News of Saturday, 10th May 2025
પાકિસ્તાનને ‘ઘરના લોકો' એ જ ફટકાર્યાઃ TTP- બ્લુચે ૨૨ જવાનોની કરી હત્યા
પાક આર્મી ઉપર ભીષણ હુમલો

ઇસ્લામાબાદ, તા.૧૦: TTP અને BLA એ પાકિસ્તાની સેના પર ભીષણ હુમલા કર્યા છે જેમાં કુલ ૨૨ સૈનિકો માર્યા ગયા છે. ટીટીપીએ દક્ષિણ વઝીરિસ્તાનમાં આર્મી પોસ્ટ પર ઘાતક હુમલો કર્યો, જ્યારે બલૂચ આતંકવાદીઓએ બલૂચિસ્તાનના અનેક વિસ્તારોમાં પાકિસ્તાની સૈનિકો અને સ્થાપનોને નિશાન બનાવ્યા.
ભારત સાથે વધતા તણાવ વચ્ચે, પાકિસ્તાન પોતાની ધરતી પર આતંકવાદીઓ અને બળવાખોરો દ્વારા ભીષણ હુમલાઓનો સામનો કરી રહ્યું છે. તહરીક-એ-તાલિબાન પાકિસ્તાન (TTP) એ દક્ષિણ વઝીરિસ્તાનમાં પાકિસ્તાની સેનાની ચોકી પર મોટો હુમલો કર્યો, જેમાં ૨૦ સુરક્ષા કર્મચારીઓ માર્યા ગયા. દરમિયાન, બલૂચ બળવાખોરોએ અલગ અલગ હુમલાઓમાં વધુ બે સૈનિકોની હત્યા કરી. આ હુમલાઓને કારણે, પાકિસ્તાન સેના માટે ત્રણ મોરચે પડકારો વધુ વધી ગયા છે.
ગુરુવારે રાત્રે દક્ષિણ વઝીરિસ્તાનના શકાઈ સબડિવિઝનમાં ડોંગગેટ ચેકપોસ્ટ પર થયેલા આ હુમલાની જવાબદારી ટીટીપીએ સ્વીકારી હતી. સંગઠને દાવો કર્યો છે કે તે એક બહુ-તબક્કાનું ઓપરેશન હતું, જેમાં પહેલા છ સૈનિકોને લેસર-ગાઇડેડ રાઇફલ્સથી માર્યા ગયા હતા, પછી મદદ માટે મોકલવામાં આવેલા લશ્કરી કાફલા પર હુમલો કરીને ૨૦ સૈનિકોને માર્યા ગયા હતા.
ટીટીપી હુમલો કેમ કર્યો?
આ હુમલા પાછળ ટીટીપીએ એક મોટું કારણ પણ જણાવ્યું છે. સંગઠને પાકિસ્તાન સેના પર બહાવલપુરમાં જૈશ-એ-મોહમ્મદના મરકઝનું સ્થાન ભારતને લીક કરવાનો આરોપ લગાવ્યો છે, ત્યારબાદ ભારતીય હવાઈ હુમલામાં ૧૪ લોકો માર્યા ગયા હતા. મળતકોમાં જૈશના વડા મસૂદ અઝહરના પરિવારના ૧૦ સભ્યોનો પણ સમાવેશ થાય છે.
ટીટીપીના પ્રવક્તા મોહમ્મદ ખોરાસાનીએ આ ઘટના પર ઊંડો શોક વ્યક્ત કર્યો અને પાકિસ્તાની સેનાને ‘પશ્ચિમી શક્તિઓના દેશદ્રોહી અને એજન્ટૅ ગણાવી. તેમણે કહ્યું,' પાકિસ્તાન સેના વ્યાવસાયિક હત્યારાઓની એક ટોળકી બની ગઈ છે જે પોતાના લોકોને વિદેશી શક્તિઓને વેચી રહી છે. તેમણે એમ પણ કહ્યું કે એબોટાબાદમાં ઓસામા બિન લાદેનની હત્યા આ શ્રેણીનો એક ભાગ હતી.
શુક્રવારે સાંજે બલૂચ સ્વતંત્રતા સેનાનીઓએ પણ અનેક સ્થળોએ પાકિસ્તાની દળો અને તેમના ઠેકાણાઓ પર હુમલો કર્યો હતો. તુર્બતના ડી બલોચ વિસ્તારમાં ગ્રેનેડ હુમલો કરવામાં આવ્યો હતો, જ્યારે ક્વેટાના હજારગંજી અને ફૈઝાબાદ વિસ્તારમાં આર્મી પોસ્ટ પર બે ગ્રેનેડ હુમલા કરવામાં આવ્યા હતા.
આ હુમલા એવા સમયે થયા છે જ્યારે બે દિવસ પહેલા બલુચિસ્તાન લિબરેશન આર્મી (BLA) એ બોલાનમાં IED વડે પાકિસ્તાની લશ્કરી વાહનને નિશાન બનાવ્યું હતું, જેમાં આઠ સૈનિકો માર્યા ગયા હતા. મળતકોમાં એક સ્પેશિયલ ઓપરેશન કમાન્ડરનો પણ સમાવેશ થાય છે. છ સૈનિકો ગંભીર રીતે ઘાયલ થયા હતા.
એક અઠવાડિયા પહેલા, BLA એ ક્વેટામાં બીજો IED હુમલો કર્યો હતો, જેમાં ૧૦ પાકિસ્તાની સૈનિકો માર્યા ગયા હતા. હવે, TTPના ‘ઓપરેશન ખંડક' અને BLAની ઘાતક વ્યૂહરચનાઓને કારણે પાકિસ્તાન સેના ખરાબ રીતે ઘેરાયેલી છે.
BLA દ્વારા ઉપયોગમાં લેવાતા તાાઈપર્સ, રિમોટ-કંટ્રોલ્ડ બ્લાસ્ટ અને ઓચિંતા હુમલાની યુક્તિઓએ સેના માટે પરિસ્થિતિને વધુ ખરાબ કરી છે. પાકિસ્તાન હાલમાં એક સાથે ત્રણ મોરચે લડી રહ્યું છે - ભારત સાથે સરહદી તણાવ, આંતરિક આતંકવાદી હુમલાઓ અને બલૂચ વિદ્રોહીઓ.
(12:10 PM IST)









છેલ્લા 8 દિવસમાં સૌથી લોકપ્રિય 
