તા. ૧૮ નવેમ્બર ર૦ર૬ વિક્રમ સંવત ર૦૮૩ કારતક સુદ – ૯ બુધવાર
News of Monday, 5th May 2025
વૃદ્ધ દંપતી માટે જજે રોડ પર જ ચુકાદો સંભળાવ્યો
તેલંગાણાની ઘટનાઃ બીમાર દંપતી માટે ચુકાદો આપવા જજ રોડ પર જ આવી ગયા

હૈદરાબાદ,તા.૦૫: ઘણીવાર લોકો કાનૂની કેસોને કારણે કોર્ટની સીડીઓ ચઢીને કંટાળી જાય છે, પરંતુ તેલંગાણાના નિઝામાબાદમાં ન્યાયાધીશે રસ્તા પર જ એક વળદ્ધ દંપતીને ન્યાય આપી દીધો. આનું કારણ એ હતું કે વળદ્ધ દંપતી બીમાર હતા અને તેમના માટે કોર્ટ પરિસરમાં જવું મુશ્કેલ હતું. મેજિસ્ટ્રેટને આ વાતની માહિતી મળતાં જ તેઓ તેમની પાસે આવ્યા હતા. વળદ્ધ દંપતી રિક્ષા દ્વારા કોર્ટ પરિસરમાં પહોંચ્યા, પરંતુ તેમના માટે અંદર જવું મુશ્કેલ હતું. આવી સ્થિતિમાં ન્યાયાધીશે બહાર આવવાનું યોગ્ય માન્યું. હવે સોશિયલ મીડિયા પર ન્યાયાધીશની પ્રશંસા થઈ રહી છે, તો બીજી તરફ કોર્ટના નબળા માળખા પર પણ પશ્નો ઉભા થઈ રહ્યા છે.
એડિશનલ જુનિયર સિવિલ જજ ઇ.એસ. શિવાના સોશિયલ મીડિયા પર ખૂબ વખાણ થઈ રહ્યા છે. રસ્તા પર કેસની સુનાવણીનો વીડિયો પણ સોશિયલ મીડિયા પર વાયરલ થઈ રહ્યો છે. તેમાં ન્યાયાધીશ કોર્ટ પરિસરની બહાર રસ્તા પર ઓર્ડર પર સહી કરતા દેખાય છે. ત્યાં એક વળદ્ધ દંપતી પણ હાજર છે. નિર્ણય લેવા આવેલા વળદ્ધ પુરુષ કોઈક રીતે રિક્ષાની અંદર બેઠા રહે છે, જ્યારે મહિલા બહાર હાથ જોડીને ઉભી રહેલી જોવા મળે છે. આ કેસ ઘરેલુ વૈવાહિક ક્રૂરતાનો હતો, જેમાં ૨૦૨૧માં વળદ્ધ દંપતી સામે કલમ ૪૯૮ખ્ હેઠળ કેસ નોંધવામાં આવ્યો હતો. આ કિસ્સામાં વળદ્ધ દંપતી કે. સયામ્મા અને કે.એન. ગંગારામ સામે કેસ દાખલ કરવામાં આવ્યો હતો અને ચાર્જશીટ બાદ કુલ તારીખો પછી કોર્ટે નિર્ણય અનામત રાખ્યો હતો. જો કે, વળદ્ધ દંપતીનો એક મહિના પહેલા જ અકસ્માત થયો હતો અને તેઓ ચાલી શકતા ન હતા. જ્યારે ન્યાયાધીશને આવી પરિસ્થિતિની ખબર પડી ત્યારે તેમણે રાહ જોયા વિના રસ્તા પર પહોંચવાનું નક્કી કર્યું. અહીં તેમણે કેસમાં આદેશ આપ્યો અને તેના પર સહી કરી હતી. વળદ્ધ દંપતી વિરુદ્ધ તેમની પુત્રવધૂ દ્વારા ઘરેલુ હિંસાનો કેસ દાખલ કરવામાં આવ્યો હતો, જે ખોટો હોવાનું જાણવા મળ્યું હતું.
(10:13 AM IST)









છેલ્લા 8 દિવસમાં સૌથી લોકપ્રિય 
