નવી દિલ્હી : નિયંત્રણ રેખા (LoC) પર ભારત અને પાકિસ્તાન વચ્ચે ભારે તણાવ હતો. પાકિસ્તાનનો આરોપ છે કે પાકિસ્તાન અધિકૃત કાશ્મીર (PoK) ના વિસ્તારોમાં ભારતીય સેના દ્વારા કરવામાં આવેલા ગોળીબારમાં 5 નાગરિકો માર્યા ગયા અને 7 અન્ય ઘાયલ થયા.

પાકિસ્તાની મીડિયા અનુસાર, ભારતીય સેનાએ પીઓકેમાં હજીરા, ફોરવર્ડ કહુતા અને ખોઈ રટ્ટા જેવા રહેણાંક વિસ્તારો પર ગોળીબાર કર્યો છે.

વિદેશ મંત્રાલયની બેઠકમાં, વિદેશ સચિવ વિક્રમ મિસ્ત્રીએ કહ્યું કે ભારતે પણ પાકિસ્તાની સેના દ્વારા કરવામાં આવેલા ગોળીબારનો જોરદાર જવાબ આપ્યો છે. તેમણે વધુમાં કહ્યું કે ભારત દ્વારા કરવામાં આવેલા ગોળીબારથી પાકિસ્તાનમાં ૫ના મોત થયા છે

સરહદી રહેવાસીઓ જોખમમાં
સુરક્ષાની દ્રષ્ટિએ બંને દેશો વચ્ચેનો ગોળીબાર અત્યંત ગંભીર છે. નિયંત્રણ રેખા (LoC) પર સતત વધતો તણાવ માત્ર સરહદી વિસ્તારોમાં શાંતિને ખલેલ પહોંચાડતો નથી, પરંતુ તે ભારતની રાષ્ટ્રીય સુરક્ષા નીતિ અને લશ્કરી વ્યૂહરચનાને પણ અસર કરી શકે છે.