News of Saturday, 10th May 2025
લગ્નનો મંડપ ૨૫ જણે પકડી રાખ્યો, છતાં જોરદાર પવનમાં આખો મંડપ પેરેશૂટની માફક ઊડી ગયો
ભારતના કોઈ એક ગામડામાં બનેલો મંડપ કઈ રીતે કાગડો થઈને ઊડી ગયો એનો વિડિયો શેર

નવી દિલ્હી તા.૧૦: અંતરિયાળ ગામોમાં લગ્ન થાય ત્યારે મેદાનમાં કે ખેતરમાં મંડપ બાંધવામાં આવે છે. આ મંડપની મજબૂતી પણ ખાસ નથી હોતી. એવામાં જો અચાનક મોસમ બદલાય અને જોરદાર પવન ફૂંકાય તો આખેઆખો મંડપ તૂટીને ઊડી જાય કે ઢળી પડે છે. સોશ્યલ મીડિયા પર @RupeshRupam95 નામના ઇન્સ્ટાગ્રામ-યુઝરે ભારતના કોઈ એક ગામડામાં બનેલો મંડપ કઈ રીતે કાગડો થઈને ઊડી ગયો એનો વિડિયો શૅર કર્યો છે. નવાઈની વાત એ છે કે જેવો પવન વધવા લાગ્યો અને મંડપનું કપડું ઊડવા લાગ્યું કે તરત મંડપની અંદર બેઠેલા લોકોએ ઊભા થઈને મંડપ જેના પર બંધાયેલો એ લાકડાના પાયા પકડી લીધા હતા. લગભગ ૨૦થી ૨૫ જણે ૬ બાજુએથી મંડપના લાકડાને બરાબર દાબીને પકડી રાખ્યો હતો છતાં એક તબક્કે પવન એટલો વધ્યો કે મંડપ ેપેરેશૂટ બનીને લાકડાના પાયા સહિત ઊડી ગયો.(૩૮.૨)
(9:34 AM IST)









છેલ્લા 8 દિવસમાં સૌથી લોકપ્રિય 
