નવી દિલ્હી :પ્રોવિડન્ટ ફંડ ઓર્ગેનાઇઝેશન (EPFO) એ એકાઉન્ટ ટ્રાન્સફરના નિયમો સરળ બનાવ્યા છે, જેના પછી હવે કર્મચારીઓને પૈસા ઉપાડવામાં કે એકાઉન્ટ ટ્રાન્સફર કરવામાં કોઈ સમસ્યા નહીં થાય અને 1.25 કરોડથી વધુ સભ્યોને આનો લાભ મળવાની અપેક્ષા છે.

PF કર્મચારીઓને ઘણીવાર એકાઉન્ટ ટ્રાન્સફર સંબંધિત સમસ્યાઓનો સામનો કરવો પડતો હતો. કોઈપણ નવી નોકરીમાં જોડાવા પર તેમને આ કામ કરવું પડતું હતું, પરંતુ હવે EPFO એ એક મોટા સુધારા હેઠળ ફોર્મ 13 સોફ્ટવેરની કાર્યક્ષમતામાં સુધારો કર્યો છે.

EPFOએ મોટાભાગના ટ્રાન્સફર કેસોમાં નોકરીદાતાની મંજૂરીની જરૂરિયાતને દૂર કરી દીધી છે. આ નિયમ જાન્યુઆરી 2025 થી અસરકારક માનવામાં આવશે. કર્મચારીઓ નોકરી બદલતી વખતે PF ટ્રાન્સફર ખૂબ સરળ બની ગયું છે. આ અપડેટ વધુ વપરાશકર્તાઓ માટે પીએફ એકાઉન્ટ મેનેજમેન્ટને સરળ બનાવવાના વ્યાપક પ્રયાસનો એક ભાગ છે.

એકવાર ટ્રાન્સફર ક્લેમ સોર્સ ઓફિસ દ્વારા મંજૂર થઈ જાય પછી પીએફ એકાઉન્ટ હવે ડેસ્ટિનેશન ઓફિસમાં કર્મચારીના ખાતામાં આપમેળે જમા થઈ જશે. આ ફેરફારથી પીએફ ટ્રાન્સફરમાં લાગતા સમયમાં ભારે ઘટાડો થવાની અપેક્ષા છે. પ્રક્રિયાને સરળ બનાવવાની સાથે સુધારેલ સોફ્ટવેર કરપાત્ર અને બિન-કરપાત્ર પીએફ વિશે પણ માહિતી આપે છે. તે ટીડીએસની સચોટ ગણતરી કરવામાં મદદ કરે છે.

અગાઉ પીએફ બેલેન્સ ટ્રાન્સફર કરવા માટે સોર્સ અને ડેસ્ટિનેશન EPFO ઓફિસ વચ્ચે સંકલનની જરૂર હતી, જેના કારણે ઘણીવાર નોંધપાત્ર વિલંબ થતો હતો. નવી સિસ્ટમ હેઠળ એકવાર ટ્રાન્સફર ક્લેમ સોર્સ ઓફિસ દ્વારા મંજૂર થઈ જાય, પછી સભ્યનું જૂનું પીએફ એકાઉન્ટ ડેસ્ટિનેશન ઓફિસમાં નવા ખાતા સાથે આપમેળે મર્જ થઈ જશે, જેનાથી પ્રોસેસિંગ સમય ઓછો થશે અને કાર્યક્ષમતામાં સુધારો થશે.

નવી સિસ્ટમ હવે કરપાત્ર અને બિન-કરપાત્ર પીએફ બચતને અલગ કરે છે. આ વિભાગ વ્યાજ આવક પર સચોટ TDS કપાત સુનિશ્ચિત કરવામાં મદદ કરશે, જે સભ્યો માટે લાંબા સમયથી ચાલતી સમસ્યાનું નિરાકરણ લાવશે. EPFOનો અંદાજ છે કે સુધારેલી પ્રક્રિયા દર વર્ષે લગભગ 90 હજાર કરોડ રૂપિયાનું ભંડોળ ટ્રાન્સફર શક્ય બનાવશે.

બીજા ફેરફાર હેઠળ EPFO એ એક નવી સુવિધા રજૂ કરી છે, જેના હેઠળ કર્મચારીઓને તાત્કાલિક આધાર લિંક કરવાની જરૂર વગર મોટી સંખ્યામાં યુનિવર્સલ એકાઉન્ટ નંબર્સ (UAN) જનરેટ કરવામાં આવ્યા છે, જે નોકરીદાતાઓને વધુ સુગમતા આપશે.