News of Thursday, 24th April 2025
પહેલગામ હુમલાના મૃતકના ડોંબિવલીના ત્રણ કઝિનના ઘરે પહોંચી NIA ટીમ :પરિવારજનોની પૂછપરછ કરાઈ
એનઆઇએની ચાર સભ્યની ટીમ ડોંબિવલી પશ્ચિમમાં અતુલ મોને, હેમંત સુભાષ જોશી અને સંજય લક્ષ્મણ લેલેના ઘરે ગઇ

મુંબઈ: પહલગામમાં આતંકવાદીઓએ પર્યટકો પર કરેલા હુમલામાં મૃત્યુ પામેલા ડોંબિવલીના ત્રણ કઝિનના ઘરે નેશનલ ઇન્વેસ્ટિગેશન એજન્સી (એનઆઇએ)ની ટીમ પહોંચી હતી અને તેમના પરિવારજનોની પૂછપરછ કરી હતી.
કાશ્મીરના અનંતનાગ જિલ્લામાં પહલગામ ખાતે મંગળવારે બપોરે આતંકવાદીઓએ કરેલા હુમલામાં 26 લોકોએ જીવ ગુમાવ્યા હતા અને અનેક લોકો ઘાયલ થયા હતા.
એનઆઇએની ચાર સભ્યની ટીમ ગુરુવારે ડોંબિવલી પશ્ચિમમાં અતુલ મોને, હેમંત સુભાષ જોશી અને સંજય લક્ષ્મણ લેલેના ઘરે ગઇ હતી. એનઆઇએની ટીમે ત્રણેય મૃતકોના પરિવારજનો સાથે વાતચીત કરી હતી.
ત્રણેય કઝિનના મૃતદેહને બુધવારે સાંજે ડોંબિવલીમાં લાવવામાં આવ્યા હતા અને બાદમાં તેમના અંતિમસંસ્કાર કરવામાં આવ્યા હતા. એનઆઇએ આતંકવાદી હુમલાની તપાસમાં જમ્મુ-કાશ્મીર પોલીસને સહાય પૂરી પાડી રહી છે.
(10:06 PM IST)









છેલ્લા 8 દિવસમાં સૌથી લોકપ્રિય 
