મુંબઈ: યુએસમાં સંભવિત મંદીની ચિંતાઓ અને ભારત-પાકિસ્તાન સરહદ પર વધતા તણાવની અસરને કારણે શુક્રવારે શેરબજારમાં રોકાણકારોનું સેન્ટિમેન્ટ ખરડાયું હતું. સવારે મજબૂત શરૂઆત કર્યા બાદ બપોરના કારોબારમાં BSE સેન્સેક્સ અને NSE નિફ્ટીમાં તીવ્ર ઘટાડો જોવા મળ્યો હતો.
BSE સેન્સેક્સ શરૂઆતમાં 935.69 પોઈન્ટ અથવા 1.16 ટકા વધીને 81,177.93 ની દિવસની ઊંચાઈએ પહોંચ્યો હતો. જો કે, ત્યારબાદ ઇન્ડેક્સ લાલ નિશાનમાં સરકી ગયો અને દિવસની ટોચથી 1,009.34 પોઈન્ટ ગગડીને બપોરે 12:30 વાગ્યે 80,168.59 ના સ્તરે આવી ગયો હતો.
NSE નિફ્ટીમાં પણ તીવ્ર ઘટાડો નોંધાયો હતો અને તે તેની ઊંચાઈથી 254.95 પોઈન્ટ તૂટીને 24,238.50 ના સ્તરે પહોંચી ગયો હતો.
JSW સ્ટીલ, આઇશર મોટર્સ, નેસ્લે ઇન્ડિયા, હીરો મોટોકોર્પ અને બજાજ ઓટો જેવા મોટા શેરોમાં 6 ટકા સુધીનો ઘટાડો જોવા મળ્યો હતો, જે બજારના ઘટાડા માટે મુખ્ય પરિબળો રહ્યા હતા. પ્રોફિટ બુકિંગ પણ બજારમાં ઘટાડાનું એક કારણ માનવામાં આવે છે.