ-કાશ્‍મીરમાં અશાંતિ ફેલાવવાનો પ્રયાસ કરી રહ્યું છે. હાફિઝ સઈદની ધમકી કે જો પાણી બંધ થશે તો લોહી વહેશે આગામી દિવસોમાં કાશ્‍મીરમાં વધુ આતંકવાદી હુમલાઓની શકયતા ઉભી કરે છે.

પહેલગામ હુમલા બાદ

ભારતનું કડક વલણ

મંગળવારે પહેલગામમાં થયેલા આતંકવાદી હુમલામાં ૨૬ લોકો માર્યા ગયા હતા. આ પછી ભારતે પાકિસ્‍તાન સામે કડક વલણ અપનાવ્‍યું. સુરક્ષા સમિતિની બેઠક પછી, ભારતે અનેક પ્રતિબંધોની જાહેરાત કરી, જેમાંથી સૌથી મહત્‍વપૂર્ણ સિંધુ જળ સંધિ પર પ્રતિબંધ છે. આ કરાર હેઠળ, ભારત અને પાકિસ્‍તાન વચ્‍ચે છ નદીઓના પાણીની વહેંચણીનું સંચાલન કરવામાં આવે છે. ભારતના આ નિર્ણયનો અર્થ એ છે કે હવે પાકિસ્‍તાનને નદીઓના પાણીના પ્રવાહ અને સંબંધિત ડેટા વિશે માહિતી મળશે નહીં. આનાથી પાકિસ્‍તાનની કળષિ અને અર્થવ્‍યવસ્‍થા પર ઊંડી અસર પડી શકે છે, કારણ કે તે આ નદીઓ પર ખૂબ નિર્ભર છે.

 

(11:40 AM IST)