નવી દિલ્‍હી તા.૯: ગઇ કાલે રાત્રે ૮ વાગ્‍યે પાકિસ્‍તાને અનેક ભારતીય શહેરોને નિશાન બનાવીને ભારત સામે યુદ્ધની ઘોષણા કરી છે. જોકે, ભારતીય સેનાએ પાકિસ્‍તાનના કોઈપણ મિસાઈલ અને ડ્રોન હુમલાને સફળ થવા દીધા નથી, અને ગઈકાલ રાતથી ભારતીય સેના પાકિસ્‍તાનને યોગ્‍ય જવાબ આપી રહી છે. યુદ્ધના મેદાનની સાથે, ભારત સરકાર અને સેના રાજદ્વારી અને આર્થિક મોરચે પણ પાકિસ્‍તાનને ઘેરી રહી છે. આજે વોશિંગ્‍ટનમાં આંતરરાષ્‍ટ્રીય નાણાકીય ભંડોળ (IMF) ની એક મહત્‍વપૂર્ણ બેઠક યોજાવા જઈ રહી છે જેમાં ભારત આ પાડોશી દેશને આપવામાં આવી રહેલા આર્થિક પેકેજનો વિરોધ કરશે. ભારત સરકારે ગુરુવારે કહ્યું કે તે પાકિસ્‍તાન માટેના બેલઆઉટ પેકેજ અંગે IMFને પોતાના વિચારો જણાવી શકે છે.

IMF આજે પાકિસ્‍તાનની વિસ્‍તળત ભંડોળ સુવિધા (EFF) ની સમીક્ષા કરશે. આ પછી જ નક્કી થશે કે પાકિસ્‍તાનને ૧.૩ બિલિયન ડોલર (લગભગ ૧૧.૩૦ હજાર કરોડ રૂપિયા) ની લોન આપવી કે નહીં. વિદેશ સચિવ વિક્રમ મિશ્રીએ જણાવ્‍યું હતું કે ત્‍પ્‍જ્‍ ખાતે ભારતના એક્‍ઝિકયુટિવ ડિરેક્‍ટર શુક્રવારે વૈશ્વિક સંસ્‍થાની બોર્ડ મીટિંગ દરમિયાન દેશનો પક્ષ રજૂ કરશે.

મને ખાતરી છે કે અમારા એક્‍ઝિકયુટિવ ડિરેક્‍ટર ભારતનો દૃષ્ટિકોણ રજૂ કરશે, તેમણે મીડિયા બ્રીફિંગમાં કહ્યું. તેમણે કહ્યું, બોર્ડનો નિર્ણય અલગ બાબત છે...પરંતુ મને લાગે છે કે પાકિસ્‍તાનના કિસ્‍સામાં, જે લોકો આ દેશને બચાવવા માટે ઉદાર નાણાકીય પેકેજ આપે છે તેમને આ વાતની જાણ હોવી જોઈએ. વિદેશ સચિવ વિક્રમ મિશ્રીએ જણાવ્‍યું હતું કે IMF દ્વારા પાકિસ્‍તાન માટે મંજૂર કરાયેલા ૨૪ બેલઆઉટ પેકેજોમાંથી ઘણા સફળ નિષ્‍કર્ષ પર પહોંચ્‍યા નથી.

વાસ્‍તવમાં, પાકિસ્‍તાન છેલ્લા ૩-૪ વર્ષથી રોકડ સંકટ અને ફુગાવા સામે ઝઝૂમી રહ્યું છે, અને આને દૂર કરવા માટે, પાકિસ્‍તાને IMF સહિત ઘણા દેશો પાસેથી મદદ માંગી છે. આ માટે, આંતરરાષ્‍ટ્રીય નાણાકીય ભંડોળે આર્થિક સ્‍થિરતા માટે પાકિસ્‍તાનને બેલઆઉટ પેકેજ આપ્‍યું છે. ભારતે અગાઉ પણ આરોપ લગાવ્‍યો છે કે પાકિસ્‍તાન આ પૈસાનો ઉપયોગ વિકાસ માટે કરવાને બદલે આતંકવાદી સંગઠનોને મદદ કરવા માટે કરે છે. તેથી, આવી કોઈ લોન મંજૂર થવી જોઈએ નહીં.

પાકિસ્‍તાન, જે પહેલાથી જ આર્થિક સંકટની આરે છે, તેના માટે હાલમાં એકમાત્ર આશા આંતરરાષ્‍ટ્રીય નાણાકીય ભંડોળ છે. આર્થિક સંકટનો સામનો કરી રહેલા પાકિસ્‍તાન માટે, IMF પાસેથી લોન કે બેલઆઉટ પેકેજ લેવું એ જીવન અને મળત્‍યુનો પ્રશ્‍ન છે