તા. ૧૨ સપ્ટેમ્બર ર૦ર૫ વિક્રમ સંવત ર૦૮૧ ભાદરવો વદ – ૫ શુક્રવાર
News of Saturday, 10th May 2025
ભયાનક યુધ્ધ શરૂ! સામસામો મિસાઈલમારો
ભારત-પાક. વચ્ચે શુક્રવાર-શનિવાર રાત્રે સટાસટી બોલી ગઈઃ મિસાઈલ હુમલા-ધડાકાઓની ગુંજ પાકિસ્તાને ઉતાવળમાં ભારત ઉપર ‘‘ફતેહ'' મિસાઈલ છોડી તો ભારતે બેલેસ્ટિક મિસાઈલોનો મારો ચલાવ્યોઃ ભારતે ડ્રોન હુમલા નિષ્ફળ બનાવી પાક.નાં ૪ એરબેઝ ઉપર તાંડવ મચાવ્યું શનિવારે વહેલી સવારે શું થયું? * જમ્મુ અને કાશ્મીરમાં વાયુસેના સ્ટેશનને નિશાન બનાવવાના પાકિસ્તાની પ્રયાસોને નિષ્ફળ બનાવવામાં આવ્યા. પાકિસ્તાન દ્વારા રાત્રે કરાયેલા હુમલા પછી, જમ્મુ અને કાશ્મીરમાંથી સવારની તાજી તસવીરો સામે આવી છે. * ભારતે ગુજરાતના કચ્છમાં પાકિસ્તાનના ડ્રોન હુમલાને નિષ્ફળ બનાવ્યો છે. * પઠાણકોટમાં પણ વહેલી સવારે ઘણા વિસ્ફોટ થયા. ઓછામાં ઓછા અડધા કલાક સુધી તૂટક તૂટક વિસ્ફોટો ચાલુ રહ્યા; જવાબમાં વિમાન વિરોધી બંદૂકો પણ ચલાવવામાં આવી. *અમળતસર વહીવટીતંત્રે કહ્યું કે અમે રેડ એલર્ટ પર છીએ. લોકોને તેમના ઘરની અંદર રહેવાનું કહેવામાં આવ્યું છે. ફિરોઝપુર અને ભટિંડા વિસ્તારોમાં હવાઈ હુમલા કરવામાં આવ્યા અને સાયરનના અવાજ પણ સંભળાયા. * સવારે ૫.૨૦ વાગ્યે એરપોર્ટ નજીક શ્રીનગરમાં અને સવારે ૪.૫૦ વાગ્યે બારામુલ્લા અને ઉધમપુરમાં પણ વિસ્ફોટોના અવાજ સંભળાયા. * ગોળીબારને કારણે જમ્મુ શહેરના રહેણાંક વિસ્તારોને નુકસાન થયું છે. ઘણા ઘરોને નુકસાન થયું છે. * જમ્મુ અને કાશ્મીરના ઉરીમાં પાકિસ્તાની ગોળીબારમાં ઘરો અને મિલકતોને ભારે નુકસાન થયું છે. આ ગોળીબાર નાગરિક વિસ્તારોને નિશાન બનાવી રહ્યો છે.

નવી દિલ્હી,તા.૧૦: ભારત અને પાકિસ્તાન વચ્ચે તણાવ સતત વધી રહ્યો છે. બંને દેશો ભયંકર યુદ્ધની અણી પર ઉભા છે. અત્યાર સુધી નાના મિસાઇલો અને ડ્રોનથી થતા હુમલા હવે ખતરનાક અને મોટા મિસાઇલ હુમલામાં ફેરવાઈ ગયા છે. જોકે, ભારત પાકિસ્તાનની મિસાઇલોને હવામાં તોડી પાડવામાં સફળ રહ્યું છે. અહેવાલો અનુસાર પાકિસ્તાને ફતહ-II બેલિસ્ટિક મિસાઇલથી હુમલો કર્યો. સિરસામાં તેને નિષ્ક્રિય કરવામાં આવ્યું હતું. તે જ સમયે, ભારતે ઇસ્લામાબાદ સહિત પાકિસ્તાનના ઘણા એરબેઝને નિશાન બનાવ્યા જેમાં તેને ભારે નુકસાન થયું. પાકિસ્તાનના હુમલાના જવાબમાં ભારતે પણ બેલિસ્ટિક મિસાઇલોથી હુમલો કર્યો. પાકિસ્તાને પોતે આ દાવો કર્યો છે. ભારતે બેલેસ્ટિક મિસાઇલ છોડવાની પુષ્ટિ કરી નથી. શ્રીનગર અને પઠાણકોટ એરબેઝ પાસે પણ મોટા વિસ્ફોટો સંભળાયા. આ વિસ્ફોટો પછી કોઈ નુકસાનના સમાચાર નથી.
શુક્રવાર-શનિવાર રાત્રે ભારત અને પાકિસ્તાન વચ્ચે તણાવ ચરમસીમાએ પહોંચ્યો. બંને દેશો યુદ્ધની અણી પર ઉભા છે અને તેમની સેનાઓ એકત્ર થઈ ગઈ છે. શુક્રવારે સાંજે પાકિસ્તાને ભારતમાં ૨૬ સ્થળોએ હુમલો કરવાનો પ્રયાસ કર્યો હતો. આના જવાબમાં ભારતે પાકિસ્તાનના એરબેઝને નિશાન બનાવ્યા અને ત્યારબાદ પાકિસ્તાને પોતાનું એરસ્પેસ બંધ કરી દીધું. તેવી જ રીતે, પાકિસ્તાન દ્વારા ભારત પર ફતહ-૧ મિસાઇલ છોડવામાં આવી હતી.
શુક્રવારે રાત્રે પાકિસ્તાન દ્વારા કરવામાં આવેલા ડ્રોન અને મિસાઇલ હુમલાનો ભારતે જવાબ આપ્યો. પાકિસ્તાને જમ્મુ-કાશ્મીર, પંજાબ, ગુજરાત અને રાજસ્થાનના ઘણા વિસ્તારોને નિશાન બનાવવાનો પ્રયાસ કર્યો છે.
પાકિસ્તાન એરબેઝ પર વિનાશ
શનિવારે સવારે ભારતે રાજધાની ઇસ્લામાબાદ નજીક સ્થિત કુલ ચાર એરબેઝ પર મિસાઇલો છોડી અને વિનાશ મચાવ્યો. મોડી રાત્રે ટેલિવિઝન પર પ્રસારિત થયેલા નિવેદનમાં, પાકિસ્તાની લશ્કરી પ્રવક્તા લેફ્ટનન્ટ જનરલ અહેમદ શરીફ ચૌધરીએ કહ્યું ભારતે તેના વિમાનનો ઉપયોગ કરીને હવાથી જમીન પર પ્રહાર કરતી મિસાઇલો ચલાવી હતી.
વિસ્ફોટ કયાં સાંભળ્યા હતા
શનિવારે સવારે, ગભરાટના માહોલમાં પાકિસ્તાને જમ્મુ અને કાશ્મીરમાં અનેક સ્થળોને નિશાન બનાવવાનો નિષ્ફળ પ્રયાસ કર્યો. જમ્મુ સહિત અનેક સ્થળોએ જોરદાર વિસ્ફોટો સંભળાયા. અહેવાલો અનુસાર, બીબી કેન્ટ શ્રીનગર અને પઠાણકોટમાં પણ મોટા વિસ્ફોટો સંભળાયા હતા. જમ્મુમાં સતત વિસ્ફોટો સંભળાયા. પાકિસ્તાની મીડિયાએ એક વીડિયો પણ જાહેર કર્યો છે જેમાં દાવો કરવામાં આવી રહ્યો છે કે પાકિસ્તાને સવારે ૫ વાગ્યાની આસપાસ ભારત પર મિસાઇલ છોડી છે.
ભારતે પાકિસ્તાનના ત્રણ એરબેઝનો નાશ કર્યો
સૂત્રોનું કહેવું છે કે ભારતે પાકિસ્તાનન ા ઓછામાં ઓછા ત્રણ એરબેઝને નિશાન બનાવ્યા છે. જ્યારે પાકિસ્તાનનો દાવો છે કે ભારતે બેલેસ્ટિક મિસાઇલથી હુમલો કર્યો છે. ભારતે આ વાતનો ઇનકાર કર્યો છે. ભારતના હુમલામાં પાકિસ્તાનને પણ નુકસાન થયું છે. પાકિસ્તાન તરફથી છોડવામાં આવેલી મિસાઇલોને હવામાં જ તોડી પાડવામાં આવી હતી. એવું કહેવામાં આવી રહ્યું છે કે પાકિસ્તાન પંજાબના અમળતસરને નિશાન બનાવવામાં કોઈ કસર છોડી રહ્યું નથી. શુક્રવારે રાત્રે પાકિસ્તાને પંજાબ, રાજસ્થાન અને જમ્મુ અને કાશ્મીરના ૨૬ શહેરો પર ડ્રોન હુમલા કર્યા. અવંતિપુરા એરફોર્સ સ્ટેશન પર ડ્રોન હુમલો પણ નિષ્ફળ બનાવવામાં આવ્યો છે. આ ઉપરાંત ચંદીગઢ અને અંબાલાને પણ એલર્ટ પર રાખવામાં આવ્યા છે.
પંજાબના ફિરોઝપુરમાં રાત્રિના અંધારામાં કરવામાં આવેલા હુમલામાં એક પરિવારના કેટલાક સભ્યો ઘાયલ થયા હતા. હુમલામાં ઈજાનો આ એકમાત્ર કેસ હતો. પાકિસ્તાનની સરહદે આવેલા તમામ રાજ્યોમાં બ્લેકઆઉટ લાદવામાં આવ્યો હતો. સંરક્ષણ મંત્રાલયે કહ્યું કે પરિસ્થિતિ નિયંત્રણમાં છે અને સતત નજર રાખવામાં આવી રહી છે અને ગભરાવાનું કોઈ કારણ નથી.
સંરક્ષણ મંત્રાલયના પ્રવક્તાએ જણાવ્યું હતું કે આંતરરાષ્ટ્રીય સરહદ અને નિયંત્રણ રેખા નજીક ૨૬ સ્થળોએ ડ્રોન જોવા મળ્યા હતા. આમાં શંકાસ્પદ સશષા ડ્રોનનો સમાવેશ થાય છે. તેમણે કહ્યું કે આ સ્થળોએ બારામુલ્લા, શ્રીનગર, અવંતીપોરા, નગરોટા, જમ્મુ, ફિરોઝપુર, પઠાણકોટ, જેસલમેર, બાડમેર, ભુજ અને લક્કી નાલાનો સમાવેશ થાય છે.
ભારતે પાકિસ્તાની લશ્કરી સ્થાપનો પર હુમલો કર્યો ભારતે અસરકારક રીતે પાકિસ્તાનના નૂર ખાન (રાવલપિંડી), મુરીદ (ચકવાલ) અને રફીકી (શોરકોટ) એરબેઝને નિશાન બનાવ્યા. આ સ્થળોએ ભારે નુકસાન થયું છે અને આ હુમલાને પાકિસ્તાનના લશ્કરી માળખા માટે મોટો ફટકો માનવામાં આવી રહ્યો છે. આવા હુમલાઓએ સરહદ પર તણાવને વધુ તીવ્ર બનાવ્યો છે.
પાકિસ્તાને પોતાનું એરસ્પેસ બંધ કર્યું તણાવને કારણે, પાકિસ્તાને આજે બપોરે ૧૨ વાગ્યા સુધી પોતાનું એરસ્પેસ સંપૂર્ણપણે બંધ કરી દીધું છે. આ સમય દરમિયાન, પેશાવર જતી પાકિસ્તાન ઇન્ટરનેશનલ એરલાઇન્સની ફ્લાઇટ PIA218 ક્વેટા ઉપર ઉડતી જોવા મળી.
ઇસ્લામાબાદ અને અન્ય મુખ્ય શહેરોમાં વિસ્ફોટ પાકિસ્તાનની રાજધાની ઇસ્લામાબાદ અને લાહોર સહિત ઘણા મોટા શહેરોમાં વિસ્ફોટો સંભળાયા. પાકિસ્તાની સેનાનો દાવો છે કે ભારતે બેલેસ્ટિક મિસાઇલો ચલાવી હતી. આ ઘટનાથી બંને દેશો વચ્ચેના વિવાદમાં વધુ વધારો થયો છે.
ડ્રોન હુમલા બાદ ભારતે જવાબી કાર્યવાહી કરી પાકિસ્તાન દ્વારા સરહદ પાર અનેક ડ્રોન હુમલાઓ કર્યા બાદ, ભારતે પાકિસ્તાન અધિકળત કાશ્મીરના નીલમ ખીણ અને સિયાલકોટમાં જોરદાર જવાબી કાર્યવાહી કરી
(10:43 AM IST)









છેલ્લા 8 દિવસમાં સૌથી લોકપ્રિય 
