હુમલો અચાનક શરૂ હતોઃ ૧૦-૧૫ મિસાઇલો ખાબકી ભારતના હવાઈ હુમલા વિશે સ્થાનિક લોકોએ શું કહ્યું?
મુઝફ્ફરાબાદ, તા.૭: ભારતે ઓપરેશન સિંદૂર દ્વારા પાકિસ્તાન અને પીઓકેમાં નવ આતંકવાદી ઠેકાણાઓ પર મિસાઇલ હુમલા કર્યા. આમાં જૈશ-એ-મોહમ્મદ અને લશ્કર-એ-તૈયબાના ઘણા ઠેકાણાઓનો નાશ કરવામાં આવ્યો હતો. સૂત્રોના જણાવ્યા અનુસાર, ભારતના હવાઈ હુમલામાં ૯૦ આતંકવાદીઓ માર્યા ગયા છે. આતંકવાદી મસૂદ અઝહરના પરિવારના ૧૦ સભ્યોના પણ મોત થયા છે. પીઓકેના મુઝફ્ફરાબાદમાં રહેતા એક યુવકે તે ક્ષણને યાદ કરી જ્યારે ભારત તરફથી મિસાઇલો છોડવામાં આવી હતી. ‘હુમલો અચાનક શરૂ થયો,' સ્થાનિક રહેવાસી અહેમદ અબ્બાસીએ જણાવ્યું. મને લાગે છે કે અહીં ૧૦-૧૫ મિસાઇલો પડી હશે.
પાકિસ્તાનના મુરિદકેમાં એક સ્થાનિક યુવાને ભારતના આતંકવાદી છાવણીઓ સામે ઓપરેશન સિંદૂર વિશે માહિતી આપતા કહ્યું, ચાર ડ્રોન આવ્યા...બધે ગભરાટ ફેલાઈ ગયો. એક સ્થાનિક વ્યક્તિએ કહ્યું, રાત્રે લગભગ ૧૨:૪૫ વાગ્યે, પહેલા એક ડ્રોન આવ્યું, પછી બીજા ત્રણ ડ્રોન આવ્યા, અને તેઓએ મસ્જિદો પર હુમલો કર્યો... બધું જ નાશ પામ્યું.
શવાઈ નાલા કેમ્પ, જેને બૈત-ઉલ-મુજાહિદ્દીન તરીકે પણ ઓળખવામાં આવે છે, તે મુઝફ્ફરાબાદ-નીલમ રોડ પર સ્થિત છે. આ લશ્કરના સૌથી મહત્વપૂર્ણ કેમ્પોમાંનું એક છે. ૨૬/૧૧ ના મુંબઈ હુમલાના હુમલાખોરો, જેમાં અજમલ કસાબનો પણ સમાવેશ થાય છે, તેમણે આ કેમ્પમાં આતંકવાદી તાલીમ મેળવી હતી. દરમિયાન, પાકિસ્તાની લશ્કરી પ્રવક્તા અને ISPRના ડિરેક્ટર જનરલ લેફ્ટનન્ટ જનરલ અહેમદ શરીફ ચૌધરીએ ભારતીય મિસાઇલ હુમલાની પુષ્ટિ કરી છે. બુધવારે સવારે ૪:૦૮ વાગ્યે એક પત્રકાર પરિષદને સંબોધતા તેમણે કહ્યું, ભારતને કુલ ૨૪ સ્થળોએથી વિવિધ શષાોનો ઉપયોગ કરીને હુમલાઓ વિશે માહિતી મળી છે. પાકિસ્તાની સેનાએ જણાવ્યું હતું કે બહાવલપુરના અહમદપુર પૂર્વમાં સુબાહાન મસ્જિદ પાસે ચાર હુમલા કરવામાં આવ્યા હતા. આ મસ્જિદ સુભાન અલ્લાહ જૈશ-એ-મોહમ્મદ અને તેના સ્થાપક મૌલાના મસૂદ અઝહરનો ગઢ છે. જૈશ-એ-મોહમ્મદ પુલવામા હુમલા સહિત ભારતમાં થયેલા ઘણા આતંકવાદી હુમલાઓ માટે જવાબદાર છે. સંકુલમાં એક મસ્જિદનો નાશ થયો હતો. આ ઉપરાંત, સિયાલકોટના કોટલી, મુરીદકે, કોટકી લોહારા અને શકરગઢ નજીક પણ હુમલાઓની પુષ્ટિ થઈ છે. બુધવારે નવી દિલ્હીમાં ઓપરેશન સિંદૂર અંગે મીડિયાને માહિતી આપતા, વિદેશ સચિવ વિક્રમ મિશ્રીએ કહ્યું કે પહેલગામ હુમલાના ગુનેગારોને ન્યાયના કઠેડામાં લાવવા મહત્વપૂર્ણ છે.
(4:18 PM IST)
છેલ્લા 8 દિવસમાં સૌથી લોકપ્રિય 
