<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 5th May 2025

ઓશો વર્લ્ડના એડિટર સ્વામી ચૈતન્ય કીર્તિ જીને નોઈડામાં વર્લ્ડ પીસ ફાઉન્ડેશનનું આજીવન સદસ્યપદ એનાયત

ચૈતન્ય કીર્તિજીએ ઓશોના શિક્ષણ અને ધ્યાનની પદ્ધતિઓને વિશ્વભરમાં ફેલાવવામાં મહત્વનું યોગદાન આપ્યું છે:તેમના માર્ગદર્શન હેઠળ અસંખ્ય લોકોએ ધ્યાન અને આંતરિક શાંતિનો માર્ગ અપનાવ્યો છે

નોઈડા, ભારત: મારવાહ સ્ટુડિયોએ નોઈડા ખાતે આયોજિત એક વિશેષ કાર્યક્રમમાં સ્વામી ચૈતન્ય કીર્તિ જીને વર્લ્ડ પીસ ડેવલપમેન્ટ એન્ડ રિસર્ચ ફાઉન્ડેશનનું આજીવન સદસ્યપદ એનાયત કર્યું. આ સન્માન તેમના ધ્યાન, આધ્યાત્મિકતા અને માનવ ચેતનાના ઉત્થાન માટેના દાયકાઓથી ચાલતા અવિરત પ્રયાસોની સન્માનની નિશાની છે.

સ્વામી ચૈતન્ય કીર્તિ, જેમણે ૧૯૭૧માં ભગવાન શ્રી ઓશો રજનીશના નીઓ સન્યાસ આંદોલનમાં જોડાયા હતા, તેઓએ ઓશો કોમ્યુનના પ્રવક્તા તરીકે ઘણાં વર્ષો સુધી સેવા આપી ચૂક્યા છે. અને ઓશો ટાઈમ્સ ઇન્ટરનેશનલના એડિટર તરીકે પણ વર્ષો સુધી સેવા આપી હતી. હાલમાં તેઓ ઓશો વર્લ્ડ મેગેઝીનનું સંપાદન કરી રહ્યા છે. તેમણે ઓશોના શિક્ષણ અને ધ્યાનની પદ્ધતિઓને વિશ્વભરમાં ફેલાવવામાં મહત્વનું યોગદાન આપ્યું છે. તેમના માર્ગદર્શન હેઠળ અસંખ્ય લોકોએ ધ્યાન અને આંતરિક શાંતિનો માર્ગ અપનાવ્યો છે.

આ કાર્યક્રમ દરમિયાન સ્વામી ચૈતન્ય કીર્તિ જીની આધ્યાત્મિક યાત્રા અને ધ્યાન તેમજ માનસિક શાંતિ અંગેની તેમની ઊંડી સમજણને રજૂ કરતો એક વિશેષ કાર્યક્રમ એમએસટીવી  પર રેકોર્ડ કરવામાં આવ્યો હતો. આ પ્રસંગે મારવાહ સ્ટુડિયોના પ્રમુખ ડૉ. સંદીપ મારવાહે જણાવ્યું, "અમે હંમેશાં આધ્યાત્મિકતામાં વિશ્વાસ રાખીએ છીએ, જે આપણને માનવતા શીખવે છે. અને માનવતાથી મોટો કોઈ ધર્મ નથી."

સ્વામી ચૈતન્ય કીર્તિ વિશે વધુ માહિતી
સ્વામી ચૈતન્ય કીર્તિ એક પ્રખ્યાત આધ્યાત્મિક માર્ગદર્શક છે, જેમણે ઓશો રજનીશના શિષ્ય તરીકે પોતાનું જીવન ધ્યાન અને આધ્યાત્મિક જાગૃતિને સમર્પિત કર્યું છે. ઓશોના "સ્પોક્સ પર્સન" તરીકે, તેમણે ઓશોના શિક્ષણને વ્યવસ્થિત રીતે ફેલાવવામાં અને ઓશો આશ્રમની વિવિધ પ્રવૃત્તિઓનું સંચાલન કરવામાં મહત્વની ભૂમિકા ભજવી હતી. તેઓ ઓશો ટાઈમ્સ ઈન્ટરનેશનલના સંપાદક રહ્યા છે અને અનેક પુસ્તકોના લેખક છે, જેમાં ઓશોના શિક્ષણ અને ધ્યાનની પદ્ધતિઓ પર આધારિત વિષયોનો સમાવેશ થાય છે.

સ્વામી ચૈતન્ય કીર્તિ દિલ્હી ખાતે ઓશો ધ્યાન કેન્દ્રના સ્થાપક છે અને વિશ્વભરમાં ધ્યાન શિબિરો અને આધ્યાત્મિક કાર્યક્રમોનું આયોજન કરે છે. તેમના શિક્ષણમાં માઈન્ડફુલનેસ, ઈનર પીસ અને સ્વ-જાગૃતિ પર વિશેષ ભાર મૂકવામાં આવે છે, જે આધુનિક જીવનના તણાવ અને મૂંઝવણોનો સામનો કરવા માટે અસરકારક સાધનો પૂરા પાડે છે.

મારવાહ સ્ટુડિયોનું યોગદાન
મારવાહ સ્ટુડિયો શાંતિ, આધ્યાત્મિક સુમેળ અને માનવીય મૂલ્યોને પ્રોત્સાહન આપવા માટે જાણીતું છે. આ ઈવેન્ટ દ્વારા, તેઓએ એકવાર ફરીથી વૈશ્વિક સ્તરે આધ્યાત્મિક જાગૃતિ અને માનવતાના સંદેશને પ્રોત્સાહન આપવાની પોતાની પ્રતિબદ્ધતા દર્શાવી છે. સ્વામી ચૈતન્ય કીર્તિ જેવા આધ્યાત્મિક નેતાઓનું સન્માન કરીને, મારવાહ સ્ટુડિયો એક એવી દુનિયાનું નિર્માણ કરવા પ્રયાસરત છે જ્યાં શાંતિ અને સદ્ભાવના પ્રવર્તે.

આ પ્રસંગ નોઈડાના આધ્યાત્મિક અને સાંસ્કૃતિક જીવનમાં એક મહત્વનો ઉમેરો છે, જે સ્વામી ચૈતન્ય કીર્તિના યોગદાનને યાદગાર બનાવે છે અને ઓશોના શિક્ષણને વધુ ફેલાવવાનો માર્ગ મોકળો કરે છે.

 

(9:40 AM IST)