નવી દિલ્‍હી, તા.૨૮: જમ્‍મુ અને કાશ્‍મીરના પહેલગામમાં થયેલા આતંકવાદી હુમલા બાદ નિયંત્રણ રેખા (LoC) પર તણાવ વધી ગયો છે. પાકિસ્‍તાન દ્વારા વારંવાર યુદ્ધવિરામનું ઉલ્લંઘન કરવામાં આવી રહ્યું છે અને નિયંત્રણ રેખા પર ગોળીબાર કરવામાં આવી રહ્યો છે. પાકિસ્‍તાને સતત ચોથી રાત્રે ગોળીબાર ચાલુ રાખ્‍યો. ૨૭-૨૮ એપ્રિલની રાત્રે, પાકિસ્‍તાની સેનાની ચોકીઓએ કુપવાડા અને પૂંછ જિલ્લાના નજીકના વિસ્‍તારોમાં નિયંત્રણ રેખા પર નાના હથિયારોથી ગોળીબાર શરૂ કર્યો. ભારતીય સૈનિકોએ ઝડપી અને અસરકારક રીતે જવાબ આપ્‍યો છે.

આ પહેલા, ત્રીજી રાત્રે પણ ગોળીબાર ચાલુ રહ્યો. ૨૬-૨૭ એપ્રિલની રાત્રે, પાકિસ્‍તાની સેનાની ચોકીઓએ તુટમારી ગલી અને રામપુર સેક્‍ટરના વિરુદ્ધ વિસ્‍તારોમાં નિયંત્રણ રેખા પર કોઈ ઉશ્‍કેરણી વિના નાના હથિયારોથી ગોળીબાર શરૂ કર્યો. ભારતીય સૈનિકોએ નાના હથિયારોથી અસરકારક રીતે જવાબ આપ્‍યો.

પાકિસ્‍તાન ઉશ્‍કેરણી વિના ગોળીબાર કરી રહ્યું છે

સત્તાવાર સૂત્રોના જણાવ્‍યા અનુસાર, પાકિસ્‍તાની સેનાએ ૨૫-૨૬ એપ્રિલની રાત્રે તેની ઘણી ચોકીઓ પરથી નાના હથિયારોથી કોઈ ઉશ્‍કેરણી વિના ગોળીબાર શરૂ કર્યો હતો. આ ઘટના આખી રાત ચાલુ રહી અને પાકિસ્‍તાન તરફથી અનેક જગ્‍યાએથી ગોળીબાર થયો. ભારતીય સેનાએ પાકિસ્‍તાનને અસરકારક રીતે જવાબ આપ્‍યો છે. બંને પક્ષે હજુ સુધી કોઈ જાનહાનિના અહેવાલ નથી.

૨૪ એપ્રિલની રાત્રે પણ પાકિસ્‍તાને ગોળીબાર કર્યો હતો

આ પહેલા ૨૪ એપ્રિલે પણ પાકિસ્‍તાને કોઈપણ ઉશ્‍કેરણી વિના LoC પર ગોળીબાર કર્યો હતો. સૂત્રોના જણાવ્‍યા અનુસાર, પાકિસ્‍તાની સેનાએ નિયંત્રણ રેખા પર તેની ઘણી ચોકીઓ પરથી ગોળીબાર કર્યો હતો. પાકિસ્‍તાન તરફથી નાના હથિયારોથી ગોળીબારના સતત અહેવાલો મળી રહ્યા છે. હાલમાં, ભારતીય સેના સરહદ પર એલર્ટ પર છે અને પાકિસ્‍તાનને યોગ્‍ય જવાબ આપી રહી છે.

પાકિસ્‍તાન છેલ્લા કેટલાક દિવસોથી નિયંત્રણ રેખા પરના ઘણા ક્ષેત્રોમાં યુદ્ધવિરામનું ઉલ્લંઘન કરી રહ્યું છે. ભારતીય સેના પણ પાકિસ્‍તાનની ઉશ્‍કેરણીનો જોરદાર અને અસરકારક રીતે જવાબ આપી રહી છે.

ફેબ્રુઆરીની શરૂઆતમાં, પાકિસ્‍તાની સેનાએ પૂંછ જિલ્લામાં નિયંત્રણ રેખા પર ભારતીય ચોકી પર નાના હથિયારોથી ગોળીબાર કર્યો હતો. ત્‍યારબાદ ભારતે પણ વળતો પ્રહાર કર્યો.