મમતા બેનર્જી પર ચોરીનો આરોપઃ હોબાળો થયો અને રાજકારણ ગરમાયું
બંગાળ વિરુદ્ધ ઓડિશા દિઘા જગન્નાથ મંદિર વિવાદઃ વિવાદ વધતો ગયો તેમ તેમ મંદિરનું નામ બદલવાની માંગ ઉઠી. હવે મમતા બેનર્જી પર જગન્નાથ મંદિરમાંથી લાકડા ચોરી કરવાનો આરોપ લાગ્યો છે. નારાજ મમતા બેનર્જીએ પણ ઓડિશાને જવાબ આપ્યો :પશ્ચિમિ બંગાળના મેદિનીપુર જિલ્લાના દિઘા ખાતે નવા બનેલા જગન્નાથ ધામ મંદિરમાં બુધવારે પ્રાણ પ્રતિષ્ઠા વિધિનું આયોજન કરવામાં આવ્યું હતું. આ કાર્યક્રમમાં મુખ્યમંત્રી મમતા બેનર્જીએ પણ ભાગ લીધો હતો. આ પછી વિવાદ શરૂ થયો
કોલકત્તમ,તા.૦૬: પશ્ચિમિ બંગાળના દિઘામાં કેસરી જગન્નાથનું મંદિર બનાવવામાં આવ્યું છે. આ મંદિરનું ઉદ્ધાટન મુખ્યમંત્રી મમતા બેનર્જીએ કર્યું હતું. આ મંદિરનું ઉદ્ધાટન થતાં જ રાજકીય ગરમાવો શરૂ થઈ ગયો છે. મામલો બંગાળ વિરુદ્ધ ઓડિશા બની ગયો છે. ભારતીય જનતા પાર્ટી (ભાજપ) એ તેને હિન્દુ લાગણીઓને ઠેસ પહોંચાડવાના હેતુથી એક ચૂંટણી યુક્તિ ગણાવી. વિવાદ વધતો ગયો તેમ તેમ મંદિરનું નામ બદલવાની માંગ ઉઠી. હવે મમતા બેનર્જી પર જગન્નાથ મંદિરમાંથી લાકડા ચોરી કરવાનો આરોપ લાગ્યો છે. નારાજ મમતા બેનર્જીએ પણ ઓડિશાને જવાબ આપ્યો છે. આ મામલે રાજકારણ ગરમાયું છે.
પૂર્વ મેદિનીપુર જિલ્લાના દિઘા ખાતે બનેલ ભગવાન જગન્નાથનું મંદિર પુરીમાં સ્થિત ૧૨મી સદીના મંદિરની પ્રતિકળતિ છે. રાજ્ય ભાજપ પ્રમુખ અને કેન્દ્રીય મંત્રી સુકાંત મજુમદારે જણાવ્યું હતું કે પુરીમાં આવેલું જગન્નાથ મંદિર સદીઓ જૂનું અને સૌથી પવિત્ર છે. તેમણે આરોપ લગાવ્યો કે તળણમૂલ કોંગ્રેસ, તેના હિન્દુ વિરોધી એજન્ડામાં નિષ્ફળ ગઈ છે, હવે સાંસ્કળતિક કેન્દ્રને મંદિર કહીને લોકોને ગેરમાર્ગે દોરી રહી છે. વિપક્ષના નેતા સુવેન્દુ અધિકારીએ દાવો કર્યો હતો કે રાજ્ય સરકાર પાસે મંદિર બનાવવાનો બંધારણીય કે ધાર્મિક અધિકાર નથી. તેમણે કહ્યું કે અયોધ્યા રામ મંદિર પણ ટ્રસ્ટ દ્વારા જનતાની મદદથી બનાવવામાં આવ્યું હતું, સરકાર દ્વારા નહીં.
ઓડિશામાંથી નામ
બદલવાની માંગ ઉઠી
ઓડિશામાં ભગવાન જગન્નાથના ભક્તોમાં ગુસ્સો છે. પુરીના ૧૨મી સદીના મંદિર સાથે સંકળાયેલા ભૂતપૂર્વ સમિતિના સભ્યો અને ધાર્મિક વિદ્વાનોએ તેને ખોટું ગણાવ્યું છે. પદ્મશ્રી પુરસ્કાર પ્રાપ્ત રેતી કલાકાર સુદર્શન પટનાયક સહિત અનેક પ્રતિષ્ઠિત હસ્તીઓએ ઓડિશાના મુખ્યમંત્રીને પત્ર લખ્યો હતો. તેમણે કહ્યું કે શાષાો અનુસાર, ફક્ત પુરીને જગન્નાથ ધામ કહેવામાં આવે છે, અન્ય કોઈપણ મંદિરને આ બિરુદ આપવું પરંપરાની વિરુદ્ધ છે. પટનાયકે આરોપ લગાવ્યો કે દિઘા મંદિરમાં બ્રહ્મા સ્થાપિત કરવાનો દાવો પણ ભ્રામક છે. પુરીના દૈતપતિ સેવક રામચંદ્ર દાસમહાપાત્રાએ કહ્યું કે જગન્નાથ પુરી પીઠને ધામની માન્યતા આદિ શંકરાચાર્ય દ્વારા આપવામાં આવી હતી.
ધામ શબ્દ દૂર કરવાની માંગ
દિઘામાં જગન્નાથ મંદિરના ઉદ્ધાટન દરમિયાન મુખ્ય પૂજારી રહેલા રામકળષ્ણ દાસમહાપાત્રાએ પણ પશ્ચિમિ બંગાળમાં નવા મંદિર સાથે સંકળાયેલ જગન્નાથ ધામ શબ્દ દૂર કરવાની માંગ કરી હતી. તેમણે અહીં કહ્યું, હું પશ્ચિમિ બંગાળના મુખ્યમંત્રી મમતા બેનર્જીને પણ વિનંતી કરું છું કે તેઓ દિખા જગન્નાથ મંદિરમાંથી ધામ શબ્દ દૂર કરે. મારી સમજ મુજબ, પુરી એકમાત્ર એવું સ્થળ છે જેને જગન્નાથ ધામ કહેવામાં આવે છે
ઓડિશાના મુખ્યમંત્રીએ એક સમિતિની રચના કરી
આ વિવાદ વચ્ચે, ઓડિશાના કાયદા મંત્રી પળથ્વીરાજ હરિચંદને શ્રી જગન્નાથ મંદિર વહીવટ (SJTA) ને આ મામલાની તપાસ કરવા જણાવ્યું. સ્થાનિક મીડિયાએ અહેવાલ આપ્યો છે કે પુરીના કેટલાક સેવકોએ દિઘા મંદિરમાં પ્રાણ પ્રતિષ્ઠા સમારોહમાં ભાગ લીધો હતો અને પડોશી પશ્ચિમિ બંગાળમાં મંદિરની મૂર્તિઓ બનાવવા માટે ૨૦૧૫ના નવકાલેબારા (નવીનીકરણ) માંથી બચેલા લીમડાના લાકડાનો ઉપયોગ કર્યો હતો. નવકાલેબારા એ દર ૧૨ કે ૧૯ વર્ષે યોજાતી એક ધાર્મિક વિધિ છે જે દરમિયાન પુરી મંદિરમાં ભગવાન બલભદ્ર, દેવી સુભદ્રા અને ભગવાન જગન્નાથની લાકડાની મૂર્તિઓ બદલવામાં આવે છે.
આ રીતે શરૂ થયો લાકડાનો વિવાદ
પુરી મંદિર વહીવટીતંત્ર (SJTA) એ જગન્નાથ પુરીના પવિત્ર લીમડાના લાકડાને બંગાળને આપવાના મુદ્દા પર એક વરિષ્ઠ સેવકને પૂછપરછ કરી. પ્રભાવશાળીદૈતાપતિ નિયોગના સચિવ રામકળષ્ણ દાસમહાપાત્રને પૂછપરછ માટે બોલાવવામાં આવ્યા હતા. તે સેવકોનું સંગઠન છે જેમને પરંપરાગત રીતે ભગવાન જગન્નાથના અંગરક્ષક માનવામાં આવે છે. ૩૦ એપ્રિલના રોજ દિઘા મંદિરના પ્રાણ પ્રતિષ્ઠા સમારોહનું સંચાલન દશમહાપાત્રએ કર્યું હતું. SJTAના મુખ્ય પ્રશાસક અરબિન્દા પાધીએ દશમહાપાત્રને બોલાવ્યા અને લગભગ ૯૦ મિનિટ સુધી પૂછપરછ કરી.
મમતા બેનર્જીએ ચોરીનો આરોપ લગાવવા બદલ તેમના પર પ્રહાર કર્યા
પશ્ચિમિ બંગાળના મુખ્યમંત્રી મમતા બેનર્જી પર જગન્નાથ મંદિરમાંથી લીમડાના લાકડાની ચોરી કરીને બંગાળમાં જગન્નાથ મંદિર બનાવવાનો આરોપ હતો. ભાજપે તેમને ચોર કહ્યા ત્યારે તેઓ ગુસ્સે થયા. મમતા બેનર્જીએ આરોપોને પાયાવિહોણા અને બનાવટી ગણાવ્યા. આપણે ચોરેલા લીમડાના લાકડાનો ઉપયોગ શા માટે કરીશું? બેનર્જીએ મુર્શિદાબાદમાં કહ્યું. લીમડાના લાકડાના આપણા પોતાનાસ્ત્રોત છે. આ આરોપો સંપૂર્ણપણે પાયાવિહોણા અને અસ્વીકાર્ય છે. તેમણે કહ્યું કે તેઓ ફક્ત એટલા માટે કેમ ગુસ્સે છે કે આપણે દિઘામાં જગન્નાથ મંદિર બનાવ્યું છે. શું પશ્ચિમિ બંગાળમાં ભગવાન જગન્નાથની પૂજા કરવી ગુનો છે? તેમણે કહ્યું કે આ પ્રતિક્રિયા રાજકીય રીતે પ્રેરિત છે.
બંગાળના કામદારો નિશાના પર છે
અહીં વિવાદ એટલો વધી ગયો કે બંગાળી ભાષી સ્થળાંતરિત કામદારો પર હુમલા શરૂ થઈ ગયા. આ સમાચારોને કારણે બંને રાજ્યો વચ્ચે તણાવ વધી ગયો છે. બેનર્જીએ ઓડિશામાં બંગાળી ભાષી લોકોના ઉત્પીડનના ચિંતાજનક વલણની પણ નિંદા કરી. તેમણે કહ્યું કે તેમણે રાજ્યના પોલીસ મહાનિર્દેશક (DGP) ને પાડોશી રાજ્યના તેમના સમકક્ષ સાથે આ મામલો ઉઠાવવાનો નિર્દેશ આપ્યો છે. મમતા બેનર્જીએ કહ્યું કે જેમ ઓડિશાના સ્થળાંતરિત કામદારો બંગાળમાં શાંતિથી કામ કરે છે, તેવી જ રીતે બંગાળના લોકો પણ ઓડિશામાં કામ કરે છે. મને એવા ચિંતાજનક અહેવાલો મળ્યા છે કે બંગાળી બોલતા લોકો પર પણ ત્યાં હુમલા થઈ રહ્યા છે. આ અત્યંત નિંદનીય છે. અમારા ડીજીપી આ સંદર્ભમાં તેમના ઓડિશા સમકક્ષ સાથે વાત કરશે. અમે અમારા લોકો પર હુમલા સહન કરીશું નહીં.
કાનૂની લડાઈની ધમકી
શ્રી જગન્નાથ મંદિર વ્યવસ્થાપન સમિતિના પ્રમુખ દેબે જણાવ્યું હતું કે શાષાો અનુસાર, પુરીમાં ફક્ત ૧૨મી સદીના મંદિરને જ જગન્નાથ ધામ કહી શકાય. મેં આ બાબતે મુક્તિમુંડુપ પંડિત સભાનો અભિપ્રાય માંગ્યો છે. અહીં કાયદા મંત્રીએ પશ્ચિમિ બંગાળ સરકાર સામે કાનૂની કાર્યવાહી કરવાની ધમકી પણ આપી.(૪૦.૧૨)
(10:02 AM IST)
છેલ્લા 8 દિવસમાં સૌથી લોકપ્રિય 
