છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
પરમાણુ યુદ્ધ થાય તો અબજો લોકો જીવ ગુમાવશેઃ તાપમાન ૧૦ ડિગ્રી ઘટી જશે
કાશ્મીરમાં પ્રવાસીઓ પર થયેલા આતંકવાદી હુમલાથી ભારત અને પાકિસ્તાન વચ્ચે તણાવ વધી ગયો છેઃ ભારતે આ હુમલા માટે પાકિસ્તાનને દોષી ઠેરવ્યું છે અને સિંધુ જળ સંધિને સસ્પેન્ડ કરી દીધી છેઃ આનાથી ગુસ્સે ભરાયેલી પાકિસ્તાન સરકારે પરમાણુ યુદ્ધની ધમકી આપી છે જો બંને દેશો વચ્ચે પરમાણુ યુદ્ધ થાય તો મોટા પાયે વિનાશ થઈ શકે છેઃ ફક્ત ભારત-પાકિસ્તાનમાં જ કરોડો લોકો મરી જશેઃ યુદ્ધની અસર ફક્ત ભારત અને પાકિસ્તાનના પડોશી દેશો પર જ નહીં પરંતુ વિશ્વના મોટા ભાગ પર પડશે
ઈસ્લામાબાદ,તા.૨૮: કાશ્મીરના પહેલગામમાં થયેલા આતંકવાદી હુમલાએ ભારત અને પાકિસ્તાનને યુદ્ધની અણી પર લાવી દીધા છે. ૨૨ એપ્રિલના રોજ થયેલા આ હુમલામાં ૨૬ લોકોનાં મોત થયાં હતાં. હુમલા પછી તરત જ ભારતે પાકિસ્તાન વિરુદ્ધ અનેક કડક પગલાં લીધાં છે. આમાં રાજદ્વારી સંબંધો ઘટાડવા, પાણી સંધિઓ સ્થગિત કરવા અને પાકિસ્તાની નાગરિકોના વિઝા રદ કરવાનો સમાવેશ થાય છે. પાકિસ્તાને ભારતીય ફ્લાઇટ્સ માટે પોતાનું હવાઈ ક્ષેત્ર પણ બંધ કરી દીધું છે અને ભારતીય નાગરિકોના વિઝા રદ કર્યા છે. ખાસ કરીને સિંધુ જળ સંધિ પર પાકિસ્તાન તરફથી ખૂબ જ આક્રમક પ્રતિક્રિયા આવી છે.
પાકિસ્તાન સરકારે કહ્યું છે કે તે સિંધુ જળ સંધિના ઉલ્લંઘનને ભારત દ્વારા યુદ્ધની ઘોષણા તરીકે ગણશે. પાકિસ્તાનના ઘણા મંત્રીઓએ તો ભારતને પરમાણુ યુદ્ધની ધમકી પણ આપી છે. ભારત અને પાકિસ્તાન બંને પરમાણુ શક્તિઓ અને વિશ્વની મુખ્ય લશ્કરી શક્તિઓ છે. આવી સ્થિતિમાં, આ બંને દેશો વચ્ચેનો સંઘર્ષ, ખાસ કરીને પરમાણુ યુદ્ધ, ફક્ત આ ક્ષેત્રમાં જ નહીં પરંતુ સમગ્ર વિશ્વમાં ભારે વિનાશનું કારણ બની શકે છે. એક સંશોધન કહે છે કે જો ભારત અને પાકિસ્તાન પરમાણુ બોમ્બનો ઉપયોગ કરે તો મળત્યુઆંક અબજો સુધી પહોંચી શકે છે.
ફક્ત ભારત-પાકિસ્તાનમાં જ કરોડો લોકો મરી જશે
Metro.UK ના એક અહેવાલ મુજબ, ૨૦૧૯ માં, વૈજ્ઞાનિકોની એક ટીમે બંને દેશો વચ્ચે પરમાણુ યુદ્ધના સંભવિત પરિણામો પર એક સંશોધન હાથ ધર્યું હતું. પોતાના સંશોધનના આધારે, ટીમે શોધી કાઢયું કે ભારત અને પાકિસ્તાનમાં પરમાણુ શષાોની સંખ્યા અને શક્તિના આધારે, આ બે દેશો વચ્ચેના પરમાણુ યુદ્ધમાં, ફક્ત ભારત અને પાકિસ્તાનમાં ૧૫ કરોડ લોકો માર્યા જઈ શકે છે
રિપોર્ટમાં કહેવામાં આવ્યું છે કે ભારત અને પાકિસ્તાન વચ્ચેના આ પરમાણુ યુદ્ધમાં બંને દેશોના ૫ થી ૧૫ કરોડ લોકો જીવ ગુમાવી શકે છે. આ ઉપરાંત, મોટી સંખ્યામાં શહેરો નાશ પામશે, લાખો લોકો ઘાયલ થશે અને મોટા પાયે વિનાશ થશે. વૈજ્ઞાનિકોએ શોધી કાઢયું કે આ યુદ્ધના પરિણામો ફક્ત ભારત અને પાકિસ્તાન પૂરતા મર્યાદિત રહેશે નહીં. આ યુદ્ધની અસર ફક્ત ભારત અને પાકિસ્તાનના પડોશી દેશો પર જ નહીં પરંતુ વિશ્વના મોટા ભાગ પર પડશે.
રિપોર્ટમાં કહેવામાં આવ્યું છે કે ભારત અને પાકિસ્તાન વચ્ચે પરમાણુ યુદ્ધ પણ એક નાનો હિમયુગ લાવી શકે છે. સળગતા શહેરોનો ધુમાડો આકાશમાં ફેલાશે અને સૂર્યપ્રકાશને અવરોધશે. આનાથી વિશ્વનું તાપમાન ૧૦ ડિગ્રી સેલ્સિયસ ઘટશે અને અંધકાર છવાઈ જશે. આબોહવા અને વાતાવરણીય વિજ્ઞાનના નિષ્ણાત પ્રોફેસર બ્રાયન ટૂન કહે છે કે આવા યુદ્ધથી ભારે વિનાશ થશે.
ટૂને આગળ કહ્યું, અમે ૨૦૧૯ માં ભારત અને પાકિસ્તાનની પરમાણુ ક્ષમતાઓ પર નજર નાખી. ભારત અને પાકિસ્તાન પાસે લગભગ ૩૦૦ પરમાણુ શષાો છે. આ પરમાણુ શષાો સેંકડો કિલોટનના હોઈ શકે છે. જો આમાંથી અડધા શષાોનો પણ યુદ્ધમાં ઉપયોગ થાય તો એકલા ભારત અને પાકિસ્તાનમાં ૫ થી ૧૫ કરોડ લોકો માર્યા જશે. બાકીના વિશ્વમાં, આના કારણે મળત્યુઆંક એક થી બે અબજ સુધી પહોંચી શકે છે.
ભારત અને પાકિસ્તાન સંરક્ષણ પાછળ મોટા પાયે ખર્ચ કરે છે
ભારત અને પાકિસ્તાન સતત તેમના લશ્કરી દળોને મજબૂત બનાવવા પર ધ્યાન કેન્દ્રિત કરી રહ્યા છે. બંને દેશોએ ઘણા સમય પહેલા પરમાણુ શષાો વિકસાવ્યા છે. ભારતે ૧૯૭૪ અને ૧૯૯૮માં પરમાણુ પરીક્ષણો કર્યા હતા. ભારત પછી થોડા અઠવાડિયા પછી પાકિસ્તાને પરમાણુ પરીક્ષણો કર્યા હતા. આજે બંને દેશો પાસે સેંકડો પરમાણુ શષાો છે. બંને દેશો પાસે મિસાઇલો, ફાઇટર પ્લેન અને અન્ય આધુનિક શષાો છે. બંને સેનાઓ વિશ્વની ટોચની ૧૦ સૌથી શક્તિશાળી સેનાઓમાં સામેલ છે. આવી સ્થિતિમાં, એ વાતનો ઇનકાર કરી શકાય નહીં કે ભારત અને પાકિસ્તાન વચ્ચે મોટા પાયે સંઘર્ષ મોટા પાયે વિનાશ તરફ દોરી જશે
(3:53 PM IST)
